الي تريد تروض الاسد الي في البيت الزوج تدخل والي ما بتدخل بيفوتها عمرها كله

هايدي99
هلا والله هادي الجميله كلامها صحيح بس نحن نريد انكووووووون اقر من جذيه نحن باسلوبنا نقدر نكون

اقرب الناس ولكن جيف نصحي شوق اياااام الملكه جيف نخليه ينكوي بالحب كيف مثل قبل ؟!!!! ه1ا المطلوووووب

كيف تخلينه يسال عنج اكثر منج فاهمه عليه :)



زكيه طرطشلى
هلا الغاليه هلا بطرططشلي كله :) عيوني نحن انسوي جيه والحمدلله ولكن انريد انعيش الحب معا بعض مش منحقنا

نخليه ايي البيت بدون اتصااااااااال انخليه يجنن على صوووووتنا حلو الاصدقاء بس انا اريد اكون العشيقه الي ما يقدر

يستغني عنها وعلى فكره انا مرتـــــــــاحه في زواجي الحمدلله بس والله خايفه من الي جدااااااام يعني الحين بغريه

وبعرف اسويلها كل شي يحبه ولكن بعض ما ينضب البرئر شو بنسوي وخاااااصه انا وااااااااايد ادلعه واخاااااااااف

من كثر الدلع اني اخربه يالله همتكم وتعاونكم :)


وانشالله نوصل لحل معاهم :)

مشكورااااااات على التوااااااااصل اختكم دموع

والله موضوع حساس ومنكم نستفيد

بنات انا عندي مشكله ان زوجي مايشتكي لي لما تجيه مشكله بس معصب وبس وش الحل لا تقولون اساليه ......لاني اسال بس يقول ابد مافيه شي

اختي دموع الأمل ..... موضوعك حساس وجرئ :32:


أنا والله أبغى أعرف أكثر عن لكاعة الحريييييييم :21:

بس كل المتزوجين لازم تفتر علاقتهم بعد الزواج ولو بشي بسيط

والشوق اللي كان أيام الملكة خلاااااااص انسييييييه .. نصيحة من أخت محبة

الملكة غـــــيـــــر ....... والزواج غـــــــــــــــــيــــــــــــــــر .... وحياة عملية أكثر

لابد يكون فيه مشاعر شوق من فترة لفترة لكن مو داااايم ... صدقيني !!

أنا راح أقول لك بعض الأفكار ( ذات النفس الطويل ) على قولتك

فيه طرق جذب تخلي زوجك مايستغني عنك أبداً بإذن الله ..... لكن قبل كل شي .... كل وحده عارفة لزوجها و عارفة وش اللي يناسب تسويه معه ووش اللي مايناسب !!
خلاص !! اتفقنا !!


خلينا نبدا خطوة خطوة ( على فكرة هذي الأفكار سمعتها من كثير من المتزوجات, وبعض الأخوات في عالم حواء)

أولا : خليك في نظرة ملكة جمال الكون !! :27:

كـــيــــف؟
بحيث تعززين ثقتك في نفسك,
تمشين بثقة
تتكلمين بثقة,
تكونين واااااثقة جداً من آرائك وجريئة جداً في طرحها ولا تمنعين نفسك من استشارته فيما تريدين, ليس لأنك ماتعرفين لكن لأنه شريك حياتك, وتحبين انه يعطيك رأيه في هالأمر
( عاد لا تمثلين انك تعرفين وانت ماتعرفين !! اتمنى انكم تكونون فاهميني )

بيني له انك مثقفة وواعيه, خليك مطلعة ومتعلمة, يعني لا تهملين علمك وثقافتك ,
لما تكونين مثقفة هو راح يستشيرك في أمور كثيرة, حتى في مجال عمله, لما يحصل العكس ممكن بسهولة يستغني عن خدماتك .. مو يخليك لا ... لكن مايتستشيرك .. لأنك في نظره بتكونين ضحلة الثقافة , ويمكن غبية بعد .... الله لا يقوله

حسسيه انك أجمل وحده بشكل غير مباشر .... طبعاً ولا وحده فيكم بتمدح أي حرمة قدام زوجها
ولما تكونون قدام التلفزيون وفيه مذيعات أشكال وألوان .... لا تتكلمين عنهم ولا تسبينهم
مثلا : يوووه هذي شينه ولا دبا .... إلخ
لأنها ممكن تكون حلوة وانت بسبك لها تبيين جمالها زيادة بدون ماتقصدين ... خلي كل هالبنات صفر على الشمال
( بدون غرووووور)

