شاركي في النقاش

سجلي الدخول لإضافة تعليق.

التعليقات

86
  1. @kmr_obhr

    خخخخخخخخ تعيشو وتاكلو غيرها
    الحرمه لها 3 ايام تسكت فبنتها والله العالم وش ظروفها
    انسو الموضوع احسن
    وحمد الله على سلامتك
  2. @ordh_ttfth

    صاحبة الموضوع
    السلام عليكم
    مرحبا حبايبي
    اسفه جدا على التاخير انا ما احب حركه بكره اكمل او بعد اسبوع
    بس البنت صييييياح وبعد ما كتبت السالفه لكم رحت اهلي جاني ارق ما اقدر انام من البنت
    والاصعب ما تمسك لا مصاصه ولا رضاعه
    ويوم الجمعه جلست اكتب ومي عندي تصيح يوم اعتمدت الموضوع علق النت
    واحبطت
    واليوم ابشركم مسكت الرضاعه والمصاصه من شركه بيبي والحمد لله عطيتها صناعي ومسكت المصاصه وعلطول جيت اكتب لكم
    هذا رابط بدايه السالفه
    http://forum.hawaaworld.com/showthread.php?t=2753650&page=7

    المهم رايحه جايه على باب الدكتوره
    ومن حضي الدكتوره متهاوشه مع الممرضه تدخل المريضه وتقعد سنه جت الساعه 3 العصر وطلعو من الدوام الاسياب بدت تفضى
    ووزعت الدكتوره المرضى اللي عندها على باقي الغرف
    وبقيت انا وحطت ملفي عند دكتور وجلست انتظر الكل طلع مافيه بالممر الا انا والعامله تمسح الارض
    وقالت لي لا تطلعين من هنا انا خلاص مسحت
    جتني الصيحه ورحمت عمري
    واخيرا دخلت على الدكتور وكشفت الممرضه على النبض وقال ابكشف قلت مب لازم
    وجلست على الكرسي ويسال عن الاشعه يوم جاني مغص واقول له انه كان يجي كل خمس دقايق قال يعني طلق قلت ما ادري انا بكريه قال لزم اشوف اذا الرحم مفتوح قلت ابي دكتوره قال كلهم طالعين قلت مب لازم
    واطلع وادق على زوجي قلت انا طالعه وانا اكلمه جت الممرضه قالت فيه دكتوره وارجع وتكشف قالت ثلاث سم خلاص ولاده
    وجابت اورق تعبيها عشان ادخل على الولاده والدكتور طلع وطلعت تكتب على كاونتر الاستقبال لان الغرف مسكره وهي مستعجله
    المهم واطلع ادخل الاسعاف وانا طالعه اقول لزوجي ولاده وانا اصيح
    وادخل قالت ابكشف قلت خلاص تو كشفت تقول ثلاثه قالت اذا فتح زياده تدخلين غرفه الولاده واذا توه ترقين الانتضار
    قلت اكشف ما ابي انتظار
    وثلاثه برضو واروح اصلي العصر واجلس على الكرسي وتدفني واجلس بالغرفه مع الطلقويرسل زوجي وش الاخبار وارد طلق يموت ورحم مسكر
    وانا اكتب له الرساله اقول ببالي خل يحس اني اتالم
    واختي تدري عني وتسال اقل مدري بس يمكن الليله
    المهم ياذن المغرب واصلي
    ويزيد الالم وياذن العشاء واصلي مدري وشلون مره مايله ومره اعلق راكعه ومره بين السجود والجلسه اشقص
    وارجع عالسرير واناديهم اقول ابولد وتجي تحط جهاز الطلق والنبض
    وتجي دكتوره تقول ابكشف وتكشف وتقول ثلاثه
    وراحو وانا اتلوا من الالم
    وتجي وحده وترحمني تقول بكر قلت ايه وتجلس تقرا علي
    وانا متعلقه بحديدت السرير اللي على جنب
    واصيح وقالت خلاص شكلك بتولدين
    قلت يقولون ثلاثه بس
    قالت لا الحين اكثر بطنك نازل مره
    وتناديهم وجو قالو مافيه الا دكتور الحين
    قلت اجل توي

