شاركي في النقاش

سجلي الدخول لإضافة تعليق.

التعليقات

2,128
  1. سلام عليكم

    جمعه مباركه عالجميع يارب

    كيفكم ياحلوات اخباركم ان شاءالله الكل بخير وصحه وعافيه يارب

    يومياتي اليوم ان شاءالله

    شوي زيت سمسم عالفروه شي بسيييط+ واطراف الشعر تونيك فازلين (( يعتبر هاليوم راحه يعني ماحاخذ دش فيه ))

    نجي للمعروضنا لليوم ^_^

    كسرونه

    سلامك وصل الله يسلم قلبك يارب من كل شر حبيتبي
    وتلقين خير ياعسل
    والله ماعندي فكره عن افضل الاعشاب يلي تنظاف مع السدر بس ان شاءالله الحلوات يكونو افادوك
    وانتي شعرك تساقط مثلي بسبة موية البصل والثوم
    وحلووه كثير الاعشاب يلي بتاخذينها من عند العطار الله يكتب لك فيها الخير ياقمر عجبتني كثييير
    وبانتظار برنامجك الجديد على احر من الجمرررر
    وحلوه فكرت انه تحطين الزعتر ببخاخ اشوف انه احلى من انك تشطفين فيه شعرك والخيار طبعا لك ياقلبي

    ========================================

    اموره == اميره بكلمتي

    ماشاءالله تبارك الله حلوه خلطة السدر تبعتك شكلي بجربها قريب باذن الله
    والله يستر ع ليك ياقلبي وين ماتكونين ياقمر ويفرج همك يارب ويوسع صدرك ويرزقك ويسعدك وين ماتكونين يااااااااارب
    ========================================

    فزفز

    هههههههههههههه يافرحه ماتمت =(
    الله يعينك كان انتبهتي بعد للتاريخ انتي ,, يالله مو مشكه خيره لك

    انا عندي نفس الزيت يلي من صانسيلك بس لون الغطا تبعه اورنجي
    مكتوب عليه تجديد الشعر التالف

    ========================================

    ام الوسيم

    مساء النور قلبووو
    والحمدالله متحمسين لشعورنا عسى ربي يرزقنا الشعور الحلوه الي نتمناها يارب ^_^
    وتسلميييييين عالنصيحه حياتي
    ياربي الله يستر ان شاءالله ربي بيكون معنا بنتوكل على الله ونسويها
    بعدين حنا مو رجيمات ورا بعض لا بيكون فيه يوم مفتوح بنهاية كل اسبوع يعني ماراح نحرم نفسنا من كل شي بالعكس راح ناكل اشياء مفيده + فيتامينات

    وتسلمين والله ماقصرتي فديت قلبك ياقلبووو
    واكيد الدكتور يلي قلتي عنه بجدة صح ؟

    ========================================

    منوووله

    هلا والله مرحبا فيك ياعسل
    وكلنا الله يعين نعاني من التساقط والتقصف
    شوفي انا ببتدي من بكره ان شاءالله بإذن الله استخدم باراشوت ثيرابي لانه يقلل نسبة التساقط فيه بنات استخدموه ونفع معهم بس الله يعينك عالريحه تصرررع الميت ههههههه
    وش رايك تبتدين معي من بكره ^_*
    فيه بعد خلطة هاجريه كول تكثف الشعر بس انا للأمانه ماناسبتني لانه فيها موية بصل وثوم هي يلي ماناسبتني
    اممم
    استخدمي خلطة سمن شوكه وملعقه حلوه تنعم الشعر
    وكل نهاية اسبوع اسدحي لنا هنا جدولك يلي راح تستمرين عليه
    والزيوت يلي راح تستخدمينها فيه + الخلطات
    وان شاءالله راح تتحمسين ويانا كثيييير صدقيني
    والله يوفقك ياقمر واي شي ودك فيه حنا بالخدمه حبيبتي والبنات ماراح يقصرو معك ابدا
    وحبيبتي قريت ردك على مكسرات انك ماتحطي على شعرك غير كريم صانسيلك بالحنا ؟لازم تستخدمي على شعرك خلطات وزيوت اجل كيف ودك يوقف تساقط ويطول ويروح التقصف ؟

    ========================================

    اميرة زماني

    يامراحب ياعسل
    حنا بخير ياقلبو انتي اخبارك حبيبتي ^_^
    واكييد نقبلك ياعسل
    واذا تبين شعرك يطول اذا انه مره اطراف شعرك مقصصصفه كثييير قصيها وابدي اهتمام معنا وان شاءالله راح تشوفين نتايج مرضيه
    استخدمي دابر املا حلو لتطويل الشعر
    واستخدمي السدر بجميع خلطاتك
    استخدمي خلطة سمن شوكه وملعقه تطول وتنعممم الشعر مره
    استخدمي خلطة هاجريه كول للتكثيف بس انا ماناسبتني لانه فيها موية بصل وثوم
    استخدمي زيوت مثل السمسم والنارجين حلوه للشعر
    واطرحي لنا جدولك يلي راح تستمرين عليه خلال الاسبوع
    يعني السبت وش حتستخدمي الاحد وش حتستخدمي وزي كذا

