بعد الصبر مافي الا الفرج << قصة روان
متابعة النقاش، صفحة 8
شاركي في النقاش
سجلي الدخول لإضافة تعليق.
التعليقات
634- حلوه ياالله كملي بس ياليت ماتطولين في تنزيل البارتات
- ياعسل كانك طولتي راح ننسى القصه
الله يعطيكي العافيه ترى مره تجنن ومتشوقه اكملهاا - اسفه يابنات على التاخير بس تاخير البارت مو بيدي كله من القلق الي جانا << المطرسه اهئ اهئ مااحبها
على العموم نكمل
وصارو يلعبوون حبشه ولعبو كووره وناس ناس وشبره امره وطبخ وهم يلعبون دخل عبدالمجيد من الباب الخلفي للبيت وشاف وحده لكنه ماعرفها وروان انبهت انه في احد يشوفها على طول اركضت لداخل البيت وشافت الرجال بالصاله مع الجدة هيفاء واختهم ام ندى وكانت تبي تدخل المطبخ لقت واحد من العيال مووجود مالقت الا الحمام<< الله يكرمكم الى مايطلع الي بالمطبخ .. وبالفعل طلع من المطبخ وهي بسرعه خرجت من الحمام ودخلت المطبخ وبهذا الوقت دخل عبدالمجيد وجلس معهم بالصاله
عبدالمجيد: يمه انا قررت خلاص
الجده هيفاء: وش قررت ؟؟
عبدالمجيد : أبي اتزوج
الجده هيفاء: لولولولولولولولولولولولولولوش
ابو عبدالرحمن: يمه يوم قلنالك نبي نتزوج ماسويتلنا كذا
ام ندى: هذا كبرك وتغااار
الجده هيفاء مطنشتهم: خلاص ياولدي بدورلك على احلى عرووووس بالدنيا
عبدالمجيد: مايحتاج هي في بالي ومابي غيرها
ام ندى: ومين تعيسة الحظ هذي
عبدالمجيد: روان
الكل شهق ماعدا الجده هيفاء
ام ندى: كلش الا هذا ياعبدالمجيد البنت هذي لو تموت ماراح تاخذها
عبدالمجيد: ليه وش ناقصها ايد ولا رجل كامله مكمله
الجده هيفاء: ماحد كامل غير وجهه سبحانه
عبدالمجيد: استغفرالله.. بس يمه انا ابيها
ام ندى : لايعني لا انتهى الموضوع
عبدالمجيد: بس<< سكت لانه يحترم اخته كثييييير لانها ربته 3 سنين يوم كانت امه بغيبوبه
طبعا روان سمعت كل الكلام وطلعت للصالة الصغيره وجلست تفكر وحست انها جرحت مشاعر عبدالمجيد وقطع حبل افكارها صوت التلفوون
روان: الووو
ام محمد< ام ابوها : السلام عليكم شخبارك روان
روان: وعليكم السلام هلا جدتي تمام الحمدلله
ام محمد: وين مرت ابووك
روان: تحت جالسه مع اخوانها
ام محمد: مادامها كذا اجل بكره بتكون الجمعه بالاستراحه تعالو كلكم وعلمي لمرت ابوك وخليها تعلم اهلها
روان: ونااااااااااااسه ابشري ماطلبتي شئ
ام محمد: طيب بسالكآلاء جت من ماليزيا ولا توها
روان: مدري عنها والله ابدق عليها وبسالك اياها
ام محمد: الله يجزاك الجنه يلا في امان الله
روان: مع السلامه
وجت شذى عند روان وشافت الابتاسمه الي تشق الخد
شذى: سلامات ياروان.. وش هالابتسامه الي متشققه الى الخد واصله
روان: اذا علمتك كم بتعطيني
شذى: اعطيك شنو؟؟
روان: قرنقش<< تقصد فلوس
شذى: اقول تراها مفاجأه مو ذهب
روان: هالامفاجأه من ذهب
