مليــــت من خيــانااااته :(

السلام عليكم ورحمة الله وركاته

صلوا على النبي

اللهم صلي وسلم على سيدنا محمد


كيف حالكم خوااتي


والله اكتب لكم مشكلتي مع ريلي وخياناته مب راضي يتووووووووووووووووووب


بنات انا الحمدلله انولدت بين عايله ملتزمه ومحاافظه وسبحان الله نصيبي كاان زوج غريب مش من اهلنا ولا عايلتنا هو اخو صديقتي

وهو اختارني بنفسه وقال لاخته اخطبيها لي

بنات انا متزوجه وصارلي تقريبا 5 شهور

والله يابنات اني من اول يوم زواج لي من شهر العسل وزوجي يطالع البنات وفي شهر العسل كاان يقارن بيني وبين البنات الغرب المتفصخات اللي يشووفهم

ويقول شوفي هاي وشوفي دلعها وشوفي لبسها وشوفي وشوفي مب انتي طعي شكلج كيف :44:

وانا زعلت منه حتى في شهر العسل جي كان يقولي معني الحمدلله فالغرفه مااقصر فاللبس وكل شي

من بداية زواجنا اكتشفت سوالفه في النت في المسنجر يكلم بنات ومغربيات ومواطنات ولما واجهته اعتذر لي وقال هذا قبل مااتزوج معنه يابنات فيه محادثات يوم كنا مالجين وسامحته

وسويت عزاءء بيني وبين نفسي وللحين كل مااقرا محادثاته اموووت

وياب لي مرض الشك وقمت اشك فيه

وعقب شهر بالضبط من هاي السالفه اكتشفت عنده فووون كان خااشنه فالسياره وسبحان الله في هاليوم دخله الغرفه وانا سبحان الله كنت في هاليوم زعلانه منه من شي لاني تذكرت سوالفه واتضايقت وااايد وهو يوم شافني زعلانه

كان يتحرا اني صدت التيلفون وجااب التيلفون لين عندي يراويني وهاي كانت الصدمه القااتله والرقم كان فيه كله بناااااااااااااااات والله لا يراويكم بنات لو تسمعون اصوااتهم والله احس انه صووت نفس صوت الرجال بالنسبه لهم من كثر الدلع والميوووعه :icon33:

وغير انه يطرش لهم رصيد وفلووس وهم يطرششون صورهم استغفر الله ربي كما خلقتني بدون ملابس لاحول ولا قوة الا بالله

بناات انا انصعقت من اللي شفته

وهاك اليوووم ماارقدنا سويت له عزااء محترم وقلت له طلقني وودني بيت اهلي ماابيك وكسر البطاقه جدامي وقالي هذا عشانج اسويه وانا اصلا مااكنت اكلمهم لاني احبهم كنت اكلمهم مجرد سواالف وسلام حسبي الله ونعم الوكيل

ووعدني مره ثانيه من هذاك اليوم انه يتغير

بس بناات عقب شوو انا احس اني مريضه نفسيا مااقدر كل ماتذكر الموضوع اتم اصيييح واتهاوش ويااه هو يقولي انتي مرريضه تعالس بوديج الدختر وانا اقوله انته خذتني من بيت اهلي ماافيني شي وانته خليتني اوصل لهدرجه

بنات وغير جي يطالع افلام خليعه وانا من زوود قهري صبيت على لابه بيبسي لين مااخترب وقلتله انا صبيت عليه لاني انا ماارضى زوجي يوصل لهالمرحله

والله ياابنات احس بخوف يوم اكون معاااه اتم اصيح ماعرف ليييش مااحي بالطمأنينه انتظره بس يروح الدوام عشان ارتاح منه

والله انه يمووت على شي اسمه بناات ومغربيات وتايلنديات

وفونه كله بناات ورقص وحتى لابه كله افلام وبنات وصور خليعه والله العظيم يابنات لاتقولون الغلط مني انا

انا موول ماقصرت عنه في شي وياما نصحته وخوفته من الله وحطيت له محاظرات فالسياره واقوله قصص تخووف بس مافيه فااايده

انا الحين حاامل وامر بفتره الوحاام وحالتي النفسيه اخس عن قبل والله نفسيتي زفت وهو مايراعي شعوري

