ولد عم بنت اختى بيعدم حياتها الله لايوفقه ....

السلام عليكم ورحمه الله وبركاته
بناااااااااااااات بنت اختى ادعولها ان الله يصرف عنها شر ولد عمها الحيوان بدخلكم فى القصه سيدا يمكن قصه غريبه عند نااااس قبائل لكن اقسم بالله العظيم انها قصه حقيقيه انا احس المسلسلات اثرت على عيالنا كثير..
بنت اختى عندها ولدعم كبير متزوج واكبر عياله فى سادس المهم بعدم حياتها باى طريقه وحالف لو على رقبته المهم انها ماتزوج واحد غيرررررررررررررره خطبها اكثر من مررره ورفضت متزوج وعيال وكبير عليها هى صغيره
المهم رافضته نهائى بذات هذا ولد عمها خطبوها ناس كثير بالهبل اقسم بالله مو علشان بنت اختى وبمدحها جميله جمال سبحان خالقها كانت ترفض بحكم دراستها وهذا ولد عمها اصلا ابوها كان يطرده من عند الباب قام قال لابوهااللى يصير عمه انا الحين اخطب زى زى الناس لكن بسكت لحد ماتتخرج من الجامعه ويصير خير المهم عصب ابوها يهدد اللى مايستحى وصارات مشاكل بالعائله ...
تخرجت بنت اختى من الجامعه السنه اللى فاتت خلاص بدات تفكر فى مستقبلها مثل اى بنت بتتزوج خطبها واحد من جماعه ابوها يوم عرف ولد عمها ان فلان خطبها راح وعدم عليها قاله كيف تخطب بنت عمى وانا خاطبها من زمان وهى موافقه الولد انصدم قال هم يقولون ماهى ملكه ودقت امه على اختى وهواش تكذبون علينا اختى حاولت تفهمها الموقف المهم الحرمه قالت خلاص ماهى من نصيب ولد ى انهارت بنت اختى مو علشان الولد اللى رفضها لا علشان موقف ولد عمها وراح ابوها وتضارب معاه حتى ابو الولد طردوه حالفوا معاد يشوفون وجه الولد راكب راسه قال خلاص ماتهمونى اخذها يعنى اخذها فلانه انا احبها ومستحيل احد يتهنا فيها غيرى واذا كان على زوجتى وعيال 5 مطلقها حتى عيالى انا مابغاهم فيه واحد عاقل يرمى 5 عياله ومايبغاهم اهم شئ توافق وتاخذنى لانها لو ماخذتنى بطيب اخذها بالغصب واتحد واحد يقدر ياخذها ولا يفكر يملك انا جلس لها
ابوها يابنات انهار قال بروووح اشكيك وخاليهم يسجنونك قال انا بروح معاك علشان مايتعبون انفسهم ويدرون عليه وخليهم يسجنونى ونازل من السجن واخذها مافيه مشكله عندى جننهم حتى ابوه واخوانه واعمامه الثانين كلهم مضاربين معاه وطاردينه من عايلتهم لايحضر معاهم فى شئ حتى اعيادهم <<<<<المهم هذا العيد جاء وهم مجمعين فى الاستراحه قال اخر انذار لكم اعمامه وابوه واخوانه وعايلتهم كلهم جالسن وابو البنت قال شوفوا بتزوجونى فلانه ولا لا قالو ا لا وقام ابو البنت قال لا مانى مزوجك بنتى لو تموت ,,وحلف ابوها مدام الشغله عناد وتحدى مايزوجها لو تعنس عندى قال خلاص لاتلومونى لو سويت الشئ اللى براسى..؟؟؟..انا جيت بكل السبل وقلت اطلبوا اللى تبغونه لو مليون انا حاضر بكل شئ وقلت لو العائق من رفضى زوجتى مطلقها ولو عيالى بغطيهم امهم حتى ماتشوفهم ابد شنو اللى باقى ماسويته......طبعا اختى خايفه على بنتها وبنتها عندنا حنا خوالها ماتروح عند اعمامها نهائى خايفه عليها يخطفها هذا الحل اللى باقى هو ماقالها بصريح العباره بس هذ ا اللى فهمناه من كلامه وقام ابوبه قال والله لو تسوى شئ يغضب اعمامك لاتبرى منك ليوم الدين وتضاربو معاه وخرج من الاستراحه الله لايوافقه ويجعله بحادث ياخذ عمره ومن ذاك اليوم 4 يوم العيد لحد الان ماجا ولااحد يدرى عنه سافر لانه هو يشتغل فى منطقه خارج المنطقه اهله ولايدق ولا احد يكلمه..........
الحين المشكله محد عارف وش براسه الله لايوفقه وبنت اختى تنخطب وترفض ؟؟
وحنا عارفين شنو نسوى معاه و معبر احد ولا خايف من احد ابد؟؟والموضوع صار عناد بين ابوها والولد
وحنا خايفين على بنت اختى ومستقبلها وهى مسكينه شكلها من كثر التفكير بتموت؟؟

112 تعليق 10,823 مشاهدة

شاركي في النقاش

سجلي الدخول لإضافة تعليق.

التعليقات

109
  1. لاحول ولاقوه الابالله
    اكثرو من الدعاء
    عسى الله يفرج عليكم وييسرلكم اموركم
  2. @yabkht_mn_mlk_klby

    الله يفرج همها
    حسبي الله لااله الا هو عليه توكلت وهو رب العرش العظيم خليها ترددها كل يوم 7 مرات
    والله سبحانه بيفرج همها باذنه تعالى
  3. @ltltnkbr_o_nnsgtgt

    اكثرو من دعاء (( اللهم اكفناه بما شئت))

    وخلي بنت اختك تردد حسبي الله ونعم الوكيل وتكثر من الإستغفار

    واذا مصخها اشتكووووه خل يمسكونه ولا يسون فيه نيله تنيله ماصارت عيشه ذي الله لاينكد علينا ولا عليكم
  4. امل الصغيره
    قدمو فيه شكوى للسلطات واذا شاف السالفه جد يمكن يخاف
    اذا خطبها احد خلو الموضوع بينكم وخلصو الموضوع بسرعه مش لازم عرس كبير عايلي مره
    وياليت يكون الزوج بعد شغله برا يعني يااحد مناطق المملكه او خارجها يكون افضل
    الرجال هذا بايعها وخالص وتوقعو منه اي شي
    بلغو مثل ماقالت الاخت

تابعي تجارب أخرى من هذا القسم.