شاركي في النقاش

سجلي الدخول لإضافة تعليق.

التعليقات

233
  1. @tranym_alkhgl_2

    الله يعينك على نفسك

    انتي حاطها في بالك وتغاري منهااااااااا


    انتي مريضة بالغيرة حاولي تعالجي نفسك اختي

    الله يهديك
  2. @gtgtamooonhltlt_1

    انتي ظلمتي نفسك قبل تظلمينها

    الله يغفر لك ويهديك ان شاء الله
    هي
    تقابل اساءتك لها بالاحسان
    تبيك تتغيرين تبي تكسبك وتكسب حبك
    بس انتي مافيك فايده

    اعترفي لأمك ان كل الكلام اللي قلتيه عنها كذب
    وفهمي امك حالتك علشان ترتاحين

    وافتحي صفحه جديده مع هالمخلوقه
    حرام عليك

    هي جميله وانتي تغاريم منها لذلك طيب اكيد انتي بعد جميله بس غيرتك منها عمتك وخلتك ماتنتبهين لنفسك

    انتي اهتمي بنفسك كثير ودلعيها وطلعيها في احلى صوره من لبس وميك اب وشعر وووو
    حتى تثقين في نفسك اكثر وساعتها ماراح تهمك ولا تحسين بالغيره منها

    الله يسعدك
  3. @yasmyn2011

    صاحبة الموضوع
    يا بنات امس يوم قريت ردودكم والله قعدت اصيح صياح وتخيلت فعلا احد يجي ويسوي لبناتي مثل ماسويت انا لمرت اخوي

    وانا ماكتبت الموضوع عشان تسبوني وتتحسبون علي انا كنت ابيكم تساعدوني
    وربي ندمانه واعض اصابعي ندم

    خاصة لمى اشوفها في بيت اهلي وتسلم علي بحرارة وهي طبعا عارفة اني اكرها واحقد عليها بس اللي ذابحني ليش تمثل ليش تعاملني بالطيب
    ابيها تقطعني ابيها تصارخ في وجهي..

    حتى امس رحت اضفتها مره ثانية في الماسنجر لاني حاذفتها وهي دايم تقولي يا فلانة ما اشوفك شابكة ودي ادردش وياك انتي واختك بس ما القاكم ابد غيرتوا ايملاتكم
    لان انا خليت اختي تحذفها بعد
    وانا ارسل ايميلات لكل البنات الا هي عشان تموت قهرررر

    حتى زوجي لاحظ ان في قلبي شي عليها لان مره شفناهم صدفه بالاشارة وقالي شوفي اخوك مع زوجته
    قلت له اي من زينها الشينة مافيها شي حلو تشبه ... قلت كلمة مو زينه
    حتى زوجي ناظرني بنظرةغريبة

    يا بنات انا قررت اول شي اني بروح العمرة واستغفر ربي لاني حكيت فيها كلام وهو مو فيها بس انا ماقلت غير هذا الشي وامي اظن نست الموضوع

    ثم بروح لها بيتها وبتأسف منها واجيب لها هدية بس اخاف اخوي يدري بالموضوع ؟؟

    وانا من ضمن الاشياء اللي خلتني اكرهها اكثر اني كنت ادق عليها كل يوم وهي بشهر العسل كنت ابي اعرف وين راحوو ووين جاوو مع اني رحت شهر العسل وزوجي ماقصر عني
    بس ماكانت ترد علي ؟؟؟؟؟


    ترى انا كتبت لكم جزء من اللي سويته فيها كيف لو اقولكم كل شي ؟؟؟

    بتتمنون تطلعون من الجهاز وتذبحوني


    انا احس اني مو طبيعية فيني شي ... اذا اتصلت فيني انبسط وبعدين اقول خليها تولي ماراح ارد وتدق مرتين وتقفل واذا شافتني وجه لوجه دقيت مارديتي اقول جوالي مافيه اي شي متى دقيتي وتسكت وتعديها

    واللي معور قلبي مره بكيتها اول ماتزوجت وكانت بشهورها الاولى هذي السالفة لمى اتذكرها اقعد ابكي واقول ربي سامحني
    كنت اقول لاختي ان بنت خالتي انخطبت
    قامت هي باركت لي وقالت من سعيد الحظ
    قلت لها مالك دخل فاهمة ولا افهمك
    راحت اختي تلقفت وقالت خطبها فلان