شذى: بلا استهبال يلا عاد حمستيني
روان: بس اعطيني 500 ريال
شذىطارت عيونها: 500 ريال .. بنسكن بفندق 5 نجوم
روان: لالالالا وين .. 5 نجوم مررررره غالي وانا مسويه تخفيضات
شذى: مصير اعرفها اعرفها
روان: ههههههههه كنت امزح بكره ان شاء الله بنروح استراحه
شذى: وناااااسه استراحتكم
روان: اجل استراحة مين يعني؟؟.. حدي متحمسه
شذى: وانا بعد .. خلينا ننزل نقولهم
روان: وي وبتقيم الصلاة اذا راحو الرجال نروح نقولهم
شوي جت ندى: ياسلام ياشذى وهذا وانا بنت عمتك ماتجلسين معي وجالسة مع الغريبه
شذى: مالغريب الا الشيطان وبعدين انتي من اول نايمه وتوك تصحين
ندى: اظن انه انا بنت عمتك وتجلسين معي مو مع احد مايقربلك
شذى: هذي الي مايقربلي اخلاق وادب احسن منك لا اخلاق ولاشئ ولا بعد دلع امسخه منه ماشفت
ندى: تراك تعديتي حدودك ولو قلت لامي كان طردتك
شذى: لا ياسمو الاميره ارجوك لا تقوليلها انا اعتذر منك.. مالت عليك اصلا عمتي ماتسوي هالحركات الي تقوينها
روان: ندى وش تحسين فيها على ما أظن انها ظيفه
ندى: انتي اسكتي يالهيكل العظمي يالمريضه
روان: انا مريضة؟؟
ندى: لا تخلين افضحك .. وانه فيك جلطه بالقلب
شذى: وشو؟؟
روان: ندى لو سمحتي لا تتفاولين علي بالمرض.. وتراني سكتلك واااجد
شذى: اسمعي ياسندريلا اي كلمه ثانيه بكفخك
ندى : سندريلا هاه<< تكرها مررره عشان كذا تنقهر اذا احد قالوها سندريلا>> ضربتهاكف
روان: خير ان شاء الله ماتستحين على وجهك .. قسم بالله لو ابوي ما قالي لاامد ايدي عليك كان كفختك من زمان
سمع عبدالله هواشهم وطلع من غرفتهم وانتبهت شذى ودخلت غرفة روان
ندى وهي تتصنع البكاء:اهئ..اهئ..عبودي شفت روان تقول انه فيني جلطه بالقلب
عبدالله: والكذب ماله مكان عندك
ندى: يعني تقصد اني كذابه
عبدالله: عليك نور
ندى: انت الكذاب وش يدريك انه انا كذبت وانت مو عندنا
عبدالله: سمعتكم والكلام بيوصل لابوي
ندى: المفروض تكون بصف اختك مو بصف الغريبه
عبدالله: غريبه بعينك هذي اختك غصبا عنك
وراح عبدالله للصلاه وروان دخلت غرفتها وندى نزلت عند امها
ندى وهي تتصنع البكاء: ماما ماما
ام ندى: وشفيك ياقلبي تصيحين .. مين زعلك ياروح ماما
الجده هيفاء: ماشاء الله ماباقي الا تسلمين على ايدها وراسها
ندى: جدتي روان ضربتني وخلت عبدالله يضربني يرضيك
الجده هيفاء: الصراحه يرضيني لان دلعك الماصخ هذا يدل على انك كذابه
ام ندى: يمه يمكن روان من جد طقتها
الجده هيفاء: انتي بنتك كم عمرها؟؟.. احسها 6 سنين مو 15 او 16سنه
ندى: جدتي ليه انتي ماتحبيني
الجد هيفاء: انا مااحب الا البنت السنعه والشاطره الا ماتتدلع ووتسمع الكلام الكبار والصغار ولا ترفع خشمها على الرايح والجاي
ندى: يعني لهدرجه حاسديني على دلعي
