اااااااه جرحني في عز فرحي .. قالي لي احب غيرك في يوم ملكتي وفرحة كل بنت

الله يكوووووووون بعونك
ربي يفرج همك وينولك اللي خاطرك يارب

الله يفرج همك

ويكتب لك اللي فيه خير لك ولسعادتك

:(

شوفي حبيبتي انا ماراح اقولك اطلبي الطلاق او اقعدي ابكي ومن هالكلام الفاشل

انتي الحين انحطيتي بموقف والموقف ذا بيثبتله إنك حكيمة شلوووون ؟؟؟

حطي عقلك براسك .... كيف المراه تسترد قلب رجل من مراه ثانيه

حطيه تحدي بالنسبة لك

اتوقع انه ماراح يكلمك بعذره انه مغصوب او مجبور عليك امممم

تدرين وش تسوين اسفهيه

اسفهيييييييي ابوه طيعيني وقسم توصلين للطريق الصح

واحد من جماعتنا تقول عنه اخته يموت من الصياح بالليل يبي حبيبته

وابوه رافض انه يتزوجها لانهم راحوا مره وردوهم لان البنت انخطبت

فححححححححط يكلمها وتكلمه الزبببببده

اهله راحو واخطبوا له وحده مايعرفها ابدا

تخيلوا حتى يوم الملكة قال ماابي اشوفها

وسفها ولا كلمها ولا قال ابغى اشوفها

تظنين هي مااعرفت الديره كلها تعرف

لكن المراه ذكيه

ماشافها الا يوم العرس

والله على كلام اخت الرجال تقول انه حتى يوم العرس قلبه يتقطع على حبيبته

وسبحان مغير الأحوال

ذيك العبت بمخه

وشسوت زي ماتسوي كل مراه لزوجها

ياانها تدهر لها بشكل مو صاحي

تقول وربي اشوفه اول الايام يطنشها

وهي كلماتها على آمرك ... الي تبيه ابو فلان ... عيوني لك

مايطلع منها إلا الكلمات الحلوه والرقيقة

قسم لو اقولك حالهم اليوم انك تحطين يدك على راسك

يحبها حبببببببببببببببببب مو طبيعي اخته تقول وربي انا اوديه رسايله وانا ادبر المواعيد

واشوفهم شلون يحبون بعض ماتخيلت بيوم من الايام انه يحب مرته

تقول كنت اظن ان الرجال يحب مره وحده بس لكن قسم ان المعاملة الزينه والطيبه والدلال

تغييييييييييييييير الرجال حتى لو حجر تخليه يتعلق بمرته

والله انهم سفرات وروحات وجيات لدرجة لو تطلب لبن العصفور يعطيها

وربي ماجبت كلام من عندي وكله شوف عيني مو كلام حريم

حبيبتي انتي الحين خذي دروس مكثفه بالزواج وكل شي عنه

افهمي كل شي واعرفي كل شي

وتعلمي الصمت والتفكير قبل كل حركة

دورك الحين كيف تخططين لسحب زوجك لصفك وتخلينه ينساها ولنقول مؤقتاً

لين ماربي يستجيب لدعائك وينساها نهائياً

و ودي إذا أنتي محتاجه مساعده لا تترددين وترسلين لي :)

والله يسخرلك زوجك ويسخرك له اللهم آمين :)

تدرين ذكرتيني بقصة خالد وقمر الي بالنت بس هي أفضع منك شوي

أختك