    واصرخ بوجه اختي واحذف الصحن وكان فيه اكل على الارض واقعد اصارخ على اختي ليه تعلمينها ليه وجيت عند اذونها وقلت لها والله والله لو قلتي لامك او اخواتك الخبر لاذبحك وماشوف غير دموع وماكملت عشاها
    وانا انبسطت قلت اكيد بتقول لاخوي وبتصير مشكله بينا بس ولا كان صار شي ابد
    اليوم الثاني تضحك ولاهمها

    وكنت ارسل رسايل متعمدة على اساس انها غلط
    مثلا اقول فلانة الساحرة الله يقلعها هي وبنتها وارسلها لها وماترد عليها نهائي وانا ابغاها ترد

    هل فعلا احتاج دكتور ؟ يعني ما اقدر اعالج نفسي بنفسي

    دايم اقول بكرة اصلح كل شي بس من اشوفها يجيني شي عليها ... مع اني وربي قبل لاتتزوج اخوي كنت اموت فيها واحبها
    بس مدري ليه كرهتها يوم تزوجت اخوي


    احس ان فيني بلى انا مو طبيعية ...... ابي اشيلها من دماغي مو قادرة

    لاحظت اغلبكم يقول اني غيرانه منه لانها حلوة .. صحيح هي حلوة مره بس ما اظن هذا السبب لان زوجي كان يشوفها لمى تجي عند اختي وماكنت اهتم
    بس مدري ليه حسيت ان في قلبها شي لأخوي ومن هنا كرهتها
    وخفت على اخوي منها
    ترى اخوي انا وياه علاقتنا مره قوية
    ومن بعد ماشافها صدفه من دون عباية تغير علي وربي صار مايطيق مني الكلمة عشان كذا حاولت اخطب له بس رفض
    وبعد ماتزوجها رجعت علاقته فيني زي ماكانت بس مو زي اول
    ولعلمكم من تزوجت اخوي مادخلت هي بيتي لاني ماعزمتها ولامره اعزم كل اهلي الا هي ما ودي تدخل بيتي ، حتى يوم انكسرت يدي جات هي مع امها لحد باب بيتي بس انا قلت للخدامه تقولهم مدام تعبانه وماتبي تستقبل احد واعطت خدامتي سله هي مسويتها فيها حلويات وفطاير

    وانا مشاركتي ما تسمح غير ل 3 في اليوم



    في وحده بالخاص ارسلت لي تستاهل مرت اخوك على اللي تسوينه فيها ؟؟؟؟؟؟؟؟؟؟؟؟؟؟؟؟؟؟؟ ليييييييييييش انا خلاص ندمانه
    ومن كتبت هالموضوع وانا ابغى ابدأ صفحة جديدة
    الحمدلله تقربت لربي اكثر
    وهي اليوم جايه بيت اهلي وبروح لهم هناك وابي اضحك واسولف وياها ابي احسسها اني تغيرت واني ندمانه
    بس اعوذبلله من ابليس عسى مايوسوس لي
    وبعلمكم بالتطورات
    وابي اهتدي على يدكم وتآخذون أجر فيني تراني والله قلبي ابيض بس الشيطان لاعب بعقلي
  4. @am_aayaly_2_1

    بتالية القوس
    ربى يشفيك
    لاحول ولاقوة الا بالله العظيم
    الحمدلله الذي عافاني مما ابتلاك وفضلني على كثير ممن خلق تفضيلا
    والله حالتك غريبه !!!!!!!!!!!
    لايكون زوجك إذا مدح وحده تظلمينها يا أختي الظلم مو هين
    الظلم ظلمات يوم القيامه ولازم تتحللين منها لايجيك ملك الموت وأنتي على هالحال
    وخبري أمك وأختك حتى لو نسوا الموضوووع لازم تخبريهم إنك كذبتي على مرة أخوك
    والله يبيض وجهها عز الله أن ربي رزقها على زين نيتها
    حاولتي وسعيتي وربك فوق تدبيرك انتبهي لايرجع كيدك في نفسك
    أو في بناتك
    خافي ربك لايبلاك ربي بمرض وتعرفين أن الله حق
    تذكري إن الله يمهل ولايهمل
    توبي قبل فوات الأوان وأستسمحي منها لو برسالة أعتذرا على إيميلها
    بدون ذكر التفاصيل قولي فلانه حلليني على كل شئ سويته سواء تدرين عنه أو ماتدرين عنه
    وبعدها خوذي لك عمره وأشربي من موية زمزم وأكثري من الأستغفار وقراءة القرأن
    وأشغلي نفسك بالذكر
    أستفغر الله العظيم
    وأتوب إليه

تابعي تجارب أخرى من هذا القسم.