لو كنتوا في طلعة .... في السوق ولا البحر ولا الشاطئ
وكان فيه بنااااات من كل شكل ولون

لا تبيين انك تغارين عليه بشكل قوي , سوي نفسك كأنك مارة من عند جدااااار من اسمنت بعد ههههههههه الفتي نظره لك بكلامك الحلو و فرفشتك, جيبي سواليف ماتخطر على البال, بس تكون مناسبة بحيث يلهى عن كل اللي حوله ومايشوف غيرك

لأنك اذا بينتي غيرتك الشديدة عليه ممكن يستفزك أو ممكن يشوفك انك مو واثقة من نفسك لأنك تقارنين نفسك بالمتبرجات اللي برا ... وانت أكرم منهم
فقط قولي له: أنا ماأبيك تشوف هالأشياء لأني خايفة عليك من عقاب رب العالمين .... فقط قوي عنده الوازع الديني


البسي الشي وأنت واثقة انك انت اللي تحلين الملابس مو اللبس اللي حلو, لما تلبسين.... لا تسألينه عن رايه دائماً ..... امشي عنده بثقة وبدلع وبتغنج ....


ثانياً: القبلة :

بلييييييييز لا تحذفون كلامي يالمشرفات .... والله اني ماابي الا كل الخير لأخواتي ..

روحي عنده اسأليه عن أي شي يبغاه قبل لا تروحين عطية بوسة صغيييييرة مرررررة .... مالها صوت ... يعني لا تعطينه وحده كبيره تكفيه الين تجيبين اللي طلبه منك .... لالالالالا ههههههههههههههههههههه



مثلاً بعض البوسات الخاصة ,,, على الشفاة مثلاً ... حاولي ماتكون في أي وقت ... عشان يكون لها طعم ... خليها في غرفة النوم .. في المناسبات الخاصة مثل العيدين .. أو لما يترقى من منصبة أو ينجح في مجال عمله .... إلى آخر المباركات
مو تخلينها بمناسبة أو بدون مناسبة
بوسات الرأس خليها لما يجيب لك هدية, أو لما تعتذرين له .... إلخ .... يعني تنفع للمناسبات القوية شوي

ثالثاً: وربما يكون الأهم : الاحترام والتقدير له شخصياً لأفكاره و لأطروحاته و لمشاريعه و لكل شيئ فيه وكل شي يخصه, مثل أهله وأصدقائه ... إلخ

رابعاً : الاهتمام به:
دلعيه, لأنه هو راح يدلعك بالمقابل لكن بطرقه الخاصة لاتنتظرين انه بيدلعك بنفس طريقتك, كل واحد له شخصيته المستقلة وأسلوبه الخاص وهذا اللي لازم نفهمه
اسألي عنه, كلميه في الدوام, في الوقت اللي تحسين انه فاضي فيه, بس تتطمنين عليه أو تبينين له شوقك له, لا تكثرين مكالمات عشان مايمل منك :44:

خليك شوي متجدده في كلامك وفي أسلوبك وفي شكلك كله .... يعني مثلاً : يجي يوم كلميه واستعجليه يجي عشان عندك مفاجأة حلوة .... أو خبر مفرح ... إلخ .. صدقيني بيجي طيراااان على البيت


لما يرجع من الدوام اسأليه عن يومه ... وعساه مايكون تعب ...

خامساً :
الدعاء له:
الدعاء له في ظهر الغيب
والدعاء له أمامه ..... الزوج يحب زوجته تدعي له .... وهذا من الأشياء اللي تعلقه في زوجته أكثر وأكثر
مثلاً لما يجيب لك شي قولي له : الله يغنيك ويعوض عليك, ومن هالأدعية الحلوة
مو بس تقولين له شكراً .... لا الدعاااء مؤثر جداً ... ويصل من القلب إلى القلب الآخر مباشرة





صدقيني ... لما تحبين زوجك من كل قلبك وتخلصين في معاملتك له ....... كل هالأشياء بتسوينها بشكل عفوي وتلقائي !!




خلي شعارك دااااااائماً ......... لا للمبااااااااالغة والتصنع





سوووووووووري بناااااات شكلي طولت عليكم مررررررررة

لكن لو كانت عندي أفكارأخرى للجذب المغناطسي :42:
راح أرجع لكم ان شاء الله

أختكم ,,,
أم دحومي الحلو :27:

مـــا شـــاء الــلــه عــلــيــج مــا قــصــرتــي يــا أم دحــومــي

الــلــه يــعــطــيــج الــعــافــيــه