قصيده *** يازمان الحزن *** لشيخنا جابر الصباح ** رحمه الله **
هذه قصيده كتبها زوجي لشيخنا جابر الصباح ** رحمه الله **
شفت نعشه و عيني تمطر
والكل منا شايله بإيده
****
أشوف قبره و الناس تحفر
قلت ربي ما تعيده؟
****
عيت إيدي عليك تنثر
لو حبت تراب وحيده
***
منه منا ما يتأثر
بشيخ(ن) أخلاقه فريده
***
الحزن في القلب تفجر
وارسل أنهار(ن) بعيده
***
ماقدر أوفي لشيخنا ماقدر
لوقصدت لسنين عديده
****
حق جابر علينا أكبر
إدعو ياناس باللي يفيده
****
هذا مكتوب علينا ومقدر
نرضى فيه و لو ما نريده
****
ذكرياتك بقلوبنا تسطر
للوطن أحلى نشيده
****
يازمان الحزن إدبر
نسأل الله ما يعيده
****
واللي يحب جابر بيصبر
من أجل كويت(ن) جديده
****
راح نذكر ونبقى نذكر
كل لحظاتك السعيده
****
بارك الله بكل من عبر
والا أثنى على القصيده
****
وللشعر!إسموحلي اباقصر
هيض علي هموم جديده
****
وصلوا على منه بشر
رسالة ربه لكل عبيده