الجده هيفاء: استغفر الله ..اقوم اصلي ابركلي
بنااااااااااااااااااااااااااات بكره باذن الله التكمله وماراح اكتب الا خميس وربوع وجمعه لاني ادرس وماافضى كثير
نشوووف يوم الاستراحه بكره ان شاء الله ابكتبلكم باااااااااااارت طوووووووويل لعيون كل القراء والمتابعين والمتحمسين معي<< مايمديكم ههههههههههههههههههههههه
- شكلكم زعلتو عشان كذا مافي ردود
معليش والله سامحوني بس الدراسة وش اسوي فيها أهلي مايخلوني ادخل الا ربوع وخميس وجمعه بس
وانا بثاني ثانوي علمي يعني يبغالي اذاكر < ارجوكم راعو ظروفي
واليوم بكتبلكم بارت طوووووووووووووويل ولا يهمكم
نكمل
في غرفة روان وشذى خلصو صلاة وقرؤا شوي من القرآن وجلسو يسولفون
روان: حدي متحمسه للاستراحه
شذى: من اول وانتي متحمسة ماانقطع حماسك
روان: حماسي ماينقطع
شذى: ليه شابكته على 220 على غفله
روان:ههههه ايـــه
وشوي ودخلو كل البزران وازعاج لابعد حد العيال ينطنطون فوق السرير والبنات عند التسريحة
روان بعصبيه : بــــــــــــــــس خلاااااااااص .. اش عندكم
فارس بكل براءة: نبي البقالة
روان بعصبيه: وانا وش دخلني روح قول لامك ياروح امك
فراس: رحنا عند ندى ضربتنا امي قالت روحو عند روان احسن من ندى
روان : شكلي بطلع العين الحمراء عشان اصير اخس من ندى
شذى: طالعي وراك بتطلعين العين الحمراء من الحين
روان لفت وراها شافت لجين تمشط لسلوى بمشطها وشاره ورزان يتعطرون بعطورها والعيال الي ينطنط على السرير والي يتحاذف بالمخداة
روانبصراخ: بس ولا يرحم والدينكم اطلعو برا
شذى: وشفيك معصبة بشويش
روان : انتي ماشفتي الفوضى الي مسوينها
شذى: الفوضى تتصلح
روان: تتصلح؟؟ انا يالله اقوم واصلح سريري وارتبه وتبيني الحين اخليهم على راحتهم
شذى: يوووووووه يالكسووله .. وماتوقعتك عصبيه
روان: انا عصبيه وطيبه بنفس الوقت
شذى: من اي قاموس انه العصبي طيب بنفس الوقت
روان: من قاموسي
شذى: لا يكثر روحي جيبيلهم من البقاله حرام كسرتي خاطرهم
روان :طيب
طلعت من غرفتها وراحت لغرفة عبدالله
روان: عبده..عبده
عبدالله : اصغر عيالك وانا مدري
روان: لا أجحش اخواني
عبدالله: وش يعني اجحش اخواني
روان: شئ يفوق مستواك العقلي على العموم ودي تروح للبقالة تجيب للصغار حلويات وبطاطس
عبدالله: الحين داخله بدون استاذان .. ومناديتي باسم انا اكره وتقوليلي اجحش والله العالم وش يعني .. وتبيني اشتريلكم ..مافـــــــــــي
روان: ابعطيك الباقي
عبدالله: وكم بيكون الباقي
روان: 30 ريال يمكن
عبدالله: 30 ريال بس ..الشكوى لله
روان: انا مدري متعلم القعاطة والبخل ..اختك كريمه وابوك كريم وجدك كريم
عبدالله: اخت كريمه هذي اشك فيها.. على العموم وش تبون
روان : نبي عصير سنتوب على عدد الصغار الي بنص ريال وكيسين بطاطس وعلك وحلاو مصاص
