ملف طبخات اجنبية مترجمة الى العربية بالصور - المشاركة متاحة للجميع لتعم الفائدة
السلام عليكم ورحمة الله و بركاته عزيزاتي ,,
في البداية احب اشكر ومن كل قلبي جميع البنات الرائعات صاحبات الطبخات في قسم الطبخ , اللي استفدت منهم كثيييير و ايضا اشيد بمجهوداتهم المميزة في الوصف و التصوير و التعب علشان بس يفيدون بقية البنات ,, و اقول لهم ربي يجزاكم عني و عن كل من استفادت من طبخاتكم كل خير ويارب يسلم ايدين كل وحدة تشاركنا في عالمنا الجميل بطبخاتها و افكارها المميزة ,, امييين
اما بالنسبة لهذا الملف ففكرته حلوة و خفيفة و مفيدة ان شاء الله .. اللي هي : نأخذ من مواقع اجنبية طبخات و نترجمهم الى العربية و نقتبس الصور منهم , او ممكن نعملها حنا و نصورها و نترجمها للعربية و نحط رابط الموقع الاجنبي للامانه ,, الفكرة حلوة ليش ؟؟!! اكيد راح تسألون ايش اللي يخليها فكرة حلوة ..
اولا : الفكرة راح تضيف اطباق جديدة في عالمنا عالم حواء بعيدا عن التكرار و الاطباق التقليدية اللي كلنا نعرفها .
ثانيا : راح ان شاء الله يكون فيه تطبيقات جديدة مبتكرة من العضوات الحلوات اللي دائما يتحفونا بنفس الاطباق لكن عليها اضافات رائعه .. يعني انا و كل بنت بتشارك في الملف راح ننزل طريقة عمل الاطباق الاجنبية مترجمة و بلصور ,, و البنات المميزات لما يطبقون الطريقه راح ينزلونها لنا بلمساتهم الرائعه اللي اكيد راح تعطي الطبق طابع شرقي و مميز .
ثالثا : الخطوة هذي راح تفتح لنا افاق جديدة في عالم الطبخ و ان شاء الله كلنا نستفيد منها و نضيفها لقواميسنا المطبخية ..
رابعا : التجديد شي رائع خصوصا في الطبخ , لانه الوحدة لو استمرت تطبخ على نفس المنوال و تكرر نفس الاطباق راح تمل هي و كل اللي حولينها راح يملووون بعد .. فيا الله يا حلوات نجدد شوي و نوسع كتب الطبخ الخاصة فينا و ندمج فيها الشرقي و الغربي , الاسيوي و الافريقي , الاوروبي و الامريكي و كل ما طاب من الاكل و الشراب في حدود تعاليم ديننا الحنيف ...
رابعا :
اقص عليكم ما فيه رابعا خخخخخخ :hahaha: يكفي ثلاث :35:
اتمنى في نهاية هذرتي و قبل ما ابدأ انه هذا الملف يكون ملف متكامل يشاركوني فيه الاخوات الرائعات و ما يكون ملف يمتلئ بيسلموا او الله يعطيك الف عافيه .. ابي البنات اللي عندهم لغات يشاركونا في الترجمة جزاهم الله كل خير علشان الكل يستفيدون من الملف و يرجعون له مرة و مرتين و ثلاث ..
ايضا لا انسى ان اقول اي وحدة تستفيد او يعجبها الملف او الفكرة تدعي لي دعوة حلو في ظهر الغيب , و تدعي لكل البنات اللي راح يشاركونا و يفيدوننا جميعا ,,
ولو تكرمتوا يالغاليات اللي عندها استفسار تسأل و اللي عندها بس شكر تضغط على شكرا ربي يسلم ايدينها , علشان الملف يكون متاح للطبخات المترجمة و ما يكون مليان شكر و ثناء ,, و اللي تبي تشكر و ما تبي تضغط شكرا تدعي لي في ظهر الغيب و ربي انها افضل من مليون شكرا حبيبات قلبي انتوا ...
يالله بسم الله نبدأ :
لو تكرمتوا لا احد يرد ...
