أنا وسلفتي وزوجي

السلام عليكم ورحمة الله وبركاته

يابنات مدري شلون ابدأ بس بحاول اختصر

انا وسلفتي تزوجنا بيوم واحد وهي من (قرايبي) المهم بعد الزواج اكتشفت ان زوجي كان خاطبها
وهي رفضته بعدها خطبني وملكنا عاد تعرفون القرايب غاااارت لاني اصغر واجمل مو مدح بنفسي لاوالله بس هي الله يستر عليها المهم حست انها ضيعت فرصه وراحت ارسلت على اخوه الي اصغر منه وجاها وصارت الخطبه

تصدقون يابنات من تزوجت لليوم وهي تغار مني وتحقد علي وياما وياما رمت علي كلام قدام الناس وانا بلعتها ومشيتها صار لي 8 سنين متزوجه ماراح اذكر مواقف حتى ماتعرفني مو ناقصه مشاكل المهم كل ما اشتكي لزوجي من موقف سوته والله اني ابكي عنده منهاره وهو ساكت لما اقوله ليه ساكت يقول وش تبيني اقول

قبل شوي افرفر بجواله لقيت رساله تهنئه عيد غريبه كأنها لوحده والأسم رجاااااال يوم اشوف الرقم الا طلع رقمهااااااا بنات اسألكم بالله لو كنتو بمكاني زوجك يعايد عدوتك عااادي عندك والا بتنهارين مثلي؟؟؟

على فكره يوم قلتله ليه مرسلها يقول وش فيها والله اني طققققيت اخوانه ولامره يرسلون لجوالي كلهم رازين انفسهم عن هالسوالف انا الحين بحال مايعلمها غير ربي بنات شورو علي

85 تعليق 8,344 مشاهدة

شاركي في النقاش

سجلي الدخول لإضافة تعليق.

التعليقات

84
  1. @memooo

    يعني يوم اخذتيه حلا بعينها حمدالله والشكر صدق مريضه
    ماعليك منها بس دليل انها تغار منك خليك واثقه من نفسك
    وسوي نفسك ماتشوفينها ولو قلتي لها بطريقه مو مباشره امك كاشفتها
    احسن لك
    ربي يسخره لك ..
  2. @am_alhloyn_rg

    هي مرسله لزوجك والاهو مرسلها ودام عادي يرسل اجل قوليله يعني عادي ارسل لاخوانك والله زمن غريب صاروا الناس ماعاد يعرفون الحلال من الحرام الله يجيرنا من النار
  3. خذي موقف حازم معا زوجك بخصوص الرساله ضروووري
    وهي ماعليك منهاااااا الحقران يقطع المصررراااااان
    اهم شيء زوجك

تابعي تجارب أخرى من هذا القسم.