تجمع الموقنات برحمة الله(خبرات متبادلة حول مراكز العقم في مصر)الجزء ال19

صباح الخير عليكم
عاملين ايه النهاردة؟
اوكسي
ربنا يثبتك ويجازيكي خير
ماما
عجبني كلامك
بس علي فكرة
اصاله مخلفة من جوزها الاول
توفي
ترجعي مصر بالسلامة ان شاء الله
قررتي تعملي العملية عند مين؟
ريمو
احنا تمام يا جميل انتي عاملة ايه؟
وايه اخبار انوس باشا
متابعتي لسة الاحد القادم ان شاء الله
ميزو
اقتراحك رائع
بس انا عن نفسي اخاف ملتزمش بالمواعيد
بس ححاول ابقي معاكو ان شاء الله
بوبا
الله يباركلك
بقي كوني تحكي تجربتك بالطريقة دي يخلي الناس تتفائل اكتر حتي ولو فيها نقد لطبيب علي الاقل حيصبر واحدة تانية دكتورها صدمها برده
اللي حصل معاكي يابوبا من الحاجات اللي بتقويني والله
وتجدد الامل
ربنا يتولي قريبك ويرحمه بواسع رحمته

ايه ده يا جماعة
مغامرات تجمع الموقنات برحمة الله

ملفنا ده كله نشاط باسم الله ما شاء الله
صحيح اوقات بننام في العسل ووداع ومصرية وغيرهم كانو بيشيلونا ويفضلو فاتحين الملف
لكن الصحوة دي كل شوية تهب والاثي الملف اتملى من جديد

انا والله مبسوطة من النشاط ده

ونفسي اوجه كلمة ليكو كلكو
احنا عندنا ثقافة الراي الواحد ومش قادرين نتفهم اراء الاخرين بطبيعتنا
لان مجتمعنا كله عايش كدة
لازم كل واحدة فينا تسمع للتانية
ولااااااااااااااااااااازم ميكونش في اي زعل
وانا رايي ان الحب في الله بيلخص معاني كتيييير ممكن اكون محتاجة اقولها

يعني يا طمطم لو افترضنا ان في كلام زعلك او جرحك واحنا مش واخدين بالنا
اكيد هتسامحي الشخص اللي قاله عشان انتي عارفة انه مكانش يقصد يزعلك

نيفو هانم بطعم الفراولة
ال ايه كل ما ادخل الاقي خبر وحش امشي
طب الله يسامحك يا نيفو
ازا البنت نفسها اوكسي باسم الله ما شاء الله على قوة ايمانها
والله بتعلمنا درس في اليقين بالله
واقسم بالله العلي العظيم
ما شفت حد يا اوكسي في قوة ايمانك وانك بتعلميني اد ايه انا محتاجة اقرب من ربنا
ربنا يزيدك ثبات ويقين
ويعوض صبرك الجميل ده بكل خير يا رب

والله يا اوكسي دخلت امبارح عشان اتطمن عليكي
ولما لقيت الكلمتين اللي انتي كتبتيهم
قعدت احمد ربنا وادعيلك ربنا يثبتك ويكرمك باذن الله

بعد اذنك يا اوكسي ثواني
هارجع لنيفو

يعني سيادتك اصلا يا نيفو ابتسامة التجمع
ومش عايزة تيجي
نبتسم ازاي دلوقتي
حرام عليكي يا شيخة
ادخلي كلمينا وضحكي معانا
وكمان لا عارفين اخبارك ولا بتعملي ايه ولا اخبار الريجيم ولا اخبار الولاد
وتروحي باصة علينا من خرم الباب وتجري

اللي يقفش نيفو يا بنات المرة الجاية يقعدها عقاب في التجمع تلات ايام
عشان تعوض نقص الضحك اللي موجود في التجمع
وانا هقول لريمو تجيبلك الفنكة
وهقول لطمطم تعملك شغل ريا وسكينة مع بعض

وداع
شكلك اخدتي الوصفة بتاعة الكيكة من اشتقت وزوغتي
مليش دعوة انا عايزة حتة

ام انس يا حبيبتي
ربنا يعينك على المسئولية اللي انتي شايلاها
بس انا رايي تسافري وان شاء الله هتتحل وهترجعي زي ما نفسك
متفكريش في اللي لسه جاي
ربك هيسهلها ان شاء الله

