كيف أعيش حياتي ..أحس إني مقيدة

السلام عليكم ورحمة الله وبركاته

كيفكم حبيبات قلبي ياحوائيات
انا متابعة منتدانا الغالي وهادا أول موضوع لي
ومحتاجة مشورتكم

انا مطلقة وعندي بنت ..أعيش في بيت وحيدة أنا وبنتي علما إني غريبة في بلد مالي فيه أحد
وماعندي سواق أغراض البيت أروح مشي مسافة بعيدة علشان اشتري مقاضي البيت خاصة للأكل
ولو احتجت ملابس لبنتي اروح أمشي لمكان يبعد عني مشي تقريبا ساعة
وطبعا أروح أمشي مع بنتي المسكينة "والله اني أخاف تكرهني من كثر ماعذبتها معي "
ومو موظفة ولا أعرف جاراتي ولاعمري زرتهم لأني أول ماسكنت ماشفت أحد منهم
ولا حاولت اتعرف عليهم لأني أخاف إنهم مايحبوا يحتكوا بالناس الأغراب

حياتي في البيت كئييييييييييييييييييييبة انا وبنتي
ننام بالنهار ونسهر بالليل " لأنها بالنهار تطلب الشارع وتبغى تخرج وأنا مالي خلق للخرجة وأتضايق لما أخرج للضرورة أما في الليل اقتنعت ان الناس نايمين "
والحمد لله انا ملتزمة ومتقيدة بشرع الله في كل شيء "وهذا أحد أسباب طلاقي "وحافظة القرآن لكني مو قادرة أراجع
حاولت ادخل دار تحفيظ ماقدرت أكمل أحس بضيقة وكتمة لما أخرج من الدار وما أحب أرجع لها
غير كذا بنتي تخاف من الناس والمسافة بعيدة عليها

الحمد لله كوني مطلقة مو مأثر في نفسيتي لأني ماصدقت أتخلص من طليقي الظالم .. مع انه مستمر في ظلمه لبنته لايسأل عنها ولايرسل لها مصروف ولا كأنها انخلقت أصلا



أبغى نصيحتكم حبيباتي
نفسي أعيش حياة طبيعية زي مالناس عايشين
كيف تكون حياتي سوية ونفسيتي طيبة

شاكرة لكل من يدخل موضوعي ويرد بنصيحة أو دعوة من القلب .. ورب الكعبة محتاجة لدعواتكم .

21 تعليق 4,467 مشاهدة

شاركي في النقاش

سجلي الدخول لإضافة تعليق.

التعليقات

21
  1. الله يفرج همك يارب حاولى تدورين لك وظيفه


    ولو قدرتى تحفظين قرآن للبنات خاصه انك حافظه


    زوري جاراتك وقولى لهم انك تقدري تدرسي بناتهم لو يحبون


    وادعي الله ييسر امرك ويفرج عليك يارب ويسر امرك
  2. @ghamdyh_oalfkhr_lyh

    الله يفرج عليك حبيبتي بس والله خفت عليك كيف عايشه انتي وبنتك لحالكم والله الدنيا مافيها امان انا اقول تعرفي على جيرانك ويمكن تلاقيهم زي اخواتك واكثر وبيصيروا يساعدوك ويوقفوا معاك اذا ماعندك اهل وعلى الاقل عشان بنتك تصير تختلط مع عيال الجيران مسكينه ووحيده الله يعينك ويصبرك يارب
  3. @am_alkhyr123

    في رايي الحل هو العلاقه مع الجيران
    ثم تنظيم اليوم بحيث يكون لكم يوم ترفيهي للخروج والتنزه من العصر للعشاء
    وكمان ممكن تدرسي بنات الجيران قران بحيث تستفيدي وتستفيد بنتك من الاختلاط بالاطفال
    س- كم عمر بنتك
  4. @dnya_klha_alm

    غامديه والفخر ليه
    الله يفرج عليك حبيبتي بس والله خفت عليك كيف عايشه انتي وبنتك لحالكم والله الدنيا مافيها امان انا اقول تعرفي على جيرانك ويمكن تلاقيهم زي اخواتك واكثر وبيصيروا يساعدوك ويوقفوا معاك اذا ماعندك اهل وعلى الاقل عشان بنتك تصير تختلط مع عيال الجير…

تابعي تجارب أخرى من هذا القسم.