انا توي عروس وام زوجي تقول عني عجوز جن \تم دمج موضوعين في موضوعك

السلام عليكم


انا استعرت المعرف من قريبتي عشان اكتب مشكلتي

انا كبيرة بالعمر الصراحة والحمدلله تزوجت من حوالي الشهر وسكنت فوق اهل زوجي بشقة وتحت امه واخته ومن دخلت عليهم وانا تعاملي معهم مثل العسل واحسن كلام واحب راس امه وايدها والرجال ماعليه من ناحية الدين والخلق
ومسكتني اخته ادعت انها ارتاحت لي وجلست تحش بزوجي وتقولي مااخذتي الا هو وفيه ومالا فيه روعتني من الرجال وتحتقره عندي وتقولي اذا علمتي مااسامحك وتجلس تسبه عندي لما تطير عيوني من الخوف وتقولي ودك تصيحين روحي صيحي وبعد الزواج لقيته يدخن تقولي انتم تزوجون المدخنين ؟ قلت لا قالت اجل وراه ؟ تقصد ليش نزوج اخوها قلت لها بس مادرينا وكلاااام كثير يروع وتخيلو وحدة توها داخلة وتسمع مثل هالكلام
والام همها اسليها هي وبنتها تبيني انزل لها على طول وعادي اترك شغل البيت يعني يبوني توسعة صدر ويرمون علي من الكلام اللي كنه السم بيوم مسوية للام خبزة وسويت شاهي ونزلتها لهم وتقول البنت لامها يمه شاهيها زين تقول الام تراها عجوز جن تقصدني انا والام باول اسبوع عطتني تخيلو قميص البسه فوق وبنتها الكبيرة بنتها بالجامعة تلبس بجامة وانا معطيتني قميص وتقولي مالك على ولدي الا ثوب القطن وملي البطن كني عبدة داخلة عليهم والبنت كل ماشافت علي شي تخيلو عروس وابلبس تقولي بكم ؟ واذا قلت سعره قالت غااااااااااالي شافت علي شبشب معطتني اياه امي قالت شكلك تحبين السوق تخيلو وطول الوقت الام والبنت يتفطنون ويتنحبون على اقل شي صرت اخاف منهم ويستكثرون علي اي شي واذا قالت تمسون على خير ابرقى قالو بترقين ليش ؟ اذا قلت شغل قالت وش شغله ؟واذا رقيت ترسلي البنت تقول امي تقول تبي حبيب القلب يبوني اقعد لهم اسليهم ماارقى من عندهم الا ميتة من القهر وفيني صيحة عظيمة ويقلبون نفسيتي على زوجي ويحطموني
وانا ساكته وصابرة وش اسوي مابيدي حيلة اخر شي صرت اتحسب على البنت من القهروالبنت تراقبني بطلعاتي ومن قوتها تقولي غريبة جيبتي من اهلك ولا مريتي تسلمين وتخيلو مهري 20 الف بس ومافيه ذهب ماعطانا شي غيرها والبنت تقولي خلصتي المهر كله ؟؟قلت ايه قالت عطيتي امك ؟ تخيلو تحاسبني وتخيلو تبارك لي بالحمل تحاول تطلع مني كاني حامل وساكته
انا احس نفسي ابنفجر منهم وش السواة تكفون

وانا ابي ابتعد عنهم بس بالهداوة ماابي مشاكل معهم