ميزو يا حبيبتي
ربنا يجزيكي كل خير
انا هاشترك ان شاء الله بس ادعولي اقدر على نفسي الكسلانه

اودي
انتي كمان بتزعلي وانا مش نفسي نضيع وقتنا في الزعل
ده ربنا ارحم الراحمين
وانا اتعلمت من حكايتي ومن حكاوي ناس كتير
ان ربنا سبحانه وتعالى لانه بيحبنا
فبيقربنا ليه وبيعلمنا اخطاءنا بالابتلاءات

الصح بقى

اننا نقرى الرسالة اللي ربنا باعتهالنا
ومنعديش اي ابتلاء كدة وخلاص
لا

في رسالة ربنا باعتهالنا
اقرو صح
وقربو من ربنا
عشان نكون من اللي ربنا قال عنهم
ليمحص الله الذين امنوا

يا رب اجعلنا منهم

في حتة بس واجعاني اوي في قصة حكيتهالنا بوبا
الشاب اللي انتحر دع بجد قصته صعبة عليا جدا
وليكي حق يا بوبا متحاوليش تفتكريها لانها وجعتلي قلبي
ربنا يرحمه
عايزين ندعيله
ونتعلم ان الواحد مهما صعبت عليه امور الدنيا لازم يثبت وميخسرش كل حاجة في لحظة ضعف
واكيد الحقيقة لما تتقال مرة واحدة بتبقى صعبة
لكن يمكن ده اختبار من ربنا لينا هيشوفنا هنعمل ايه ورد فعلنا ايه

والدكاترة اللي بتقول الحقيقة بطريقة وحشة
احنا مهما زعلنا منهم
لكن برضو لاااااااااااااااااااااااازم
نلتمس ليهم العذر
عارفين ليه

عشان الحديث اللي بيقول

التمس لاخيك بضعا وسبعين عذرا
فان لم تجد له عذرا فالتمس له عذرا

لازم نحسن الظن باللي حوالينا
يمكن ميعرفش غير كدة ... بس انا عارفة ان رحمة ربنا واسعة ومش كلامة حكر
يمكن مضغوط ومش قادر لحظتها يطلع الكلمة الحنينة عليا
يمكن كان يقصد معنى غير اللي وصلي
يمكن شاف حالة زي حالتي ومنفعش حاجة معاها
يمكن ربنا موفقوش للحل

في الاخر انا حرة
والحمد لله دكتور عادل عمره ما قال غير انه يدي الحلول ويقول اختاري
على اد ما ربنا اداله من علم
وانا بقى فيا مخ يفكر وايمان يوجهني

احكيلكو على حكاية مع دكتور عادل
مرة كنت بعتله ميل ومردش عليا وكنت مشغولة اوي ومستنية الرد
واتاهرت لما مردش عليا
المهم كان معادي معاه بعدها بفترة
ولما دخلتله انا وجوزي
رحت قايلاله وانا بادحك (عشمانه فيه مش اكتر)
على فكرة يا دكتور انا زعلانه من حضرتك عشان مرديتش على الميل بتاعي
والله وكنت باضحك ساعتها مش بلوم بجد ولا حاجة

انا قلت الجملة دي من هنا
وده دخل فيا شمال
وجوزي قاعد
وبكل الزعيق اللي في الدنيا
انا بارد على 1000 تليفون في اليوم
وبتابع العيادة
وبرد على 5000 ميل في اليوم
ده غير .......
ده مش شغل بشر
انا مهما كان مش هاقدر على كل ده
وبعدين انا عمري ما اتاخرت على الرد على اي ميل
وكان في شدة الغضب
طبعا انا حرجت جدا
ورحت قايلاله

لا والله يا دكتور انا من عشمي بس
وحضرتك مش ملزم ترد
ده تفضل منك بس وعشان تطمنا
وانا مقصدش
وكلمتين بالمعنى ده

بس بجد يا بنات
بعد ما رديت عليه كدة
وجوزي كمان قاله كلام بنفس المعنى
حسيت وكان دكتور عادل ده
كان فوق دماغه هم وشاله
وبعدين كلمني انا وجوزي بطريقة
فيما معناه يعني
كتر خيركو انكو استحملتوني لما غضبت
والله كان ناقص يشيلني من الارض شيل بمعاملته الكويسة
وقالنا
اصل في مريضة
دخلت قالتله نفس الموضوع بتاع الميل ده بس هيا كانت بتتكلم جد
بتحاسبه
انت ازاي متردش على الميل
طلع غلبه فينا
واحنا مش قاصدين
وربنا هدانا وامتصينا الغضب ده
فهو ارتاح واحنا مشينا من عنده مبسوطين على الاخر

