شاركي في النقاش

سجلي الدخول لإضافة تعليق.

التعليقات

1,297
  1. @aaashk_dhn_alaaod

    مرحباً يالغاليات حبيت أهدي لكم طريقة شامبو السدر الطبيعي
    لشعر صحي وقوي
    وبسم الله نبدأ

    المطلوب

    ماء معبأه الحجم هذا والعلبة تكفي حق غسلة واحدة




    ملعقة ممسوحة سدر %سدر اصلي والاصلي يجي لونة غااااامق مثل الحناء



    ملعقة شامبو دوف






    الطريقة

    سهلة جداً وبسيطة
    نأخذ ملعقة من السدر ونضيفها على علبة الماء
    وتركها تنقع لمدة نصف ساعة وإذا كاثر مايضر
    المهم مواقل من نصف ساعة
    وبعد كذا نرج العلبة جيداً
    ونصفي الماء بمشخال ناااااااعم او بقطعة شاش
    وناخذ الماء المصفى ونضيف عليه ملعقة شامبو
    ونخلط المحلول جيداً ونستعمله
    نغسل الشعر بالطريقة اللي متعودين عليها
    بهذا الشامبو الطبيعي
    والكمية لمرة واحدة فقط يعني ما ابقي بالعلبة
    شي من الشامبو
    والنتيجة شعر صحي قوي لامع ونااااااااعم
    مع الأستمرار وأكد مع الأستمرار
    بتطلع التنيجة راااااائعة وعن تجربة شخصية


    __________________

    عاشقه دهن العووووووووووووووووود
  2. @aaashk_dhn_alaaod

    طريقة قص اطراف الشعر والغرة سهلة ليش مانتعلم نسويها في البيت افضل بس لاتنسون تبدأون باسم الله قبل كل شي.

    طريــــــــــــــــــقه قص اطراف الشعر:

    أولا : لغيرك :

    1- اغسلي الشعر ..
    2- جففبه بالفوطة فقط وليس بالاستشوار..
    3- مشطي شعرك بمشط ( مهو بفرشة).. تمشطين شوي شوي علشان يتفكك الشعر وتمشطين الشعر من الفروه للاطراف..
    و تجمعينه كله على ورا
    ملاحظة:المقصود حتى الغره "القصه" ترجعينها لورا..
    4- هاتي مقص خااااااااااااص للشعر.. لاتجيبين المقص الي تقصين به الورق وتقصين به شعرك لا لا هذا غلط.. خلي عندك مقص خاص بالشعر ولا تستخدمينه لقص الورق او القماش وغيره لانه بعد فترة بيفقد حدته..

    5- والحين الشعر جاهز للقص.. يعني بايدك اليمين تمسكين المقص واليسار تمسكين المشط..
    6- اهم شي تبدين باسم الله وثم تمشطين الشعر من فوق لتحت وتحددين القياس اللي انت راغبة فيه وتقفين لحد معين للقص وتقصين شوي شوي وجزء جزء..


    ثانيا: لنفسك :

    1-نفس الطريقة السابقة لكن بدل ماتمشطين الشعر على ورا تقسمين الشعر لقسمين..
    2- قسم تحطين على كتفج اليمين وقسم على كتفج اليسار..
    3- ونفس الشي تمشطين من الفروه لتحت..
    4- وتحددين وتقصين عاااااااادي.. يعني تخلصين من الجزء اليمين تبدين باليسار..


    طريقة قص الغرة :

    1- تبللين الغره..
    2- تمشطينها بالمشط..
    3- تسحبينها للامام بخفه..
    4- وحددي بالمشط.. مشطي الغره من الفروه لتحت وحددي مقاس القص وقصيه عادي.....


    __________________

تابعي تجارب أخرى من هذا القسم.