السلام عليكم
المعرف مو لي واشكر صاحبة المعرف على فتح المجال لي لاكتب مشكلتي
انا امرأه مطلقه عمري 32 سنه وعندي اخوات اربع ثنتين متزوجات وثنتين لا
وتقدم لي ولد خالي شاب لم يسبق له الزواج
وانا طبعا وافقت
لكن قالت امي احسه يناسب اختك فلانه قصدها اختي اللي بالجامعه
وقالت هي مناسبه لسنه وماسبق لها الزواج
مع انه اكبر مني بثلاث سنوات واختارني انا لاني يقول يحبني من زمان وانا توني اعرف الحين
وانقهررررررررررت من كلام امي كانها حاسدتني على السعاده
عاد مو من زين العيشه في بيت اهلي كلها اهانات وتجريح
تكفووون علموني وش اسوي
وشي ثاني اختي اللي بالجامعه زعلااانه ومتغيره علي ومدري وش السبب
اليوم كلمتها وطالعتني بنظرة استحقار وماردت علي وراحت
تكفون وش السواة معهم
شاركي في النقاش
سجلي الدخول لإضافة تعليق.
التعليقات
67- الله يهديك مايجوز تقولين عن امك حاسدتك
مافي ام تحسد بنتها او تستكثر عليها
طالما خاطبك انتي خلاص توكلوا على الله مو معقوله امك بتروح لولد خالك وتقول اخطب بنتي الثانيه
اسمعي وطنشي وتأكدي مافي ام تحسد بنتها ابد هذي ام مهما صار
واختك معليش طنشيها انتي اكبر واعقل منها ولاتكبرين هالامور تراها توافه
- ولا شئ دامك ما غلطتي ابدا لا تضعفين , واسمعيها منى فرصتك لا تخلينها لو لعز عزيز محد ينفعك !
المشاركة المقتبسة غير متاحة.
هو طلبني انا والله
وامه قالت لي بنفسها انه يبيني من قبل لا اتزوج واتطلق
وحددوا موعد للملكه وانا فرحت لكن امي خربت علي وماخلت فرحتي تكتمل :44:- الله يفرج همك وييسر أمرك ويسخرلك أمك يارب
- شوفي كلامك مو صحيح وانا والله اعلم كاني فهمت انه اختك كانت حاطة عينها على ولد خالتك وامك كانت موافقة وتبيه لها ولانك تطلقت واخذت فرصتك تبيه لها .... هذا تفكير ام ! بس خطبك انت ويبيك انتي ! هع بس افرحي ولا عليك لا من اختك ولا من امك ! بس مو تروحين تسوين اشيا مالها داعي حبي راس امك وقولي لها انه موقفك انت اصعب من موقف اختك لانك مطلقة والانظار عليك ! وتعرفين انه يوم تكون المراة لها بيتها الخاص وحياتها وفجئة تنحرم من كل شي وترجع لبيت اهلها ! واختك خليها على راحتها وقدمي لها هدية وقولي لها انا احبك ماخذت شي لك هذا رزقي من الله ! وانتي بتاخذين رزقك ! لا تزعل ولا تنقهر ! ولا عاد تكتبين عنوان كبير كذا لانه عيب مافي ام تحسد بنتها الام تفرح لابناتها وكلهم سواسية عندها ! الله يستر عليك خلي امك تدعي لك !
مواضيع مشابهة
تابعي تجارب أخرى من هذا القسم.