البنوتات ابيكن الله يصلحكن .. اما المعرسات يروحن يجهزن السكاكين والسواطير

هلااااا حبيبتي اسفه اسفه وربي توي ارجع للموضوع أقرأ ردك علي ..!!!

المنتدى راح ارسل لك اياه بس هااااااااه ترا مالي دخل :D

بالنسبه لقصة معلمتي ماودي والله احطها عشان مااتطاق انا وايا الرجال بالمنتدى اخاااااااف منهم <<<<<<< ياااااااي :30:

بس بصراحه لأني قريت كثير من المشاكل اللي تقف خلفها احد حبيباتنا الغاليات هنا ومع ذلك نجد من يقف لهن بالمرصاد من الرجال .. وانه هذا من حقه ..!!

نعم من حقه الزواج وليس من حقه انه يباغتها فيه وياخذ من منزلها للأخرى ,

صحيح انه دفع هو كذلك فيه ولكن الموفون بعهدهم اذا عاهدوا .. يوفون بالعهد ’

مهب يقوولها لي ولك وبالأخير يصير ثلاثي والثالث ماتعب على شيء !

الله يعينها وانا بصراحه مدري عنها الحين لي خمس سنين عن الثانوي بس من جد اتمنى انه رجع لها واحسن من قبل ’ والله يسخر للثانيه واحد يحشمها لحالها :icon28:

بعدين يابعدي ترا فيه حريم على نياتهم او انها تحبه حب اعمى لدرجة ماتفكر انه في يوم من الايام راح يسوي فيها هالسوايا عشان كذا ماتفكر تقول له شيء عن الاوراق الرسميه او تقولك اقطع لساني ولا اقوله هالحتسي :( !

اييييييييييييييه الله المستعان ’ الله يعين الحريم <<<< ماتلاحظين انها متعقده قبل تعرس :confused-

ننتظرك .. : )

رجعت لكم يا كتكوتاتي الصغيرات

نمبر مدري كم

لا تضغطين على نفسك



اذا كنتي يوم من الايام تعبانة والا مريضه ، ارتاحي ونامي بفراشك
لا تضغطين على نفسك وتاكلين كرتونين بندول وتعصبين راسك وتقومين تطبخين وتكنسين وتغسلين وتجيبين العيد :icon28:
وتقولين زوجي حبيبي ولازم اخدمه ... كلامك صح زوجك وحبيبك ولازم تخدمينه
ما قلنا شي بس لحد ما تجين عند صحتك وهنا قولي ستووووووووب
... اذا حسيتي جعلي ما اعدمتس انتس تعبانه ذاك اليوم اجلسي بفراشك واتصلي على زوجك او ارسلي له مسج عشان يحسب حسابه واذا كنتي انتي تشتهين أكل معين قولي له يجيبه لك معه ...

اذا كنتي تعبانه ما راح يشره عليك تسوين شي ، لكن اذا ضغطتي على نفسك مره بيصير يستغرب اذا جاك تعب شديد وما قدرتي تتحركين من السرير تدرين وش بيقول ؟؟؟
بيقول تتدلع ! بس لا تلومينه اذا قال كذا ،، انتي اللي عودتيه انك غريندايزر وحديدية ما تمرضين وتتحملين التعب :)

وانا احذركم احذركم يا بنات يا حلوات من أدعاء المرض .. لا تتميرضين وكل دقيقه دايخه والا بطني يعورني والا اذاني تحكي ...وتخلين الرجال يطق لك خيمه في اسعاف الشميسي
لا لا .. اولا ما يجوز تكذبين عليه ثانيا ما يصير لمرضك قيمه ..








نمبر مدري وش بعد

اهل الزوج هم اقرب الطرق للوصول الى قلب الزوج الخليجي
لا هو المشمر ولا المحمر ولا البطيخ

عامليهم بالحسنى وعاملي امه خصوصا زي امك
ودايم امدحيهم عند زوجك عشان لو لا سمح الله حكوا في ضهرك عنده راح يقول بس هي ما تقول عنكم الا كل خير

خليك ذكيه وفطينه واذا رحتي لهم وقالت لك امه او اخته كلمه ما اعجبتك لا تروحين لزوجك وتفقين خشتك :icon33: وتقولين امك قالت واختك قالت لا يا بعد قليبي
تعالي عندي وعلميني وانا اكسر راسها ههههههه
احسن تصرف يا بنياتي انك تردين عليها هذيك الساعه بالرد المهذب والمناسب اللي يناسب عمرها ..
واذا كنتي تشكين في قدراتك على الرد بالشكل المناسب
فمالك الا انك تستهبلين وتسوين نفسك ما فهمتي خفايا اللي تقصده من ورى هالكلمه ..
تدرين لييييش ؟؟ اولا تقهرينها :) ثانيا ما تقدر تمسك عليك شي وتقول لزوجك مرتك قالت وقالت

صدقوني حركة الاستهبال هذي مجربه :30: انا علمتها كل قريباتي ونجحت
انتي تقهرينهم وزوجك يحسب انك ذلك الملاك اللي وش ملحه

طبعا فيه احيانا اهل زوج الله يهديهم تجي منهم تصرفات لا تحتمل وفي هذه الحاله ما انصحك تسكتين او تستهبلين .. في هالحاله لازم تقولين له ، لكن بدون تجريح في خواته وامه ، يعني مثلا قولي ( امك الله يخليها لنا او الله يهديها ما ادري ليه عاملتيني كذا بذاك الموقف )







نمبر مدري مين

لا تستخسرين على نفسك شي

يعني مثلا كنتم في السوق وقال لك يا دريم ويب قلبي ابي اشتري لك هديه وخيرك بين عطرين او قطعتين ملابس او اي شي
اشكريه واختاري اللي يعجبك منهم .. لا تقولين لا و شو له الخساير توك جايب لي هديه
او تختارين الارخص منهم او تقولين هالقطعه ينباع منها تقليد في السوق الفلاني بنص السعر
ضنا منك ان هالحركه بتكبرك في عينه وتخليه يا قول يا زين حرمتي القنوعه
للاسف ان هالشي ما يصير وغالبا بيقول هذي سميحه واي شي يمشي حاله عندها
ولا تستغربين لو انقطعت الهدايا بكبرها بعد فتره
لو كان ما يقدر على السعر انكان ما اقترح عليك لا تخافين عليه :30:

او مثلا كان بيشتري لك غساله لا تقولين لا وشو له الخساير انا اغسل الملابس بيدي
ترا بترفعين ضغطي واموت وتستاثمين فيني بهالحركه
لعنبو بليسك الرجال يبي لك الراحه وشو له تدورين الغثا :angry:
الا خليه يشتري له الغساله اللي ماركتها ممتازه وبعد وكل الاجهزه اللي تساعدك وتريحك ( طبعا حسب قدرته الماديه ) ..

بكرى توجعك كتوفك وتقولين ابي غساله بيقول لك والله كنا في جره وطلعنا لبرى !! من متى تغسلين في غسالات هذا كله من مجالس الحريم يحرضونك علي ههههههه

قهوة سادة يا حلوك,
كلامك درر ما شاء الله عليك.

قهوة سادة يا حلوك,
كلامك درر ما شاء الله عليك.