صديقتي وشغالتها الحبشية المؤقته مدري نصدقها والا لا ردوا علي ممكن احد مر عليه هالموقف

بسم الله الرحمن الرحيم
السلام عليكم ورحمة الله وبركاته
بنات بدخل في الموضوع سيده
صديقتي مقدمه على شغالة من فترة ولا جت
من شهر جابت شغاله حبشية مؤقته
والحين خلصت الشهر
صديقتي طول فترة جلوس الخادمة عندها تعاملها بالحسنى
لدرجة انو الشغاله كانت تقول لها بيتكم هذا احس انه بيت مؤمنين
لان صديقتي ملتزمة وزوجها ملتزم
تقول صديقتي ان الشغاله كانت تستغرب اني ما افتح للبقاله
ولا اروح مع سواق
واحيانا اذا كانت الشغاله فاضيه او كنت اصلح الغداء اعلمها بعض الاحكام
او اشرح لها تفسير بعض الايات
وعلمتها انها ماترمي الاكل بالزباله
تقول انها دايم تقول لي ماشاء الله عليك ماقد شفت احد مثلك
انتوا ناس مؤمنين
المهم السالفه ومافيها
انو لما تمت مدتها قالت لها صديقتي
بعطيك فلوسك 1500
الغريب رد الشغاله
قالت لا انا ابغى 1300
انا مره حبيتك وما ابغى اروح من عندك
ودي اجلس عندك واصير بنتك بدون فلوس
قالت صديقتي لا انتي مو بنتي انت اجيرة
والرسول يقول اعطوا الاجير اجره قبل ان يجف عرقه
لكن انا بعطيك مبلغ معين هذا اللي اقدر عليه لاني مو موظفه
وشغل بيتي مرة قليل اغلب وقتها جالسه
تقول انها وافقت
وتقول اني شرطت عليها تصحيح وضعها بالاقامه
عشان تكون عندي بصفه رسميه
عشان لو بغيت اسافر او اراجع بها للمستشفى


انا يوم قالت لي صديقتي
تخوفت شوي
قلت كيف تقول بجلس من دون مقابل
وكيف رضت بمبلغ اقل بكثير من اللي تاخذه بالشهر
انا خايفه انو الموضوع فيه ان
الحين الواحد ما يامن الدنيا
انا قلت لصديقتي
اخاف انها تكون ناويه على نية
او يكونون عصابه
خلاص تلكعنا من كثر مصايب الخدم
والله احترت انا وهي

وش رايكم احد قد مرت عليه هالحاله
وهل تتوقعون انها صادقة
مع العلم
انها اول ماجت لصديقتي كانت تقول انو الناس يكرفونها واحيانا مايعطونها حقها
وعند صديقتي لقت الامان والراحه



انتظر ردودكن