مأساة منتظرة تتكرر معاي شو اسوي يارب ماريد اتطلق

صح لسانك يا أخت Lojain99 والله إنك عرفت العلة والعلاج وكفاية حب وأوهام ياأخت شهووودة ...وترى الحب من طرف واحد يقتل

ابجرب هو يرسل ولا لا لاني كل ماارسل يكنسل

اهلين اخت شهوووده ..ان شالله تكونين احسن ... بسراحه انا مع الخت lojain99 ..
ودي اوضح بعض النقاط:
1/لازم لازم اتشوفين شيخ ثقه يقرى عليك عشان اتهدي نفسك واذا كان فيك حسد من اي احد يزول باذن الله
2/الدكتور النفسي ضروري اتراجعينه وماتهملين هالفكره لانها خطوه مهمه لعلاج نفسيتك وفي المقابل علاج حالك باذن الله لانك بعدهاراح تقدرين اتفكرين زينفي نفسك ووضعك ..واذاتقدرين حاولي زوجك مايدري عن سالفة الدكتور
3/استمري على مانتي عليه من صلاة ودعاء وكثري من الاستغفار ورطبي لسانك بذكر الله وفيه صفه لصلاةالليل كثير من البنات اتبعوها بالمنتدى واستفادو وهي انك تقومين قبل الفجر بساعه وتصلين الشفع والوتر عادي وفي اخر ركعه تقومين تستغفرين نص ساعه بعدما تدين بالي تبينه ولا تنسين البكاء بين يدي الله وادعيه باسمائه العظمى الرحمن الرحيم ذوالجلال والاكرام الحي القيوم
4/اهتمي ابنفسك وشكلك عشان نفسك ونفسيتك وحاولي اتجدديد من نسك
5/اشغلي نفسك باي شي مفيد
6/انسي فكرة الطلاق نها ئي باالوقت الحاضرلين تولدين بالسلامه ان شالله لان الرجال عاده يتغيرون كثيربمجرد قدوم طفل تلاقينه يتعلق فيه مره وبالتالي يتعلق بالبيت.. ولا يضيق صدرك اذا مالقى زوجك النونو وجه لان الرجال بالعاده مايتعلق بالطفل الا اذا بدى ايغاغي ويلعب ..بعدها راح ياكل عقله
7/بالنسبه لقطعك للفلوسا الي اتمدينها له كل ماحس ابزنقه ماليه انا اشجعك عليهاعشان انعرف مويته انه يبغاك عشانك او عشان الفلوس... بس انتبهي تقطعينها الحين انتضري لين اسيجلك بالجنسيه استدرجيه واللحي عليه لين ايسجلك .. لاني اخاف اذا قطعتي المصروف او الفلوس ماعاد يهتم فيك ولا ايسجلك
8/انسي فكرة زوجته الثانيه خاااااااصه لما ايكون عندك لا تذكرينه فيها ..البسي واكشخي وغيري من جو بيتك وخلي البتسامه ماتفارق وجهك لاننا نبغى نجذبه للبيت ويحس بالراحه النفسيه عندك
9/حاولي تجذبينه للفراش لان هذا موب سهل انه يهجر افراشك كل هالمده .. لاتتوقعين انه ايبادرك وانتي بهالنفسيه وهالعفسه ابشكلك وخاااااصه ان عنده زوجه ثانيه تغنيه
××××× ارجو اكون افدتك والاقي تاييد من البنات
وبالنسبه للدعاء ترانا مانسيناك والله يتقبل

أنا أشوف انها تشيل سالفة الفراش من راسها الحين لأن هادي نقطة ضعفها و لأن الحين حالتها النفسية سيئة فالفراش راح يخليها تحتقر نفسها أكثر لأنه الحين ما يقربلها و هي تبيه, صدقيني لو قدرتي تتخلصين منه في موضوع الفراش هدا أول الطريق للعلاج لأنك راح تستعيدي كرامتك. أنا ما أدري عنكم يا بنات بس انا لو ما أحس بكرامتي و قدري و ان زوجي معززني والله لو أيش ما أخليه يلمسني. لا تنسون ان المراه تلعنها الملائكة لو رفضت بدون سبب و انا اشوف ان وضع شهودة هو ابو الأسباب. :(