شاركي في النقاش

سجلي الدخول لإضافة تعليق.

التعليقات

239
  1. @haymh_oaaaymh

    صاحبة الموضوع
    من بعدها زوجة الاخ الاكبر في مراقبه مستمره لكل شي
    وياويله زوجها لو بس ينادي على واحد من عيال اخوه من عند الباب
    تقول له تبغى شي كلمني وانا اتصل عليهم اقولهم عمكم يبغاكم
    مرات يناديهم ياكلو معاه عشا وغدا عشان يعوضهم حنان ابوهم
    وفي كل تمشيه ياخذهم معاه ومرات قليله ياخذ امهم معاهم بس طبعا في حضور الزوجه الاولى وعيالها
    كان عنده جمس كبير ياخذهم كلهم ويمشيهم واحنا من عاداتنا نروح للبر او التماشي او البحر عوايل كثيره
    فكنا دايما ملازمين لهم
    كنت اشوف شدة الرقابه على عيون خالتي وهي من شدة خوفها لااحد يتكلم عليها بس عينها في الارض ولبسها دايما محتشم واسود وابيض او رمادي او الوان قاتمه جدا وقديمة مو على الموضه ابدا
    عشان لااحد يقول عنها تبغى تلفت نظر احد
    والله يابنات الله لايكتبها على وحده وتعيش هذي العيشه الفجائيه الغريبه القاتله
    ايام كثيره وهي تبكي تقول ياليتنا كنا معاه ومتنا معاه كلنا كان ارحم
    كل حريم اخوه خايفين منها كونها ارمله وتخرج معاهم
    لأنه بهذا العقد ماكأنهم سوو شي للاسف
    انا اشوف انها مازالت ارمله والله ليومنا هذا الكل ماخذ عنها فكرة انها ارمله
    المهم --- في يوم الأخ الاكبر ارسل ناس لزوجته يفهمومها انه هذا حرام وحتى لو مادخل عليها لازم على الاقل يروح لهم يشوف طلباتهم وان وضعهم كذا غلط قدام الناس
    طبعا جن جنونها اكثر من اول واتهمته بانه يرغب في خالتي ويبغى ينام معاها
    هنا سوت مشكله في العماره وانا حقيقي اعذر غيرتها
    اي وحده يتغار ووالله الحريم اللي صبرهم قوي قليل
    كيف تقول انا موافقه؟؟
    المهم صراخ وتهديد وبكاء وراحت لخالتي وانواع المشاكل
    زوجها عشان يسكتها ولانه شخصيه هادئه وطيبه قال لها خلاص انا اسف انا احسب انك راح تفهمي لكنك فهمتيني غلط
    يومها حلفت انها بتروح بيت اهلها وترميله الاولاد لو ماخرجو لشقه اوسع من هذي وحطت عيوب كثيره وانها صابره على هذي الشقه سنين وانها من زمان تبغى تخرج
    المهم قال لها اصبري عليه كم سنه بس واحنا نشتري شقه تمليك بدال مانروح اجار
    خلاص الخمس سنوات صبر الله لايوريكم العذاب والمشاكل والبكاء على أقل شي
    مابقي احد من الناس ماسمع عن مشاكلهم
    والبنت الكبيره بنت خالتي طبعا لها دور في تهدئة الوضع لأنها دايما تقول لعمها خلاص اتركونا في حالنا سويتو اللي تبغوه رجاء لااحد ينكد علينا
    ولما تكون عند حرمة عمها تقول لها اصلا امي عمرها مافكرت في عمي ولا تبغاه ودايما احنا نقولها مانبغاه ينام مكان ابويه وهي موافقتنا وتقول مالاقي زي ابوكم

    البنت حكيمه وهي صغيره
    المهم كانت بعد كم سنه خالتي تخرج مناسبات قليله واكيد تتواجد فيها حرمة الأخ الاكبر
    كانو الناس يسألو حرمة الاخ الاكبر ويقولولها: هذي طبينتك ؟؟ او ضرتك؟؟
    تقول لا بس ترى كلام على ورق احنا في مكان وهي في مكان وكل واحد في حاله اصلا زوجي ماله في الحريم وكبير بس عشان يلم عيال اخوه خايف عليهم
    وبعد الخمس سنوات خرج الاخ الاكبر لبيته الجديد بعد مابنى بيت وسكن عياله وترك عمارة العيله
    والله بعد هذا كله ماني شايفه اي اعتناء بالاطفال وامهم --- تخريب وتنغيص على الفاضي

    المهم مرت السنين والحال كما هو عليه
    الآن ماشاء الله البنت تخرجت من الجماعه قسم شريعه لها سنه في البيت
    واللي خلاني اكتب الموضوع انها كبرت ماشاء الله وجا اليوم اللي تفتح فيه موضوع امها وقالت لنا انا وامي وخالاتي في احد النقاشات :: ترى اللي قاعد يصير حرام وانا بنفسي سألت شيخ ودكاترة عندنا في الجامعه وقالو حرام
    قلنالها ايش هو؟ قالت كون امي مادخل عليها عمي كل هذي السنين بسبب المشاكل حرام حرام
    قلنالها انتي ايش رايك ؟؟ ترضي عادي ؟
    قالت اي شي في الشرع مااقدر انطق بكلمه
    هنا قارنت بين عقل البنت الصغيره هذي وبين عقل زوجة الاخ الاكبر
    مع اني ماالومها بس ياليتها فكرت في الآخره شويه
    وبيني وبينكم الغلطان الاكبر على الرغم من شخصيته المهذبه
    هو عم العيال
    ابدا ابدا ماكان لازم يسمع كلام احد ويعدل او يترك الحرمه تشوف نصيبها طالما هو الأخ الاكبر
    لكن بعد مرور هذي السنين خالتي ماعلى لسانها غير جمله وحده

    (( سعادتي اني اشوف عيالي يكبرو ويتعلمو بأمان في وجودي --- لاتتخيلو اني راح اكون سعيده وانا بعيده عنهم لو كنت مع احسن رجال في الدنيا ))

    بس رأيي في الموضوع انه حرام الانانيه هذي حرام
    واصلا كون الحرمه تقنع نفسها بهذا الكلام وتضيع عمرها بكل سهوله عشان ترضي الناس هذي قمة الغباء
    فيه محاكم وشرع وتقسيم بالعدل وفيه مطالبه بالحقوق وفيه نظر في بعض القضايا يعني الامل موجود دايما
    اما اربي الانانيه في جميع من حولي وابنائي واضيع عمري عشان الناس ؟؟ مستحيل
    انتظر ارائكم
  2. @aantot

    يارب تفك همها ويعوضها بعيالها ويرحم زوجها ويجتمعون في الجنه ياكريم
    من جد نفسي ارد عليك اكثر من كذا بس احس لساني معقود من القصه الله يكتبلها الاجر ***** الله

تابعي تجارب أخرى من هذا القسم.