حصل اللي كنت متوقعته ... قاللي بتزوج عليك !!!

طنشيه وعيشي حياتك ..

ترا الخضوع الزايد يطفش الرجال خليك قوية ولك شخصية بالبيت .. حبي نفسك ومارسي هواياتك .. اشغلي وقتك ولاتلاحقينه انسيه انسيه بس لا تقصرين بحقوقه..

ولو تزوج يمكن خيرة لك ماتدرين وش كاتب لك ربي.. لاتضيقين صدرك وتعيشين الهم قيل يجي .. اهم شيء صحتك ووناستك وبناتك.. والمصروف لاتقصرين على بناتك بشيء ابد خوذي منه ولاترحمينه..عشان ماينحرق قلبك انتي توفرين عشانك راحمته وهو يجمع للعرس..
والجئي لربك بالصلاة والاستغفار والدعاء اخر الليل والله يصلح حالكم ويسخره لك يارب ..

تعرفين وش الحل !!!!!


« لا إِلَه إِلاَّ اللَّه العظِيمُ الحلِيمُ ، لا إِله إِلاَّ اللَّه رَبُّ العَرْشِ العظِيمِ ، لا إِلَهَ إِلاَّ اللَّه رَبُّ السمَواتِ ، وربُّ الأَرْض ، ورَبُّ العرشِ الكريمِ »

اللهم رحمتك أرجو فلا تكلني إلى نفسي طرفة عين ِ وأصلح لي شأني كله لاإله إلا أنت الله ، الله ربي لاأشرك به شيئاً

قال رسول الله صلى الله عليه وسلم :" دعوة النون إذ دعا بها وهو في بطن الحوت :" لاإله إلا أنت سبحانك إني كنت من الظالمين لم يدع بها رجل مسلم في شئ قط إلا استجاب الله له ..صحيح الترمذي


تعوذي من الشيطان .. والله ضيقة الصدر ماراح تنفعك شي ..
ريحي نفسك ....
خليني بكون صريحة ......

أنتي غلطتي اكبر غلط يوم انك انذليتي له لهالدرجة ... هو ماشاف منك ردة فعل يوم قل أدبه عليك .. فزاد جبروته ..
وبعد غلطتي في سؤالك له عن الزواج .. كان خايف من ردة فعلك .. عشان كذا ساكت ...
بس انتي سهلتيها له ..

ألحين مب وقت عتاب ولا شي .... بس والله بكلمك مثل اختي ....


أثبتي وجودك .. ودلعي نفسك وافرضي لها احترامها <<< والله اللي تدلع نفسها وتحترم وجودها .. غصب عن كل أحد يعاملها زين

يعني بما ان في راسه شي .. مو انتي اللي بتطلعينه منه .. لأنه يعتبرك في موقف ضعف ..
حطي لك جدول يومي ... لنفسك مو عشان أي أحد بالدنيا .....


مثلاً : أول النهار ترتيب البيت والطبخ والملابس ..
العصر سوي لك برنامج تمارين رياضية .. اشغلي نفسك عن ان زوجك يكون اكبر همك ..
اذا طبختي .. اطبخي لنفسك .. استمتعي .. خليه زي الهوايه ..
ولا تخلين زوجك هو حياتك .. يكفي السنوات اللي ضيعتي فيها عمرك عشانه وهو ماهمه ..
خليه يشتاق لك .. يدورك .. لا تصيرين في وجهه طول الوقت ..


سورة البقرة ..... والله ثم والله .. مافيه احد قراها وندم ..
اقريها كل يوم مره لمدة 40 يوم متواصله .. ماتاخذ ساعه ....
خلي لك وقت تقرينها فيه عشان ماتنسين ....

وأخيراً :
"اهتمي في نفسك .. يهتم فيك غيرك"

وحتى لولا قدر الله وتزوج .. وعسى ان تكرهوا شيئاً ويجعل الله فيه خيراً كثيراً ..
يمكن ذيك الساعه يعرف قدرك ... ويتحسف قد شعر راسه انه كان مهملك كل ذيك السنوات ..

وعالعموم .. الله يسخره لك .. ثم يسخره لك .. ثم يسخره لك ...
ويجعل بينكم مودة ورحمة ...
قولي : اللهم لا تجعل له في النساء حظاً غيري ...

أدري طولت عليك .. وفي بالك تقولين مافيه أحد حاس فيك .. وصعب اسوي اللي تقولين لأنك ماجربتي الحياة معه ..
بس حاولي ,,,

والله يوفقك لكل خير يارب .. ويبعد عن زوجك افكاره يارب ...

الله يصرف زوجك وزوجي عن الزوااااج ياااااارب ولكل وحده قالت يارب وآميـــــــــــــــــــــن

الله يكون بعونك حبيبتي بس عليك بالدعاء ثم الدعاء والله يسخره لك إن شاء الله