أول شيئ مشاء الله عددكم كبير
والصغار يستهلكون الله يصلحهم من حليب وعصيرات وخرابيط
المهم أنتي ماقلتي لنا عندكم ضيوف دايم؟؟
هل أنتي تهتمين لبواقي الأكل ولا تخلين التصرف للخدامة؟؟
الخدامة نفسها هل لها شيئ معين ولا تفك وترمي لأنه فيه منهم كثير
شعارهن ((حلال عمك لايهمك))
من واقع خبرتي اللي مايصون النعمة سبحان الله تنسحب البركة من بيته
تلاقينه يقدم الأكل بشكل كبير وإذا خلصوا الباقي يروح للزبالة :(
لكن لو إهتمينا بالأكل
مثلا نخلي كل شيئ بقدر معقول خاصة إذا الأصناف كثير ة ونخلي كل شيئ غرف (يعني تحطين كل الأطباق في صحون في الوسط ويكون كل شخص معه صحن سرفيس (يعني خدمة) يغرف فيه على قدر حاجته وإذا أنتي غرفتي أغرفي للشخص شوي عشان ياكله كله وماتظطرين تكبين فضلته
لأنه البعض يحطون غرف بس للأسف ما يستفيدون من الطريقة غير كثر المواعين
طريقة الغرف المغروض الشخص يغرف قد حاجته وإذا حس أنه يبي زيادة ياخذ
عندك الأجبان والعسل خذي منها بالكرتون
والقشطة نفس الشيئ
والتونة عندك ألوها والضيافة والمواسم رخيصة وممتااااااازة
والصلصة ندى والفول والفاصولياء المراعي الخضراء والزيتون أخضر وأسود وأنصحك بكبوليفا لأنه بدون بذر
والطحينة والكتشاب والمايونيز والزيت
المناديل بكل أنواعها والمنظفات من صابون وشامبو وكلوركس
المهم كل شيئ تشوفين أستهلاككم له بشكل يومي أو حتى أسبوعي هاتيه بالكرتون أوفر لك مليون مرة
حتى أغراض الحلا من بسكويت شاهي ودريم ويب هاتي بالكرتون
والسميد والدقيق والسكر هاتي بالخيشة الكبيرة بس أهم شيئ يكون عندك مستودع وأرفف تاخذ أغراضك
وروحي للعثيم أو الرجبة أسعارهم مرة مرة ممتازة
المهم ترا التقضي بالكرتون يوفر بشكل خيالي
وماراح تحتاجين تقضين أغلب الأشياء الا كل ست شهور وبعضها تضل معاك سنة
وتابعي العروض مثل إذا بغيتي تشترين كيك ومرتديلا وأجبان البيتزا
مقاضي السوبرماركت ضروري
متابعة النقاش، صفحة 10