قريت كذا قصة هنا تحكي عن الأب وكيف مات وكيف كاان حنون محب لأولاده ...وكيف فقدوه ... وووو
أنا ابوي حي بس محرومة منه ...
متزوجة صح بس محرومة منه حتى لما كنت بنت ماتزوجت
ابوي عصبي .. قاسي في المعاملة مع الاولاد بس البنات يحبهم لكن قسوته مع عياله خوفتنا واحنا صغار منه فابتعدنا عنه بيننا فجوة كبيرة زاد هذه الفجوة بزواجه من اخرى وابتعاده عنا ماكنا نشوفه الا كل اسبوع مرة او مرتين ..
واذا اكثر فبسبب مشكلة سواها واحد من اخواني فيجي يضرب او يخاصم ويروح ..
كبرنا وتزوجنا وخلفنا
والحين ابوي لا زال موجود ...غير موجود
طبعا بعد زواجي بكم سنة امي استقلت بحياتها ماعاد يدخل عليها باب البيت والسبب مشكله الدايمه معها وهي كانت صابرة عليه عشان اولادها لما كبروا وتوظفوا وتزوجوا ماعاد صار لها علاقة فيه خرجت من حياته
ابوي ساكن بنفس الحي لكن والله آخذ بالشهور ماشفته واتمنى اسمع صوته واذا شفت له صورة اضمها وتنزل دموعي
تعرفون الاب بالنسبة للبنت شي كبير ..
اتمنى اضمه واتمنى حنانه وعطفه ورضاه علي
لكن ابوي مايقدر يقول هالكلام الطيب
بتقولون زوريه زرته وكنت كل اسبوع اروح عنده واسولف معاه لكن حصل من زوجته عدة مواقف ضدي كان آخرها انه قالي في وجهي اذا جيتي لا تجيبين عيالك ...
عيالي صغار واستحالة اجي بدونهم
مع اني اذا لقيت فرصة رحت له بدونهم بس الاغلب مااقدر ...
وحتى لو رحت شخصيته متقلبة مرة القاه معصب ومرة القاه صامت مايتكلم وكذا مرة ازوره واندم وارجع ابكي لأن الزيارة كانت ثقيلة على نفسي وماتمنيتها تكون كذا ..
ابغى اذا رحت له يسولف ويضحك وياخذ ويعطي واحس اني بنته والله بعض الاحيان بس يقول كيفك وكيف عيالك وبس ...
واذا قلت له زورني قال ماعندي وقت
وهو فعلا منظم حياته مابين عمل واصحاب وله اهتمام في النت يقضي اغلب وقته جالس عليه
لكن
انا فعلا اشتاق له حيل وقسوته تمنعني من مصارحته ... لأنه مرة اتصل بي وكنت مرة مشتاقة له فبكيت لما سمعت صوته فكانت ردة فعله باردة جدا ولا كأني بكيت ..
ادعوا لي ربي يحنن قلب ابوي علينا ويصلحه نفسي نتمتع بحياته معانا وماننحرم منه كأنه ميت ....
شاركي في النقاش
سجلي الدخول لإضافة تعليق.
التعليقات
9- اعزميه عندك كل شهر مرة
خليه يتعود على زيارتك - كلامك مؤثر والله صعب تعيشين محرومه من أغلى البشر ........
ابوك شكله مشغول في حياته وشكله يقول انتهت مسؤوليتي تجاه عيالي كبرتهم زوجتهم خلاص وش يبون بعد لوفيه مشكله على قولتك يجي يحلها بالخصام ويروح
مالي الا أدعي لك ان ربي يحنن قلبه عليكم ويصلحه لكم ياااااااااارب اللهم استجب والزمي الإستغفار بهذه النيه - الله يحنن قلبه عليكم
- الاب غاااااااااالي اكسبيه
حتى لو ما اعطاك وجه
عاااااااااااااااااااااااادي حبيبتي هذا ابوك لازم تتحمليه
الله يحنن قلبه عليكم ويحببكم ولايفرقكم عن بعض - ربي يحنن قلبه عليكم ويصلحه لكم ياااااااااارب
مواضيع مشابهة
تابعي تجارب أخرى من هذا القسم.