صباااح الخيرات ياعرايس باذن الله بالقريب العاجل
شخباركم عساكم بخير ليه المنتدى في الليل يصير ماصل ثقيل ومايفتح عاد احنا نعصب بسرعه خبرك عامل السن الله المستعان
الحين عندنا بمدينة الدمام شوية مطر يااهو نفرح علشان القحط اللي عندنا نفرح بقطرة مطر ياجعله خير وبركه ابصلي صلاة الضحى وادعي لنفسي وادعي لكم والله مانيب انساكم تراني احب اشمل الكل بالدعاء
اهم شي عساه يتقبل ونفرح ببعض << ادعي وانتي ساكته
الا ليه انتم دايم فيذا متوزياات انا احس اني رازه خشتي بكل قسم ولا يفوتكم بعد انشب بالردود كل قسم حطوه بالمنتدى اروح له مانيب اغفل عن شي
بيني وبينكم القسم الوحيد اللي مارحت له قسم الحوامل تخيلو عانس مخضرمه وتروح للحوامل عاد قلت لحد هنا وكفااايه باذن الله اروح له اذا اعرست بس متى
هالموضوع جاب لي الحمى من كثر مافكر فيه
انتم تذكروني يوم كنا صغار عيب تجلسين تسمعين سواليف الحريم هههههههههههههههههههههههههه
خلاص عدت علينا العيب ماحس احد يبي يلومني اللي كبري الحين عيالهم بالمتوسط والثانوي وش عيبه << قالت قصة حياتها
بيني وبينكم الاسريه ياهي تدوخ الراس وتجيب الهندريه من كثر غثى هالحريم احيانا مانيب الوم الرجال فيهم
وموتي اذا قالت ياليتيني ماعرسيت اي هين لو ماعرستي كان انتي معنا فيذا تتحلطمين بس هماهن اعرسن قالو كذا
بنات ادعو ربي اذا اعرسنا ربي يوفقنا ويسعدنا مافيني حيل مشاكل معاد بقى بالعمر مثل مامضى الله يرحمنا برحمته ويجعنا وياكم بالجنه ونعيمها اللهم امين
دوختكم بهذرتي بس وش اسوي مالي غيركن افضفض له الله يسعدكن ويفرح قلوبكم ياارب
هنا الملف الأخير ملف السعاد ة والبشاير والتريكات والأفراح والهناء وفرج الله قريب ..
متابعة النقاش، صفحة 982