ما ذقت قرصان القريه النجديه
بس اهم شي في القرصان الكشنه والزبده هي اللي تعطي الطعم الجنان
ابقولك طريقتي في القرصان
قرصان هرفي كويسه مره لانها رهيفه ر
لحم عنم مقطع صغير مره
احمسي اللحم بشوي كركم وصلصه وملح فلفل اسود
وصبي عليها مويه مغليه وخليها ساعه على النار
احمسي بصل كميه وفيره بزبده وحطي بهارات مشكله وقلبيها زين
اسلقي فاصوليا خضراء ويا شوية جزر
قطعي قرع بشكل صغير لا تسلقينه
حطي حبة زبده في قدر على النار وخليها تذوب ولما يروح الحليب اللي فيها
بس انتبهي لا تحرق
حتشوفين السمن انفصل علن الحليب .. فيه شي في الاسفل
خذي القدر وخليه مايل بحيث نتخلص من اللي في القاع
حطي الخضار المسلوقه ويا القرع على قدر اللحم خليها 10 دقايق
هالحين عندنا اللحم بالخضار والكشنه والزبده
خذي كميه من لقرصان وكسريها وحطيها في بايركس
وصبي عليها من المرق وبعدين حطي كشنه
وبعدين صبي عليها من الزبده المذوبه
وكرري العمليه
وغطيها بقصدير خليها في فرن حامي ربع ساعه عشان تتشرب
ولما تجين تغرفيها قلبيها شوي
واغرفي
اهم شي في القرصان الكشنه والزبده ونوعية البهارات المستخدمه
بالنسبه للخضار افضل القرع والفاصوليا والجزر
ما افضل الباذنجان ولا اللوبيا ... تسحب الطعم
ممكن تحطين كوسه
المطاعم ما تحط لحم
بس تكون الذ بها
وبالعافيه
مطبخ حواء لكل ما يخص الطبخ من دردشه واى سؤال للطبخ يوضع هنا
متابعة النقاش، صفحة 369