♥▓مذكرات عصفورة الجنوب في رحلتها الأروع رحلة الحج ( بالصور و الفيديو)▓♥

صاحبة الموضوع 29 نوفمبر 2010

(4)

النفرة لمزدلفة,,,

بعدها قرب وقت النفرة لمزدلفة و أتقابلنا و الرجال برى المخيم لقينا كل مجموعة من الرجال شايلين زولية, اسأل زوجي طيب ليش ؟؟ قال ما هم مجهزين أي شي لمزدلفة نجلس عليه, قلنا معليش نصبر, و قال المشرف على مجموعتنا انتبهوا للافتة و أمشوا وراها,,,

و أنطلق الرجال اللي ماسك اللافته بسرعة صار الرجال يقولون له امشي بشويش معنا حريم و الدنيا زحمة, لكن الله يسامحة اذن من طين و أذن من عجين وقعد يلفلف بين الباصات . و أحنا نجري وراه وعين عليه و عين على كمية الزبايل و الأكل الفظيعة اللي ندعس عليها, يارب سامحنا ,,,
المهم مشينا يمكن ربع ساعة ورى اللافتة و الحمد لله وصلنا الباص و طلعنا جينا بنحرك أكتشفنا أن 13 واحد ما وصلوا ضيعوا الطريق بسبب سرعة صاحب اللافتة الله يسامحه, وقعدنا في الباص ننتظرهم تقريبا ساعة و نص حتى لقيوهم. بعدها و زعوا علينا نفس و جبات الافطار.

يا بنات قعدنا أكثر من ساعتين يحاول سواق الباص بس نطلع من المواقف ما قدر. بس الحمد لله أول ما طلعنا من الموقف تسهلت و مشى من طريق فاضي نوعا ما و صورت لكم الهوايل في هالفترة

و الله تقولوا عرفة كان فيها إعصار من كثر الزبايل شي و الله مو طبيعي شوفوا و إحكموا,,,

و بحمد لله وصلنا مزدلفة تقريبا الساعة 11 في الليل و هذا شكل الناس و هم بايتين في مزدلفة,,,

أول ما و صلنا توضينا من قوارير الموية اللي كانت معنا و صلينا المغرب والعشاء جمع تأخير, و فرشوا لنا الرجال الزولية اللي كانوا شايلينها من مخيم عرفة حتى الباص,,,
حاولنا ننام على الرصيف مافيه أمل ما قدرنا أبدا ما فيه شي يسترنا قالوا الحريم اللي معي قالوا خلونا نروح الحمامات , قلت مستحييييييييييييل شوفوا كيف الزحمة عليه أكيد بيكون معفن الله يكرمكم, قالوا خلينا نجرب ورانا مشوار طويل لمنى قلت يلا مو خسرانين شي قلت روحوا أنتوا أول و بعدين قولوا لي كيف الوضع, جوا قالوا كويس و نظيف نوعا ما و رحت و فعلا كان نظيف رغم الزحمة اللي عليه.
و بعدها جمعنا الحصوات,,,
و في هالوقت كانت مصرية من اللي معانا في الخيمة نايمة على الارض و شنطتها جنبها و جا واحد أسود و طويل ونشل شنطتها هي مسكينة صنمت و ما قدرت تقول شي, كان فيه رجال جنبها الله يجزاه خير قام و جرى ورا الرجال و شافوة اثنين من رجال الشرطة و جريوا كمان وراه, الحرامي خاف و رمى الشنطة في الارض و أخذوها الشرطة و خلو الحرمة تكتب بلاغ و سلموها الشرطة بس الجوال انكسرت شاشته و كذلك انكسرت نظارتها, بس تقول الحمد لله اهم شي اوراقها الرسمية لانها بترجع مصر بعد الحج مباشرة<<< فلم أكشن
بعد كذا أتصل قريب زوجي الساعة 1 هو في نفس الحملة بس في باص ثاني, قال له أحنا مشينا لمنى.
و كلم زوجي الرجال اللي في باصنا و قالهم تبغوا نتعجل و نروح كلهم قالوا ايوه ما عدا عائلتين ما لقيناهم,,,
وقلنا للمشرف و قال مافيه مشكلة بس تجتمعوا كلكم و نمشي و تجمعنا أخيرا الساعة 3 و مشينا وصلنا يمكن الساعة 6 للمخيم و لقينا قريب زوجي راح رمى الجمرات و تحللوا من الاحرام.