    وان شاءلله يارب تطلعين من عندنا بنتايج كثير مرضيه حبيبتي
    وان شاءالله البنات ماحيقصرو معاك وحيفيدوك عن الأملج ياقلبي
    والله يعينك عالسشوار عاد هذا شر لابد منه >< انا مسشوره شعري البارح واحس بتأنيب ضمير وشكلي بستخدم السشوار بكثره خلال هالاسبوعين الجايه >< الله يعييييييين بس
    بس انصحك بخلطة سمن شوكه وملعقه اذا ودك شعرك يطول ترى تطول الشعر هالخلطه

    ========================================

    رووح حواء

    ياقلبي انتي
    انتي روح المنتدى بشكل عام وروح التجمع بشكل خاص ^_*
    يعني كيف مانفقدك
    والله العتب عالذاكره ولا كل يلي غابو ببالنا والله ومثل ماكتبت ستارز لك انه الصفحات تمشي ويمكن مااحد ينتبه وانتى ماشاء الله عليك دايم متواجد بردودك ومساعدتك للبنات

    وفديتك لاتزعلي عمرك ولا شي حبيبتي
    والف سلااااااااااااامه عليك ان شاءالله ماتشوفين شر ياقلبي وان شاءالله تروح هالبكتريا يلي جتك للأبد ياقلبي
    وبجد بجد بجد الف سلامه عليك والحمدالله على سلامتك
    طيب طمنيني كيفك الحين ان شاءالله طيبه ؟؟؟
    واذا الخلطات تتعبك وقفي اهتمام بشعرك الحين اهم شي صحتك حبيبتي وان شاءالله ماقدامك غير العافيه يارب

    ========================================

    ستارز

    هلا وغلا منووووره قلبوووو
    وعذرك معك حبيبتي الله يستر عليك وين ماتكوني حبي
    وماشاءالله تبارك الله الله يبارك لك في جدولك الجديد يااارب

    ========================================

    دمعة عمررر

    اذا مالاحظتي تساقط عادي خليه 9 ساعات مثل ماانتي
    لكن اذا لاحظتي تساقط قللي عدد الساعات وخليها اربع كحد اقصى

    والحنا انتبهي لاتحني دامك صابغه شعرك
    بس اهتمي فيه سوي خلطات تنعيم وزيتيه
    استخدمي السدر حلووو كثير بس طبعا قبل ماتستخدميه غرقي شعرك زيت بعدين حطيه عشان شعرك ماينشف
    وشوفي خلطات البنات هنا وطبقيها على شعرك والله يوفقك يارب
    وان شاءالله منوله تكون افادتك فديتها ههههههه ضحكتني لما تقول متغمطله بالبطانيه خخخخخخ
    بالعكس السدر حلو للشعر واذا تركتيه مايساقط الشعر ؟؟ وانتي مثلي ما اتوب من الصبغات بس الحين قررت ابعد عنها ان شاءالله ثلاث سنوات

    =========================================

    همي رضى امي
    بالتووفيق ياقلبي
    وطمنينا كيف تريسمي معك ان شاءالله نفع شعراتك الحلوين ^_^

    ========================================

    بنت البحرين === فاتي الحلوه

    ودك بزيت صانسيلك الاورنجي ^_^
    انا عندي
    اجيب لك واحد
    ترا جايه البحرين اذا تبين بجيب لك واحد معي

    ========================================

    لولو

    كيفك حبيبتي
    زيت صانسيلك الاورنجي شفت وحده منزله موضوع عنه انه ينعمم الشعر كثير
    والشعير والله ماعندي اي فكره عنه ياقلبووو

    ========================================

    شذاوي

    هلا حبي وحشتينا ياعسل
    الله يعينك واذا بتشرف ارتاحي ياعسل وخلي الخلطات والزيوت لبعدين ^_^
    وعجبتني كثير خلطة الفواكه يلي كتبتيها لـ دمعة عمر بجد شكلها رهيب
    والله يبارك لك بالخلطه يلي شعراتك ^_^

    ========================================
  2. صاحبة الموضوع
    السلام عليكم

    اليوم عندي راحه

    مهاوي ننتظر اغراضك

    سبحان الله وبحمده...سبحان الله العظيم

تابعي تجارب أخرى من هذا القسم.