يازوجات الاغنياء اضيفو خبرتكم وزوجات اللي على قد حالهم تعالو

قد يحتوي هذا الموضوع على محتوى غير مناسب. عرض الموضوع
السلام عليكم
اليوم جارتي جت عندي وقاعده تبكي وقطعت قلبي
وقالت نصيحه نصيحه اذا عندك اخت باقي ماتزوجت انصحيها ماتدور المظاهر والمنصب شوفي حالي الحين :44:..
وقالت انها طول عمرها مدلله عند اهلها :27:وعززو افيها صفة الغرور لانها ماشاالله حلوه مره وكان ولد عمها يحبها ويبغاها بس كان جندي وهي ماتتنازل له وقعد يخطبها سنوات وهي رافضه وماتبغى الامنصب
وبعدين جت جارتهم وولدها دكتور وكان وسيم وهااااااااااااااادي ومؤدب :arb:واغرمت فيه وابوها حط عينه عليه لان ابوها نفس الشي يحب المظاهر
والمهم صار اللي في بالها وتزوجته وتقول كنت بطيييييير من الفرح انا تزوجت دكتور وماحد قدي
حتى امي تتفاخر فيه قدام الحريم
وااول زواجي كنت مبسوطه لاني سافرت ولكن بعد شهور بدا الملل يدخل حياتي
كان اغلب وقته برا البيت واذا جا يكون تعبان ويبغى ينام وتحلف انه حياتها صارت كلها نوم وخصوصا بعد ماتخرجت من الجامعه لانه يافي الدوام يا نايم ياعند اهله ولا نطلع ولا نجي مع بعض الا نادرا
وفوق هذا طلع مو كريم يعني الحمدلله عايشه بس مو كأني زوجة دكتور حتى الزواجات يمنعني عشان ما اطفشه بالكوافيره والفستان وانا اتعذر عند الحريم واقول يخاف علي من العين لاني قبل الزواج كنت احب الزواجات وبعده اختفيت عن الانظار وصرت اكذب على الحريم واقول زوجي اليوم يسولف علي الى الفجر ويحبني ونلعب سوا وانا اصلا اتمنى بس من النقص اخاف الناس تلاحظ وتحلف وتقول جمالي مافادني شي لانه وين ووين يجلس معها وحتى بالعلاقات الحميميه صار يقصر معها بسبب عمله وفوق هذا كله لماتتعب مايوديها الا مستشفيات حكوميه
وهذا غير الممرضات والدكتورات اللي يتصلون عليه بعذر العمل وهي مسكينه تموت قهرر :icon33:ودايم مشاكل عشان هالموضوع ..
الزبده تنصح جارتي البنات لاتنغروون ورا المناصب وتقول لو جاكي الرجل الطيب اللي يحبك لا ترفضيه عشان ماعنده فلوس مثل ماصار معها بحيث انها تشوف زوجة ولد عمها مبسوطه وموناقصها شي حتى الشغاله جايبلها وماعندها عيال وهو جندي ومابقت مكان الا وراحتله سبحان الله .
اخيرا ارجو من اخواتي التفاعل وذكر تجاربهم للفائده

63 تعليق 8,266 مشاهدة

شاركي في النقاش

سجلي الدخول لإضافة تعليق.

التعليقات

60
  1. ماشاء الله
    احيان الجمل يكون عذاب للبنت
    والجري وراء المظاهر يعمي الشخص عن رؤية عيوب الاخرين
    الله يعينها هذا نصيبها ولازم ترضى وتحاول تغير في حياتها وتجدد من الروتين اليومي
  2. @almtsamh_1430

    انا تزوجت زوجي مو قصد طمعانه فيه بس استخرت وارتحت
    هو مدرس بس بنفس الوقت رجل أعمال
    بس والله اني ماودي انه كذا دايما مسافر وحتى بالبيت بس تفكيره بشغله ومناقصاته
    يازين ماشاء الله اللي تاخذ رجال من وظيفته لبيته ويتونس ويطلع مع حرمته وعياله
    بالامطار والجو الحلو كل خواتي يطلعن ماشاء الله مع رجالهن يتمشون الا انا والله مايعرف هالشي ربي يسخره لنا ويصلح مابينا
  3. اي والله واذاكان عنده فلوس تلقينه متوحش لاتلمسين منها ريال
    بس يبغا فلوسه تزيد وبس شح على بخل

    يازين الي قلبه مافيه ابيض منه ولا اصدق منه مشاعر وحنان
    لو كان سكورتي ولا حارس امن تلقين بس همه هالزوجه كيف
    يسعدها ويحافظ عليها

تابعي تجارب أخرى من هذا القسم.