تتوحمين او قد توحمتي تعالي علمينا عنك وعن مواقفك وخلينا نضحك شوي

يوه الله لايعيد ذيك الايام فعلا تعب في تعب مايقعد بمعدتي شي لكن اذكر اني عند اهلي ونبي نسافر مجهزين الا امي جايبه فطائر سبانخ وشاي اكلت فيه واكلت لين خلاص وصلت حدي حتى بالاخير شرهت على نفسي وانا اكل الحين وش بيقولون عني ويوم سافرنا وجينا البيت وتذكرت سبانخ امي نفسي فيها والله يابنات طلعنا من البيت تقريبا الساعه عشره فرينا المحلات واحنا ندور فطائر السبانخ مالقيناها ورجعت البيت وماذقت شي اليوم الثاني جاب لي زوجي كيلو فطائر سبانخ يقول اني قايلهم احجزوا لي بكره كيلو ....تدرون عاد اكلت منها حبه مدري حبتين بس والباقي ماقدرت اكله بس فعلا نفسي كانت تتقطع عليها

انا كان وحمي شين انا حملت وانا في بريطانيا وكان وقت شتا وثلج ونفسي بحبحب انام واصحى اشم ريحته زوجي راح دور ماحصل بعدين سال قالو تلقى في سوبر ماركت في مدينه ثانية رحنا وماحصلت الا سلطه فواكه كنت اخذ الحبحب واكله وانا في السياره وبعده يوم دخلت الثالث كنت استفرغ استفراغ مو طبيعي جلست لين كملت التاسع وانا استفرغ حتى يوم الولاده وكنت اكره ريحة القهوه اول ماتغلى كان اذا احد بيجي عندي اقولهم جيبي قهوه معك وان شا الله ماعيد الوحام ذا مع حملي الجاي مره كان متعب .

انا كرهت ريحه زوجي الله لايعيدها هالريحه
مسكين والله تعذب معي انواع العطور ولا فادت اشم ريحه
من بعيد والله من جد لو هو داخل البيت لسا ماوصل عندي اشمه
وفي مره كنت اكره عطر من عطوراته خليته يطلع وكسرته ورميته
وبس

الله يعيننا يالحرييم

يسلمووووو يالغوالي