تكفون بنات فسروا لي حركات زوجي وزوجه اخوه / قديم

اااااااحسسسسن شي هالخطة طبعا انا مع الاخت انتظر لمسة حنانك اهنيها عالفكرة سويها واقطعي الشك باليقين وفكي عمرك من وجع الراس :27:

احلى شي فيك انك مانتي مغفله مفتحه بالبن ماشاءالله عليك اكسري لها رجولها لو تركب سيارة زوجك مره ثانيه انا تقريبا نفس حالتك بس زوجي مايطلب انه يوصلها زوجها يقول له وصل زوجتي انت وعيالك بس هي فيها خير ماتحب تركب مع زوجي وماتطيقه اصلا ومحترمه مافيها لف ودوران بس الحين حلفت للزوجي ماتركب معه ماهوب سواق عند ابوها ياخذها زوجها او تنام عندي

يا أخوات والله حرام اللي عم تكتبوه إنتو سمعتوا من طرف والمخلوءة اللي شكيتوا فيها من دون بينة منا موجودة تتدافع عن نفسها
وبعدين اللي نصحت وآلت حطي قلم مسجل ربنا بيقول "ولا تجسسوا"
يا أختي إنتي من حئك تؤلي لزوجك ما يوديها لحالو بس منو من حئك أبدا تدخلي بالنيات وتشكي ببنات الناس ولا بزوجك لمجرد إنو عرض إنو يوصلا

انا لو بمكانك اجيب شريحه بدون اسم واكتب لها كل شي تسويه وانها صارت سمعتها بالمدرسه واني لنشرها بالمدرسه عند زميلاتها وطالتها
طبعا بس تخويف
وربي وقحه مو كافيها زوجها حسبي الله عليهم من حريم

اختي الغاليه اولا اسال الله في هذي الساعه المباركه انه يسخرلك زوجك ويبعد عنكم الشيطان

ثانيا ياقلبي انا معاك من ناحية انها غلط تجلس لحد مايروح زوجها وتقول ودوني اذا كل مره تسير عليك يمشي وهي تتنح عندك ممكن يكون وساعة وجه منها واذا انتي تغارين لاتعزمينها الا وقت عطلة زوجها عشان مايكون لها عذر

وكمان انا معاك بانه مايجوز وهذا حديث الرسول عليه افضل الصلاة والتسليم ويجب العمل به

ولكن ياغاليتي فيه شي اسمه تقاليد واعراف تعودنا عليها وتربينا على انه حماك يعني بمنزلة اخوك وهو ايضا يعتبرك كذلك الا الناس الي اساسا في قلبهم مرض ولا يعرفون حدود الله ونواياهم خبيثه يستغلون هالعادات الاخويه الصافيه بما يشوهها ويدنسونها بتباع شهواتهم والعياذ بالله وهذولي مايوفرون حمو والا جار والا قريب او بعيد

لكن لنفترض انها وسيعة وجه ولا عندها احساس ولنبعد الظن لان الله يعلم مابالصدور فتعاملي معها بانك ماتعزمينها الا اذا زوجها موجود وقبل يمشي قولي فلانه ماودك تخاوين زوجك قبل يروح ؟لعلها تحس

وانتي عزيزتي لا تظنين ولا يدخل الوسواس قلبك ودائما التمسي العذر لها ولزوجك واصلحي نيتك مادمتي ماشفتي شي بعينك

وانا اقولك شي يمكن انتي تستغربين منه ويمكن اصغر بعينك ويمكن تقولين ما استحي وكمان البنات الي ردوا عليك ممكن ينظرون لي هالنظره ويمكن تجي ردود قاسيه لكن ثقتي بنفسي تجعلني اكتب ردي وانا مبتسمه ومتحمله مايصدر عن خواتي العضوات وذلك لسبب بسييييط جدا وهو اختلاف البيئات واختلاف الاجناس واختلاف القبائل ممكن انه يجعل كلامي مو متقبل لدى البعض لكن عاداتنا وتقاليدنا الي تربيت عليها هي ان حماي وولد عمي وولد خالي وايضا جاري مثل اخواني مدام تعاملهم معي بحدود الادب وانا وحمواتي هذا ماتعودنا عليه لدرجة اني اروح لبيت حماتي الكبيره مع اخو زوجي الصغير الي ماتزوج وعمره 22ويرجعني بعد لبيتي واركب معاه بكل ادب وهو يحترمني اشد احترام ولا حتى يتكلم او يمزح بشي يضايق وايضا يوديني المستوصف والخياط وكله بامر من زوجي يعني مو انا اكلمه كل مره لا اخوه يدق ويقول روح جيب اهلي وودهم وهذا طبعا اذا كان زوجي مو موجود بالمنطقه يعني مسافر او رايح مكان بعيد وايضا مره سافرت مع حماي انا واياه بسياره لحالنا معي فقط طفلتي عمرها سنه وانا كنت صغيره عمري 18 سنه وهو كان توه متزوج وماعنده اطفال سفر طويل 380كيلو مشينا العصر ووصلنا بعد العشاء وكان كل مشوارنا سوالف محترمه وقمة الادب والاخلاق كان تعامله معي وانا لابسه لبس ساتر والحمدلله واقسم بالله انه كبر بعيني اكثر لما كنا لوحدنا وشفت طيبة اصله واحترامه لي وادري بتقولين وش حادك تروحين معه وين زوجك بقولك كان زوجي قدام باب البيت يودعني ويبوس بنته ويقول لاخوه لاتسرع اذبحك رجعلي مرتي وبنتي زي ما اخذتهم واخوه يرد عليه وهم يبتسمون ويقوله ابشر بعيوني ولان زوجي كان عنده دوام واخوه رايح بدون للمنطقه الي ساكنين فيها اهلي وابوي كان مريض وكنت متضايقه الا اروح مانتظر الى الخميس قالي زوجي روحي مع اخوي والحمدلله رحت معه كاني رايحه مع اخوي او ابوي لاني كنت واثقه من نفسي قبل اثق في حماي حتى لو هو نوى نيه شينه وشافني على خلق لايمكن انه يبين نيته مدام ماشاف مني تقبل وهو ايضا بالمثل واثق من نفسه ووصلنا بالسلامه واستقبلوه اهلي وعشوه اخواني ولما جاء الخميس جاني زوجي واخذني وعلاقتنا ولله الحمد من احسن مايكون من محبه واخوه واحترام متبادل

ادري طولت عليك بس اتمنى تتقبلين كلامي برحابة صدر وجعل ربي يحفظ لك زوجك ويسخره لك