بشتري فرن كهرباء ..عطوني نصايحكم الله يجزاكم خير

فيه الفرن الكهرباء اللي من فوق مثل سطح الزجاج وعيونه غير ظاهره ..

وفيه الفرن ابو عيون حلزونية وهذا مشكلته في الصيانة وتغيير العيون كل فترة ..عانيت منه كثير وخسرني بلحيل



ومادري كان فيه شي ثالث ..!!!


أبي نصيحتكم علما بأني راعية عزايم ومناسبات وطبخ ونفخ ..وأفران الغاز فيني عقده منها ما أحبها فلا تقولون لي غاز ..


تكفوووووووووووووووون لا تردوني لاني بشتريه هالاسبوع إن شاء الله ..

15 تعليق 3,430 مشاهدة

شاركي في النقاش

سجلي الدخول لإضافة تعليق.

التعليقات

15
  1. @rmada_8

    فرن السيراميك ممتاز بس لازم يكون عندك فرن غاز للمناسبات لو ابو عينين الصغير لان الكهرب للعزايم مايجمل
  2. طيب ليش ما تاخذين مثل فرني ... عيونه اللي فوق غاز والفرن من الداخل كهرباء ... صراحه حلو وميزته انه سريع في الطبخ على العيون لأنه غاز والفرن كهرباء اذا انتي مثلي تخافين من الغاز .

    فرني لاجرمانيا ايطالي سعره 2900 ريال
  3. @ghrb_alohdh

    صاحبة الموضوع
    رمادا 8
    فرن السيراميك ممتاز بس لازم يكون عندك فرن غاز للمناسبات لو ابو عينين الصغير لان الكهرب للعزايم مايجمل
    تقصدين بالسراميك اللي عيونه ما تبين فقط احمرار خارجي وكأنه زجاج ؟

    كانه هو فأرجو أن توضحي لي هل هالفرن عملي ؟ يعني يطبخ الرز زين ؟ وهل يتأثر لو جاه مويه وهو حار لأني ما أضمن الشغالة تعرفينهم ما يهمهم ...

    شكر الله لك على اهتمامك وجزاك كل الخير غاليتي .
  4. @ghrb_alohdh

    صاحبة الموضوع
    جنوبية وبس
    طيب ليش ما تاخذين مثل فرني ... عيونه اللي فوق غاز والفرن من الداخل كهرباء ... صراحه حلو وميزته انه سريع في الطبخ على العيون لأنه غاز والفرن كهرباء اذا انتي مثلي تخافين من الغاز . فرني لاجرمانيا ايطالي سعره 2900 ريال
    والله اني مادري يا خيتي ..أنا بلحيل معقدة من الغاز بجميع استخداماته ولا يمكن اني اولعه .يعني لو يجي يوم ما عندي شغاله من بيولعه لي ؟؟ بتوهق

    ترى خوفي من الغاز فوبيا مهوب خوف عادي لأني مريت بموقف ..


    بارك الله فيك على معلوماتك القيمة ونصحك والله يقر عينك بما تحبين يارب العالمين .
  5. @new_live

    انا عندي الكهربائي اللي مسطح كانها زجاج

    الحمدلله مرتاحة عليه بس مشكلته انه الشوايه مايولع لتحت لحاله لازم فوق وتحت او فوق لحاله

    بس فرن اهلي احلى كل شي يشتغل لحاله او سواء

تابعي تجارب أخرى من هذا القسم.