حبيبتي لازم انتي تبدين تغيرين بنفسك ان الله لايغير بقوم حتى يغيروا مافي انفسهم اذا بيتك صار وصخ الشياطين بتتجمع عندك
خلي دائماً سورة البقرهـ شغاله
لو تقدرين تجيبين لك خدامه علشان تقوم بشغل البيت ويرجع مرتب واذا ماتقدرين ابكتبلك الاشياء المهمه وجاهدي نفسك وطبقيها وحبه حبه تزيدين الشغل الى ان تتعودين ولازم يكون عندك إيرادهـ وعزم قولي خلاص بوقف الناس عند حدهم
1ـ البخور ع طول شغال بالبيت ع الاقل اللي يشوف المكان مو مرتب يشم ريحه حلوهـ وعندك بخور الكمبودي ريحته قويه وتثبت بالبيت
2ـ حطي زباله كرمك الله بكل مكان علشان ماتتكسلين تروحين لمكان بعيد يعني زباله بغرفت الجلوس والصاله والممرات وانتي تتمشين بالبيت شيلي وحطي بالزباله والله ماراح تتعبين
3ـ الاماكن الاكثر اهميه بالبيت لازم تكون نظيفه صالة الاستقبال وغرفة جلوس العائله والحمامات اكرمك الله لانها واجهة الناس واذا عندك غرفه خاصه لجلسه الحريم نظفيها وبخريها وسكري الغرفه بالمفتاح
وفي اشياء تسهل عليك التعب وشغل البيت
1ـ غساله اتوماتك للمواعين وغساله اتوماتك للملابس حطي فيها اللي تبين وشغليها وهي تسوي كل شي تغسل وتنظفه من الصاون وتنشفه وانتي مرتاحه
2ـاذا بيتك موكيت سرمكيه لان الفرش يبيله نظافه ومسح اول بأول ولا بيعفن وتطلعله ريحه شينه
وتذكري ان النظافه من الايمان وخلي في بالك عيالك حرام يعيشون اقل من غيرهم ويسمعون الكلام الجارح عن امهم
وزوجك اذا صبر اليوم ماراح يصبر بكرهـ بياخذ عليك ويضيع منك والله ياعمري هذا شي شفته من خلال اختلاطي بالناس وشي شايفته بعيوني واهم شي النظافه الشخصيه وهذا الشي اهم من نظافة البيت
اتمنى اني افدتك واليوم جربي اللي كتبته لو غصب حتى لو تحددين اللي بتسوينه و تنذرين نذر انك تخلصينه ومتى ماحسيتي بكسل تذكري النذر اللي عليك صدقيني اذاخفتي من النذر ماراح تنامين الا وانتي مخلصه لو تحددين اشياء بسيطه واهمها حركة الزباله والبخور يمكن تنامين متظايقه وتعبانه وبكرهـ تقومين تحسين بفرح وانتي تشوفين التحول وتغير نفسيت عيالك طبقي وشوفي
وانتظر ردك بعد التغيير
تكفون الكسل ذبحني ادعولي ولكم بالمثل
متابعة النقاش، صفحة 3