انا من امس مقهورة علموني وش غلطت فيه؟
مراحب بنات كيفكم ابدخل في الموضوع العاده الخميس اروح بيت اهلي كنت متوقعه ان زوجات اخواني بيجون فشخصت ولبست بوت له كعب وانا عندي عباتين وحده للسوق ووحده للمناسبات قلت البنتي ابلبس هذي حقت السوق يمكن نطلع قال زوجي ماشاءالله لابسه كعب وبتطلعين قلت وش فيها كل الحريم يلبسون كعب والكعب الي لابسته المربع وركبنا السياره وطول الطريق متوتر قلت ابهديه قلت حنا لنا سنين متزوجين وانت عارفني مااروح مكان عام مشخصه اكيد ابمسح مكياجي واغير الجزمه بمريحه من امي رحت البيت اهلي وماجا احد قالت امي خل نطلع زهقانه اتصلت عليه قال بتاخذين عيالك قلت ايه قال يوووه دامك بتطلعين كان خليتيهم في البيت قلت ليش بيت اهلي فيه خالتهم وخوالهم احسن وانا اصلا باخذهم العبهم ونتعشا تمشيه قال يوووه زحمه قلت معي امي والشغاله يوم جيت ابطلع دخلو عيال اختي قلنا خلاص بنخلي البزران يلعبون وناخذ بنت اختي الكبيرة ونروح واتصلت عليه قال يووه اخاف يجيهم شي قلت اخواني واختي عمرها خمسين فيه ماراح يجيهم شي وارسل لي وانا في السوق رجعتي قلت في الطريق المهم جا في الساعه ثلاث اخذنا وقام يهاوش كله ليش لابسه كعب وانا مفكره ممكن اطلع قلت له انا اخذت جزمة امي ومسحت مكياجي واذا منت مصدق اسال الشغاله وجلس يهاوش قلت انا وش غلطت فيه قال اذا بغيتي تروحين سوق خلي عيالي في البيت وروحي قلت بيتنا وبيت اهلي واحد وفيه اخواني واختي والشغاله وعيال اختي والتلفون عندهم قام يهاوش علي ووصلنا البيت واخذ ملابسه وطلع نام برا علموني وش غلطت فيه ؟