الموضوع مغلق

مجسم للحج من عملي الخاص / الصور غير ظاهره

سويت مجسم للكعبة المشرفة والحجاج يطوفون حولها
فحبيت أنكم اتشوفون شغلي ، ومشكورين مقدمًا على الردود حبيباتي



49 تعليق 19,449 مشاهدة

شاركي في النقاش

سجلي الدخول لإضافة تعليق.

التعليقات

49
  1. @lth_alaaysh

    السلام عليكم اختي بشاير ممكن اسال وش الخامات اللي استخدمتيها في المجسم
    ماشاءالله شغلك مرتب .
  2. @bshayr_frh

    صاحبة الموضوع
    مجسم الكعبة : عبارة عن كارتونه مغلفه بالقماش المخمل، وتقدرين اتسوين عليها حركات إذا بغيتي بالقماش الأبيض أو ترسمين بالألوان الذهبية .

    القاعدة : مستطيلة من الكارتون المقوى وغلفتها بورق تغليف الورود ، وصار شكلها حلو بس مو باين بالصوره.
    الحجاج : هذه الصورة لقيتها في منتدى أطفال ، وكانت تمثل ثلاث حجاج ، بس آنا لعبت فيها شوية حركات ببرنامج الفوتوشب ، وخليت الشايب يصير شايب مره بلحيه بيضه ، ومره شاب بلحيه سوده ، او الرجل الثاني خليته مره يطالع لجدام ومره داير ظهره وقلبت رجليه بإني خذيت نفس رجلين الحرمه أللي معاهم ، وممكن اعطيج الصوره لو حابه تستعينين فيها .



    الخطوات :

    * بعد تغليف الكارتون ، لصقت مجسم الكعبه على القاعده بالوسط بالضبط بإستخدام مسدس السيلكون .
    *وبعدين ، نسخت حجاج بأعداد كثيره ومختلفه نوعًا ما وبحجم شبه متساوي بالكمبيوتر ، وغلفتهم بالورق الحراري ، وتميت اقصهم واحد واحد ، وبصراحه يدي تعبت من مسك المقص ، وهذه كانت أصعب خطوه .لأن عددهم كان حوالي 50
    * الخطوة الأخيره ، بعد ماقصيت الحجاج ، كنت عامله اشرطة طويليه من الكارتون المقوى بطول الحجاج وبعددهم ، و تقريبًا بعرض أصبع اليد ، وتميت الصق كل شريط كارتوني ورى الشخص الحاج بإستخدام مسدس السيلكون ، بحيث اترك قاعده من الأسفل بسيطه متدليه من الشريط ، عشان الصقها في قاعدة الحرم ، ويبان الشخص كأنه واقف .
    بس هذا كل أللي سويته .، وعلى فكره ممكن تلاقين مجسمات كعبه متنوعه في محلات بيع الألعاب وأدوات البيوت مثل رامز ، وتحطينها بشغلج جاهزه ، وعليج بس اتسوين بقية الشغل والحجاج ، وهذا اتعب شي .

    والله يعطيج العافيه .
  3. @ashrak_nor

    حلو كتييييييييييييييييييييير

    لكن حبيبتي ليته يخلو من الصور يعني بتحطيحين على الصور قليل من القطن بحيث يخفي الملامح ولا بتأثر الشكل

    وإلا سلمت يداك
  4. @roh_almsk

    روووووووووعة ما شاء الله عليج :)

    تقدرين تستفيدين وتبيعينهم حتى المحمصة بيشترون عنج صدقيني.... وبتكون تجارة مربحة.. :)


    دعواتج
  5. @bshayr_frh

    صاحبة الموضوع
    أختي إشرقة نور

    الصور كارتونيه ، ليش اخش ملامحهم موصجيين ، وإذا كان على الحرمه ( المره ) دايره راسه مو مبين وجهها أبد.
    مشكوره حبيبتي والله لايحرمنا من ملاحظاتج .

    اختي روح المسك :
    ههههههههه والله ضحكتيني ، لو كل شيئ بنسويه احنا المعلمات نبيعه ، جان صرنا مليونيرات ، لأنه ياكثر أللي نسويه .
    الله يوفقج يارب ويحقق لج كل أمانيج

    وانتظروني في اعمالي القادمه إن شاء الله ماراح ابخل عليكم .

    مشكورين حبيباتي

تابعي تجارب أخرى من هذا القسم.