بنات شو اسوي مع هالريال والله اني تعبت منه ومن خياناته

ماخليت شي ماسويته

وهو يقولي انا واثق من نفسي اني مااسوي شي المشكله هو مايبين لي انه اتغير ابداا

وطلعاته ماتحلى الا من 1 فالليل لين 5 او 6 ويوم اساله وين تروح يقول في المقهى مع ربعي

والله يابنات انه اصدقائه كلهم منحرفيييييييييين سواء معرسين ولا عزاب كللهم نفس الشي وهم يخربوونه

مااخليت شي ماسويته ولا فاااد والله تعببببببببببببببت :icon33:

لا تقولون خبري حدمن اخوانه او اكلم اي حد يتفاهم معاه

ترا اخوانه نفس طينته تقريبا وهو يقول محد له خص فيني ويقول لو حد درابسالفتنا صدقيني انا بزيد وبسوي اكثر

وانا كاتمه كل هذا بيني وبين نفسي

وفوق هذا كله يدخل الشات ومايحلى الا الشات الصوتي ووصل للبالتوك اعوذ بالله

معنه يقولي انا امووت فيج وانتي زووجتي رحتي ولا ييتي بس والله يابنات ولا مره سمعت منه كلمة حبيبتي ولا يدلعني ابدااا ويوم اقوله طلقني يقولي مستحيييل اطلقج انا احبج
لانه يعرف اني مش نفس بنات الشوارع اللي يكلمهم ومرده لي بس انا مااقدر احبه نفس قبل خلاص النفس عافته :44:

هذا اللي كتبته شوي ترا الخافي اعظم

اللهم استر علينا وعلى امة محمد

حسبي الله ونعم الوكيل

52 تعليق 4,795 مشاهدة

شاركي في النقاش

سجلي الدخول لإضافة تعليق.

التعليقات

51
  1. @shmoaa_allyl_1

    السلام عليكم
    اسال الله العلي القدير رب العرش العظيم
    وباسمه العظيم الاعظم ان يجبر قلبك ويشفي صدرك ويقر عينك بصلاحه وهدايته
    الله يسعدك ويجعل بينكم المودة والمحبة والتفاهم والاحترام
    الله يكرهه في السوء والذنوب والحرام واهله
    اللهم حبب اليه الايمان وزينه في قلبه وكره اليه الكفر والفسوق والعصيان
    عليك يااختي بالدعاء والاستغفاروالصدقة وقيام الليل سهام لاتخطئ
    افهمي شخصيته ونوعها ولبي احتياجاته انا ماقول انت مقصرة هويحبك يبيك لانه واثق فيك بانك تخافين الله ومحترمة ومن بيت نظيف وهذا الشي مطمنه نفسيا
    في يدك نقاط كثير من صالحك
    انه مايبي احد يدري بهالاشياء اللي يسويها ومعه حق بالعكس شي طيب معناته يهمه سمعته
    ومن صالحك تبنين بها ثقة بينك وبينه
    لازم تتذكرين انه لن تهدي من احببت ولكن الله يهدي من يشاء
    فخلي دعاءك دائما اللهم اجعل احبابنا ممن شئت ان تهديهم
    انت في جهاد وهذا ابتلاء من الله استعيني بالله عليها
    انتبهي لنفسك ونفسيتك كوني ذاتك
    لاتدمرك هالاشياء ولاتاثر فيك
    الله يسعدك ويسر امرك ويثبتك
    الله يكون في عونك
  2. @amp_yslm_klbh_amp

    لاحول ولاقوه الابالله
    والله ضاق صدري عليييك
    وماادري وش اقولك
    الخيانه طعمها مر وعلقم وتكوي القلب كوي
    وماراح يتركها الا اذا هو بنفسه تاب وكرهها
    لكن اذا باقي تحبين زوجك وبيتك وودك ان الي في بطنك يعيش بينكم
    جاهدي عشان حياتك
    ولاتتركين زوجك لبنااات الحررام
    وزيدي من نصحه وادعي له
    دايم في سجودك قولي اللهم باعد بين زوجي وبين الحرام
    وان شاء الله يكتب ربي له التوبه والهدايه
    لكن اياك تهملين نفسك وتحطين اللوم عليك
    اذا زوجك خاين فهذا لانه قليل خوف من الله وصحبته فاسده
    وربي يكووون بعونك
    وتتهنين في حياتك
    ويسعدك ربي

تابعي تجارب أخرى من هذا القسم.