    يوم زاد الالم قلت بكيفه جيبوه وكشف وانا متنقبه
    اهم شي الخشه
    ولا خليته يكشفزين ويهاوش باللهجه السوريه وارد بنفس لهجته
    وانا مغمضه
    اهم شي اني مغمضه
    وكلم الممرضه بالانجليزي واسال اقول كم ولا احد رد انا كاني سمعته يقول 4 بس ما افهم وش قال وشوي جت ممرضه وقالت بنزلك غرفه الولاده
    واقوم على الكرسي وتدفني وانا اتمغص وانزل وتعطين لبس البسه وطلعت وشوي وجت وانا واقفه وراسي على السرير من الالم وترتاع مافي كذا مدام وتساعدني باللبس
    وقبل البس قالت فيه حمام وانتم بكرامه قلت لا ويوم انسدحت تكشف وقالت الدكتوره نعطيك ابره ولا ادري وش قلت سوو اللي تبون بس ما ابي ابره الظهر فيني ربو
    وكشفت الممرضه قالت مثانه مليان كيف مايبي حمام وتسوي قصدره
    وتعطين ابره وراحت وزاد الالم وانادي بصوت عالي قلت ابولد جت الدكتوره ومدر وش سوت بس شفت دم وقالت فاتح خلاص
    ويدفوني بسرير على غرفه الولاده واتفرج على الغرفه واشوف سرير الطفل وقدامي لوحه فيها سوره الزلزله
    ومروقه اتفرج وجا الم واقول ابولد وجت الدكتوره وتعلمني ادفعي والدكتوره مصريه ارد اقول معرفش
    قلبت مصريه
    وانا اقول ما اعرف وشلون
    جت الممرضه سعوديه تشرح لي سوي وسوي واقول ما اعرف
    واذا راح الالم اتقول لي خوذي نفس وانا من التعب اقول نفس نفس نفس
    وكل شوي تجي وحده وتروح صرت مطله كلن يشرح كيف اولد واخر شي ارفع راسي عشان اضغط على بطني وتوي اباخذ نفس يوم شفت راسها واكمل والحمد لله طلعه واسترخي وتكمل الممرضه المشيمه وتوابعها
    واشوف بنتي ينضفونها وحطوها على صدري شعور رائع نسيت كل الالم
    وودوها الحضانه لان وزنها كيلوين وميتين جرام بس قلت للمرضه السعوديه صوريهاه بجوالي
    وتصورها واكلم زوجي اعلمه وارسل الصوره
    واقول للممرضه خلاص ابي انام دايخه
    قلت انتظري شوي لين تجي الدكتوره
    وجت الدكتوره تخيط
    صح يوجع بس مب زي وصف الحريم مبالغه
    والحمد لله طلعت من غرفه الولاده وجلست بغرفه الملاحظه واكلم امي وخواتي من الفرحه عجزت انام وجابو العشاء واتعشى وانسدح واغطس نمت نومه روعه الحمد لله وقمت وبعدها رقيت للغرفه وبس اكلم من الفرحه
    ومن الصبح كتبت لي الدكتوره خروج بس بتي صار فيها صفار وقالو لا ماتطلع ولا طلعت الا بعد يومين
    وتعبت من الارق بالمستشفى من بنتي ما تنام والمستشفى يحطونها عندي كل اليوم
    وغير كذا الم الخياط ناسين يعطوني مضاد لين صحت من الاللم والارق ورحمتني الممرضه غيرت لبنتي وللفتها زين وحطتها جنبي
    ومر دكتور وقلت له اب علاج تعبت ورحمني
    وقال حشوف ويو سال وقال لهم جابو لي مضاد والحمد لله راح الالم
    والحمد لله عالسلامه
    ترى الاسلوب بالكتابه حوسه بس قلت افرغ نفس
    لحواء وعدتهم ولازم اوفي

تابعي تجارب أخرى من هذا القسم.