عبدالله: طيب انا بروح وانتي طلعيلي لبس عشان بروح مع ماي فريند
روان: ولايهمك ياماي فريند
وراحت طلعتله لبس وراحت عند شذى وبعدها كلهم نزلو عند الحريم بالمجلس
ام عبدالرحمن: احس اني متكسره وتعبانه حيلات من السفر والنوم ماكفاني
ام عبدالعزيز: والله مثلك وودي انااااااااااام
روان: ايه صح نسيت اقولكم جدتي قالت انه بكره معزومين كلنا على استراحتنا
ام انس: يااااااااااسلام خرجات من ثاني يوم .. طيب غداء ولا عشاء
روان: الثنتين
ربى: وناااااااااااااااااااااااااااااااااااصه لابعد حد
روان: اسمها وناسة مو وناصة
ربى: الي يكون
وجلسو يسولفون وبعدها نادى عبدالله روان عشان تشيل الاغراض وراحت الحوش ووزعت للصغار وكملو البنات الباقي والساعه 12 بالليل الكل راح ينام ماعدا البنات
امجاد: يازين الهدوووء لا بزران ولا حريم
ربى: ايه والله صدقتي
رنيم: لكن طفش وش نسوي
روان: وشرايكم نلعب اونو
ندى: لاوع
شذى: ايه وناسه يلا
امجاد: خوووووووووووش فكره بسرعه جيبيها
ندى: امجاد لا تلعبين معهم انتي صديقتي وبس
رنيم: ليه صديقتك وبس ملكه ولا اميره
ندى: غصبا عنكم ملكه واميره وتاج روسكم
شذى: لا بالله ياسندريلا
رنيم: حلوة سندريلا هههههههههه
ندى: تعالي ياامجاد مانجلس مع ناس ماعندهم سالفه
شذى: لا تكفين اجلسي سوالفك اموت فيها
روان توها نزلت ولا درت عن الي صار: خذو الانو وخلونا نبدا نلعب
وبدو يلعبون الى ان زهقو وبعدها لعبو كيرم << لعبة شعبيه قديمه
وجاهم النعاس وراحو ينامون
الساعه 9 الصباح قامت روان وسحبت جوال شذى وراحت تكلم بنت عمتها الاء
روان:الو الاء
الاء: هلا والله وغلا بالقاطعه
روان: قاطعه بعينك المهم الحين انتم وين
الاء : بالرايض امس واصلين
روان: الحمدلله على سلامتكم
الاء: الله يسمنك
روان: اسمعي اليوم كلنا بنجتمع بالاستراحه
الاء: اكيد بجي بس ودي تكون جيتي مفاجاة
روان: طيب انتي تعالي وانا بفتحلك الباب ودقي على هذا الجوال عشان اعرف
الاء: اخص جبتيلك جوال
روان:لا هذا جوال شذى
الاء: مين شذى
روان: بنت اخو مرت ابوي
الاء: ليه جو عندكم
روان : ايه
الاء: وبكره بيجون
روان: ايه كلهم
الاء: طيب بكلم فهودي عشان نروح
رون تقلدها: روحي كلمي فهودي يلا مع السلامه
الاء:هههههههه مع السلامه
وبعدها روان فتحت شنطتها وحطت فيها :
اونو وحبوب الكيرم ودفتر وقلم وتركيب الصور وكتبت مسابقات والعاب واخذت شريط اناشيد معهاوبعدين نزلت المطبخ والرجال راحو عشان صلاة الجمعه
روان: السلام عيكم
الحريم: وعليكم السلام
روان: اساعدكم في شئ
ام عبدالرحمن: سمعنا انه حلاك يهبل سوي صينيتين حلا
روان: ماطلبتي شئ
وبدت تسوي تسي هي تخلط بخلاط الكيك تشوف ام انس شلون تسوي ورق عنب
روان: اللــــــــــــــه ورق عنب كثري منه لاني بخلصه
