والله مشكلتك سهله مايبيلها انا كنت مثلك
واختي الي اصغر مني هي فتره مابين عمر 14 لين تقريبا 20
بـ ذي الفترة إذا مانويتي تغيرين تصرفاتك ماراح تتغيرين صدقيني
لابد يكون التركيز على نفسك من داخل
يعني لما ينطرح موضوع حاولي انك يكون لك صوت فيه
مثلاً قولي والله انا سمعت انه كذا وانا افضل كذا طبعاً مايكون شي معارض للعجايز
ولا شي منافي للدين والعقل انتبهي
وزي ماقالت وحده من الاخوات لازم تقرين عشان يكون عندك موسوعة علمية او اجتماعية
تقدرين تطرحينها وتاخذين آراء ونقاشات الي حولك
جربي تدخلين موقع جريدة الوفاق فيها مواضيع اجتماعية كثيرة
موضوع واحد راح تطرحين بمكان الناس كلها بتنشغل تسولف فيه وبينشدون لك
وأنتي تطرحين المعلومة يعني حاولي تقللين من التلعثم والربكة وفرك اليدين ببعض
جربي تشوفين نفسك بالمراية وكيف تصرفاتك وصححي لنفسك اخطائك
غير كذا امسكي القهوه باليسار والفنجال باليمين تعودي تجربينها قبل العزايم
وقولي للمراه سمي حبيبتي اهم شي اللسان الحلو عند الحريم
واذا خذته بتقولك مثلا تسلمين ردي بثقه قولي الله يسلمك من كل شر
واذا خلصت بتقولك مثلا خلاص قهوه دايمه قولي افا ماودك بـ زود وإلا ماعجبتك قهوتنا
مثلاً قالت خلاص الله يجزاك خير ... ردي قولي وياك يالغاليه
اذا علقوا على حلا انتي مسويته مثلا وقدمتيه لهم وقالتلك وحده حلو ... قولي الحلو مايحب الا حلو
أو حلت دنياك .. أو هذا من ذوقك
وطالعي العينات الجريئة عندكم وحاولي تسوين زيها
انا بداياتي كانت كذا كنت معجبة بالجريئات والي لسانهم حلو مع الضيوف
بالبداية اقلد لييييين صار لي طابع خاص فيني
أهم شي الثقه بالنسبة والبسي لبس مريح ونعوم لانه له تأثير على شعورك وانتي بين الناس
يالله شوفي النتايج وادعيلي :)
مـاعرف اسولـف:(
متابعة النقاش، صفحة 2