وش رائيكم ناس ماشفتيهم لك 4سنوات كيف تتعاملين معهم

بنات انا من اول ماتزوجت زوجي وانا خواته مايبوني مشاكل وينطلون كلام علي سنه كامله وبعدها حلفت مااروح لهم ابد ابد بس ام زوجي تهبل طيبه مره وعلاقتي فيها مره روعه وتحب عيالي ودائما تسير علي بس انا مااجيها في البيت وهي مقدره لانها عارفه البنات ومشاكلهم معي طبعا ابو زوجي متوفي بس امه عايشه وحتى قاطعو اخوهم اللي هو زوجي لانه يقولهم ليش انتم ماتبون عيالي وزوجتي وصارو مايحبونه وقاطعوه المهم القصه عريضه وطويله والزبده ان الحمدلله العلاقه رجعت ورضو علي وعلى زوجي فجاه كانهم اندمو واللي يزعل من كيفه يرضى من كيفه يعني فجاه رضو على زوجي وصارو يجونه ويسلمون عليه وعلى عيالي قالو لزوجي بنعزمك في شاليه انت وزوجتك المهم عزمو زوجي بمناسبة الصلح يعني جمعه عائليه الاسبوع الجاي وانا شايله هم بستشيركم يااخواتي اروح بدري والا اتاخر اذا قربو يحطون العشاء وكيف اتصرف مع البنات اضحك واسولف عادي والا اصير رسميه مدري شايله هم انا من النوع الفرفوش واخاف اضحك واسولف بحماس ويقولون هذي ماصدقت على الله ناويه ان شاء الله البس واتصلح واكشخ انا وولدي واروح بس مدري كيف اتعامل معهم والله اني مااحب المشاكل وفرحانه لما رجعت العلاقه اهم شي اشوف زوجي مبسوط والله يتمم عليهم بس انا ماادري كيف اخلي اسلوبي معهم

6 تعليق 765 مشاهدة

شاركي في النقاش

سجلي الدخول لإضافة تعليق.

التعليقات

4
  1. @alkhyryh

    خليك على طبيعتك .......... شوفي تصرفهم معاك اذا كانوا فرحانين بيك ........ وكل اهتمامهم بيك ويعاملونك كظيفه مهمه

    خليك معاهم طيبه عامليهم بالمثل .... واذا كانت معملتهم عاديه برضه انتي عامليهم نفس المعامله عاديه روحي على الموعد بالزبط لاتنرفزنهم اذا تاخرتي
  2. @hllo_kyty

    ياقلبي معليش الصلح خير روحي وانبسطي هذولي عمات ولدك واقبلي بصلحهم ورجعتهم بس خليك سطحية يعني كلامك معاهم يكون عادي من غير عتب وزعل ولاتدخلي في خصوصياتهم ولا يدخلوا في خصوصياتك
  3. @alnkyh

    صاحبة الموضوع
    انا بصير في البدايه رسميه وبشوف تصرفاتهم معي اذا اوكي والا لا والله يعننا بس

تابعي تجارب أخرى من هذا القسم.