باربي حلم اللي انا فيه ولا لا؟؟مستحييييل اصدق

السلام عليكم
الله يوفق ويرزقها من حيث لاتحتسب ويجعلها في الفردوس الاعلى ويفرج كرباتها كل من تدخل وتساعدني في مشكلتي
انا متزوجه من8 سنين عمري 25 عندي طفلين جميله خجوله ناعمه انيقه مهتمه بنفسي
زوجي انسان طيب حنون حالته الماديه متوسطه بار باهله يصلي وماعمره قد رفع صوته او ضربني او اهانني ويحب اهلي مثل اهله بالضبط واكثر
المشكله اكتشفت انه يخونني على الفيس بوك وعلى الماسنجر ومكالمات..اه ياحرقة قلبي وياكبرها النار اللي في صدري
واجهته اعترف وبكى بكاء مو طبيعي والله 4 ايام وهو يبكي حتى وهو في الحمام وانتو بكرامه..ولما قلت باروح عند اهلي مااقدر استحمل قطع اللبس اللي كان عليه من كثر ماانهار وباس راسي ورجلي واترجاني وقال اسوي اللي تبغي سامحيني نزوه وانا احبك ومااقدر اكمل من دونك ومن ذا الكلام
اللي يحرق القلب اني مو مقصره مهتمه ودلوووعه واحترم اهله وفي الفراش ولااروع حتى هوا يقول مو انتي السبب انتي مشكلتك بس الغيره ولا من دونها انا متزوج ملاك
وانه خان بس لانه مضغوط ويبغى يفضفض وماعنده اصدقاء ..وبالنسبه لمحادثاته اغلبها كلام حب ومقاطع يوتيوب اغاني
ووحده قالها انا ترى احب زوجتي وهي زعلت منه...ووحده كان كلامهم مشفر مرره قليل ادب
تخيلوا دوامه يخلص4 جات اوقات يجي البيت5ونص يقول مرره مشغول وانا ارحمه واذا جااسوي له مساج وادلعه وهوا كان يطلع من الدوام بدري ويروح كوفي يكلمهم ماسنجر لانه ممنوع في دوامه مغلق بس على الفيس يعني من الساعه 7 الصباح الى 5 ونص يدردش معاهم ويرجع البيت ينام ولما يروح يصلي عشا يطلع من الصلاه على الكوفي يتطمن عليهم
ياربي بانفجر ساعدوني مو قادره افكر واحد هذي تصرفاته معقول تكون نزوه ومالها سبب ومعقول يحبني مثل مايقول والله مخي انشل مو قادره افكر....وكمان اكتشفت من محادثاته انه كان يحب وحده قبل الزواج وتركته وبعد ماتزوجنا رجعت تكلمه وتشتكي له من زوجها ولما اقوله ليه اعطيتها وجه يقول هي مجنونه خفت تاخذ رقمك وتخرب بيننا..
هذا باختصار الوضع اللي انا فيه وش اسوي
حلف لي على المصحف انهم مااثروا فيه وانه ندمان وحاول يراضيني جاب لي ورد وهدايا ويرسل ايميلات حب ويبكي اذا قلت له مااسامحك باروح لاهلي..
ارجووووكم ساعدوني في مشكلتي ماادري غير اني مكسوره مخدوعه لانه لولا الصدفه مااكتشفت لانه تعامله ماتغير معايا ابدا لا بالكلام ولا بالفراش كل شي طبيعي
ادعولي بالصبر والنسيان..وانتظر ردودكم...مع خالص شكري
ملاحظه انه لو احد دري انه فلان سوى كذا محد راح يصدق بيقولوا عني مجنونه واخرف لانه عاقل ولاهو راعي خرابيط هاليومين حتى باللبس والتفكير وهو اكبر مني ب11 سنه
واشكر كل من ترد علي ..لانه اول مشاركه مااقدر ارد على الجميع

128 تعليق 12,455 مشاهدة

شاركي في النقاش

سجلي الدخول لإضافة تعليق.

التعليقات

119
  1. @almshtakh_lhno

    مالك غير ربك يالغاليه
    قومي في الثلث الاخير من الليل
    وتحري اوقات الاجابه
    واستغفري كثير
    وحاولي تحتوينه اكثر
    وتذكرينه بالله لانه باين انها نزوه
    والله اعلم

    حاولي فيه تحضروا محاضرات دينيه
    او اشتري كاسيت لمشايخ ثقه واسلوبهم مؤثر

    \يعني قوي الوازع الديني عنده

    الله يوفقك وييسر امرك
  2. @aaz_tfayl

    المشتاقه لحنو
    مالك غير ربك يالغاليه قومي في الثلث الاخير من الليل وتحري اوقات الاجابه واستغفري كثير وحاولي تحتوينه اكثر وتذكرينه بالله لانه باين انها نزوه والله اعلم حاولي فيه تحضروا محاضرات دينيه او اشتري كاسيت لمشايخ ثقه واسلوبهم مؤثر \يعني قوي…
    نفس راي اختي الله يجزاها خير

تابعي تجارب أخرى من هذا القسم.