في أحد مثل جاراتي

بصراحه هم اللحين ماعادو جاراتي بس كنا جارات وتفرقنا

بس بفضل الله لنا جمعه كل اسبوعين في الحديقه او في بيت وحده
الله يبارك لنا ولايغير علينا
ولاني ارتاح اكثر اذا احد جاني اكثر من اني اروح عند احد(ما أدري ليه)بس صارت كل الجمعات عندي.عشان البرد مافي حديقه
وعاد امس الربوع جو كلهم هم وشغالاتهم وبما اني الوحيده اللى ماعندها شغاله كل وحده مسكت شغالتها شي تسويه اللى الكوى واللى الحمامات واللى المطبخ وما خرجو الا والبيت نظيف الله يسعدهم
ويباركلي فيهم
المشكله اني دايم اعطي شغالاتهم فلوس 10-15-عشان رفعو المطبخ والاكل اللى اكلناه
بس امس اعطيتهم اكثر شويه عشان ساعدوني اكثر
بس كلمتني اليوم الصباح جارتي وتقول لاعاد تعطيين شغالتي شي
وانها معودتها ماتمسك فلوس عشان لاتطمع في احد وتستنى فلوس على كل شغله وكانت حازمه معي جدا بالكلام وما خلتني ارد وقالتلي هذا اخر كلام
وتقول انت كل مره تستقبلينا احنا وعيالنا وشغالاتنا وكمان ندفعك وانو كذا ننحرج وماعاد راح اجي لو اعطيتي شغالتي شي
والجاره الثانيه عكسها تقول انتي بتعطيهم بتعطيهم خلاص خليهم ينظفو البيت ويساعدوك ويفرحو بالفلوس وهم اصلا يحبوك
والثالثه ساكته وتقول براحتك
انا قررت اني اعطي شغالة الثانيه والثالثه فلوس
بس قلت اكيد حيقولو للأولى ويحز في خاطرها
او اعطيها واقولها لاتخبري عمتك؟
ايش رايكم

57 تعليق 4,320 مشاهدة

شاركي في النقاش

سجلي الدخول لإضافة تعليق.

التعليقات

56
  1. @am_alghalyn6

    والله ماادري خفت اقولك اعطيها ولاتعلم عمتها وتعلم بعدين يمكن تصيرمشكله واذا ماعطيتيهم احسه حرام كأني تكلمت كثير وكلامي مامنه فائده اذا تمون عليك جارتك فهميها انك ماتبغين تعبهم والله يعطيك على قد نيتك
  2. @lmys_olgyn

    أنا أشوف إنك تقنعين صاحبة الشغالة إن هذا من حقها

    لأن العقد اللي بينك وبينها إنها تشتغل في بيتك مو في بيت الجيران ..

    لكن إذا ما عندها مانع تشتغل في بيت غيرك فهي تستحق الأجرة على تعبها..

    وإذا ما اقتنعت .. قولي لها لا تجيبها معها لأنك مو محتاجة لإحسان الشغالة لك بدون مقابل ..

    ولا لا لا تعطينها شيء وتقولين لها لا تعلم صاحبتها .. احذررررري فأنت تسيئين للخادمة ولصاحبتها


    وسلامتك يالغلا
  3. @my_my11

    من رائيي انك تقولين لجارتك انا اعطي كل الشغالات فلوس وهي ماتبيني اعطيها مقدر يحز بنفسها يعني لازم تدري موتسوين شي من وراها بعدين تخسرين جارتك
  4. @alaafoyh

    غريبه صراحه تصرف جارتك حرام وشلون تقطع رزقها وبعدين حق التعب الي تعبته مدري انا اشوف يا تقنعينها او لا تعطينهم كلهم لان صعبه تعطينهم وهي لا وصعبه بعد انك تعطينها وتقولين لها لا تعلمين مدام ممكن تعرف جارتك ويكبر الموضوع والله يعينك

تابعي تجارب أخرى من هذا القسم.