تكفون ساعدوني والله طلع الدم من اظافري ونتفت شعري من التفكير والقهر

السلام عليكم طبعا قبل يومين اشتكيت لكم من زوجي وللأسف ما اعرف طريقة الرابط بس الزبده راح البر يتمشى وتركنا بدون مصروف الله يعلم كيف قضينا هذه الايام واهمل اغراض البيت طبعا بعضكم الله يجزاكم خير يقول استقبليه اذا رجع ولا تكبري السالفه والله ماقدرت رايكم على عيني وراسي بس رجع وما كلمته ولا استقبلته احس مقهوره من استهتاره والله طلع الدم من اظافري من كثر ما اكلها من الهم وش اسوي احس التطنيش مو حل وش الحل تكفون ساعدوني على فكره هو الحين في الدوام جاء وراح على طول.

13 تعليق 1,536 مشاهدة

شاركي في النقاش

سجلي الدخول لإضافة تعليق.

التعليقات

11
  1. @rafyna2010

    حبيبتي اول شي تعوذي من الشيطان وصلي ركعتين وادعي ان الله يشيل هم التفكير فيه من قلبك

    ثاني شي:في رجال اذا طنشتي يتمادى ويحس انه مو من حقك اصلا تعارضين ولما تسكتين كأنك قلتيله خذ راحتك حبيبتي ..

    واذا زوجك حاسه انه كذا فعليك بالاعتراض بالزعل ..كيف؟ بالنسبه لي اذا زعلت ماارد عليه واذا رديت من غير نفس طبعا هو يتذمر ويقول وش هالنفسيه وانا لما يقول كذا انفجر واقوله انت سويت كذا وكذا وكذا وبعدين هو يزعل واحيانا يمكن يجرحني بس في النهايه انا المنتصره عشانه اذا هدا يجي ويعتذر ووالله ماعاد يكرر الغلطه لانه عارف ان فيها زعله ..وهو الخسران ..

    يعني حسسيه انه خسران لو زعلتي بس باسلوبك وطريقتك والشي الي حاسه انه مهم لزوجك خليه يفقده اذا زعلتي ..
    صحيح انها زعله ومشكله بس نتيجتها في الاخير ..


    ولكن بمجرد مانتصالح اغرقه بالاسلوب الحلو والحنان وادلعه عشان يعرف متى ازعل ومتى ارضى وهو يختار الي يريح دماغه
    مو على طول راضيه حتى لو غلط لانه الرضا على الغلط يخليه يستمر والله ..

    في الاخير اسال ان يسخره لك وتعرفين مفتاح زوجك ...
  2. مايبيلها
    اجلسي معاه وحتى واطلبي مصروفك ومصروف عيالك
    وهو مع الف سلااااامه
    ,,,
    آآآه كنك تتكلمين عني
    اخينا ف الله توه يطلع
    يطلع بعد 11بالليل ..
    وتبين الصدق دام طلباتي موووجابه ... مع الف سلامه
    اقعد ع هالنت ونااااااسه
  3. @oayt_byoty

    الله ييسر امرك ويفرج همك وكربك

    ويسخر لك زوجك ويسخرك له يارب العالمين

    الحين انتي تعوذي من الشيطان لا تخلين الشيطان يلعب عليكم ، احب ماله اعوذ بالله منه

    التفرقه بين الزوجين

    راضيه سوي له اكله يحبها واكتبي له ورقة اني اشتقت لك واشتقت لحنانك

    يمكن اني زعلت بس خوفا على عيالك ، ولا انا اتمنى لك السعادة ودي انك تروح

    وتجي وتنبسط لو على حسابي لكن هالعيال كان بحاجه لأشياء ماقدرت انفذها لهم

    لانها وببساطه بدونك مانقدر نجيبها ولا نوفرها ( الله يخليك لنا ولا يحرمنا منك)

    عاد هو ان شاء الله تعالى بيرضى ، واذا رضا مره مره وبعد كم يوم

    قولي له باسلوب لين هين تكفى طالبتك لا تروح الا وموفر لنا طلباتنا

    حنا نتمنى انك تجلس معنا لكن اذا كنت تحب تروح رح الله يحفظك ويسعدك
    لكن لا تنسى حقوقنا

    والله يهدي سركم يارب

    ودائما رددي بسجودك ان الله يسخره لك ويسخرك له ويسخركم لعيالكم

تابعي تجارب أخرى من هذا القسم.