ان انس: تحبينه
روان: اذوب عنده انهبل عليه اموووووووووووت فيه
ام عبدالرحمن:ههه عرفنا انك تحبينه
ام عبدالعزيز: اكيد تحبين التبولة
روان: ايه صح وش يدريك
ام عبدالعزيز: احس الي يحبون ورق العنب يحبوون التبوله
ام انس: تكفين ياام احساس
الكل: ههههههههههههههههههههههههه
ودخل فارس: يمه.. يمه
ام انس: هلا
فارس: متى بتخلصون اخرتونا
ام انس: ان شاء الله ياشيخ فارس الحين نخلص
فارس: بسرعه انس معصب
روان: ههههه كم صار عمر انس الحين
ام انس: 14 ورافع خشمه على الرايح والجاي
فارس: بروح اقوله انكم تحشوووووووون فيه
روان: هههه اقول فويرس ورينا عرض اكتافك وكلها نص ساعه وكل شئ جاهز
فارس: اوكي < وراح
ام عبدالرحمن: اخص يا اوكي والله عيال هالجيل الله يستر منهم بس
روان: ههههههههههه بس يضحكون والله وناسه
ام عبدالعزيز: انتي ماتهمك الا الوناسه
روان: ومين يدور على ضيقة الصدر ولو جلست ومااستانست كان مت من زمان
الكل: كلام سليم
ودخلت ام ندى: هي انتي من الصبح تقرقرين اسكتي شوي
ام انس:خليها تونسنا احسن من بنتك الي رافعه خشمها على الكل حتى على جدتها
ام ندى: لاتدافعون عنها والله انكم مساكين ماسمعتم عرفت انكم بتجون وش قالت .. قالت انكم عله على قلبها وتبي الاسبوع يخلص بسرعه عشان ننقلع
كلنا حتى انا وقالت انه اثقل من دمكم ماشافت
روان: انا قلت كذا انا بس قلت الله يعيني عشان الرجال بس
ام عبدالعزيز :مهما قلتي انا مع روان لانها انسانه عاقلة وتحب الناس مثل امها
ام عبدالرحمن: وبعدين تعالي موعيب وحده بكبرك تكذب والله عيب
ام ندى انقهرت وراحت
روان : خالتي حنان << تقصد ام عبدالعزيز انتي قلتي مثل امي انتي تعرفينها؟؟ وش اسمها؟؟ عندي اخوان منها ؟؟ ووين ساكنه ؟؟
ام عبدالعزيز ارتبكت: وين الملح عشان احطه على التبوله
روان : ليش تصرفين قوليلي
ام عبدالعزيز:...<< لارد
روان: يلا هذا قدري وانا راضيه فيه < ابتسمت ودمعة عينها
وبعد ماخلصو توجهو الى السيارات والكل فرحان ومستانس والى ان وصلو للاستراحه واول ماوصلو قررو انهم يتغدون وبعدين يلعبون وبالفعل بعد الغداء والحوسة وصلاة العصر جلسو بالصاله الي بالااستراحه ودق جوال شذى
ياترى مين الي دق؟؟؟< اكيد عرفتو
وهل بيصير شئ لروان ؟؟
حلو/ محزن ؟؟؟؟؟؟؟ << ترقبووووووووووووا
بكـــــــــــــــره الحمااااااااااااااااااااااااااااااااااااااااااااااااااس اتمنى اشوف الردود الي تريح الصدر
لا تقولولي قصير كتبته لكم الساعه 11 ونص الى الساعه 12 ونص تقريبا
ساعه كامله وانا اكتب ومررررررررره تعب
بكره باذن الله اشووووووووووووف ردود حلوووووووووووووة مثلكم
انتظرووووووووووووووووووووووووووني - افا يابنات وينكم ليش ماتردووووووووووووون لهدرجه زعلتو
مواضيع مشابهة
تابعي تجارب أخرى من هذا القسم.