بسم الله الرحمن الرحيم
والصلاة والسلام على اشرف الانبياء والمرسلين
اخواتي والله مدري وين اكتب موضوعي واتمنى تفيدوني او اي وحده عندها معلومة تقولها
قصتي بدأت في نهاية شهر الحج باختفاء زوجي وحتى يومنا هذا بعد اختفاءه عشره ايام سالوا عنه اخوانه في كل مكان وفي الاخير اكتشفنا انه في سجن ذهبان وما اعطونا فرصة نفهم وش سوى .والله العظيم ولا ازكيه زوجي انسان طيب وحنون وعفوي ودايم معاي في البيت لايروح ولايجي ماعنده اصحاب كثير ينام بدري يصحى يروح لعمله ويرجع البيت ويجلس معي ولاجاء وقت النوم قام نام لاملتزم ولامتشدد بس انسان مستقيم يصلي فروضه ومافي شي اكثر من كذا انا نفسي اعرف حي ولا ميت وليش يسون فينا كذا انا مدري ايش اسوي يوم اتصلت عليهم يقولون تحقيق معقوله تحقيق خمسه واربعين يوم .الله يسعدكم ويوفقكم الي تعرف شي تقولي وش اسوي الحمدلله صابره ومالي الا الدعاء والصلاة والاستغفار وفرج الله قريب بس اقول المفروض ماستنى لازم اسوي شي .:44:
شاركي في النقاش
سجلي الدخول لإضافة تعليق.
التعليقات
69- وش راح تسوين ياقلبي ؟؟؟؟؟؟
مافيه بيدك حيله بس استمري ع الدعاء والاستغفار وفرج ربي قريب - الله يفرج عليه و عليك كربتك يا قلبي
و الله ما بيدنا الا الداء لك و له - لا حول ولا قوة الا بالله والله ما أعرف
الله يفرج همك ويفك أسر زوجك يا رب - الله يفرج همك وهمه
مابيدنا إلا الدعاء وهذا اكبر وسيلة
داومي على الاستغفار والالحاح بالدعاء والصدقة
وبإذن الله ربي يرجعه لكم بأقرب وقت - حتى ولو كان تحقيق ما ينفع يخلونكم تشوفونه!
طيب ويوم سجنوه ليه ما بلغوكم؟
وايش هي التهمه!
لازم تعرفون ووكلوا محامي يتابع قضيته
مواضيع مشابهة
تابعي تجارب أخرى من هذا القسم.