والله يا بنات
احنا لازم نفكر في اللي قدامنا
وطالما مش ناوي لينا الشر وبيعمل كل اللي يقدر عليه
يبقى لازم نحترمه ونقدره
لكن منلغيش عقلنا ابدا
ودايما ناخد قراراتنا بعد الاستشارة من اكتر من شخص
ونصلي استخارة
عشان بعد الاستخارة
مفيش ندم

بحبكو كلكو في الله
:39:

ايوة انتى بتهددينى يعنى ولا اية ان شالة يكون شكلك كدة :angry2: انا مش بيهمنى

بصى بقى انا اتغظت منك علشان انتى مقتنعة باللى فى دماغك وخلاص وهو انى متحاملة على دكتور عادل ومش مقتنعة بية طيب يا بنتى انا لو مش مقتنعة بية هروحلة لية وبعدين انا اية علشان اقتنع بية او لا انا اجى اية فى علمة علشان اقتنع او لا ومش معنى ان لية تحفظات على بعض الاشياء يبقى بقول انة فاشل لا انا مقدرش اغتابة لانى بحترمة وبقدرة بس بيبقى فية حاجات صغيرة مينفعش انها تتقال كلها بتبين اذا كان الدكتور مركز معاكى ولالا وهى دى المشكلة وبعدين هرجع واقول دا انطباع شخصى ممكن نتفق وممكن نختلف فيه وزى ما قلت قبل كدة الاختلاف فى الراى لا يفسد للود قضية
وبعدين انتوا مينفعش متحبونيش ومتخفوش على مصلحتى دا اصلا مش بمزاجكوا دا غصب عنكوا وانتى بالزات لازم تستحملى غصب عنك واذا كان عجبك ولو مش عاجبك ورينى هتعملى اية

يا عم البلطجة
ايه ده كله ايه ده كله
لا لا لا
غلبتي ريا وسكينة مع بعض
يلا يا جماعة اجرو بسرعة لحسن فطومة شكلها كدة ناوية تعضنا

بس بجد عجبتني الجملة الاخيرة جدا
ومتهيالي مفيش بعدها كلام
صح يا ريمو

وبعدين انتوا مينفعش متحبونيش ومتخفوش على مصلحتى دا اصلا مش بمزاجكوا دا غصب عنكوا وانتى بالزات لازم تستحملى غصب عنك واذا كان عجبك ولو مش عاجبك ورينى هتعملى اية

هتعمل ايه يعني المسكينة الغلبانة اللي في وسطينا دي
معلسش يا ريمو
احنا برضو بناتك الصغننين


:39:

احيانا الواحد بيحتاج يطلع اللي جواه ويهدى
واحنا كلنا بنحب بعض في الله ودي نعمة من عند ربنا
بس يا طمطم لازم تعملي حساب النية الحسنة ومتظنيش ابدا ظن سوء
وانتي يا ريمو
من غير ما تزعلي بس
احيانا الواحد بيفهمك غلط مع انك قلبك كبير وخايفة علينا
انا برضو من فترة كنت مستغربة كلامك ليا جدا
بس انا بحبك
وعارفة انك تقصدي انك بتحبيني بس مش بتقوليهالي زي ما انا نفسي اسمعها

متتكلموش في الموضوع ده بقى تاني
ويا ريت يا حجة فاطمة
تروحي تجيبي اختك نيفين احسنلها
بدل ما اضرب معاها زعلاية محترمة عشان مش بتقعد معانا هنا
واسامي العيال اللي وداع فكرتها بيها خمسين مرة
وانا اتصلت بيها مخصوص
مش راضية تطلع الاسامي
اوكسي
ده فرصتك الثمينة
سميلي الواد انا وام انس
فاكرة يا اوكسي زمان
واللا افكرك:)

بالنسبة للدكتور عادل حقولكم مثل: لولا اختلاف الازواق لبارت السلع.
ازبك يا ميزو: معلش انا مشيت جري علشان اتزنقت في الشغل.