شاركي في النقاش

سجلي الدخول لإضافة تعليق.

التعليقات

2,011

  2. @hya_nnshr_alkhyr

    د.وداع
    رورو الف سلامة عليكي وعلي ابنك وفعلا القصة حلوة بس الواحد لما بيبص للسنين الكتيرة دي بيزعل اكتر مش بيتفاءل بصراحة بس مش بايدينا غير الصبر والرضا بقضاء الله الحمد لله علي كل حال مصرية انا معاكو برده حكلمكم من مصر علطول ان شاء الله
    الله يسلمك يا دودو
    إنتى معاكى حق يا دوعه 00 أنا فاهمه إن السنين الطويله ده ممكن تسبب إكتئاب ؛ لأننا بنتخيل إن أحنا كمان ممكن نستنى المده ده كلها فبنخاف بدل ما نتفاءل

    بس ده علشان بنبص للحكايه من زاويه
    إن الإنسانه ده كانت المفروض تحمل من بدرى ولكن الحمل جه بعد مده طويله فبنقول ( ياااه كل المده ده وكل السنين ده ضاعت )


    لكن لو بصينا للزاويه الأخرى 00
    وهى إن الأنسانه ده أصلا ممكن تكون كانت هتبقى مبتخلفش خالص لكن بفضل الدعااااء حملت فعلا
    ساعتها هنطمئن إنه فى أمل و إن الدعاء ممكن يغير حياتنا فى غمضه عين

  3. صباح الخير يا بنات

    طمطم

    تسلمى يا جميلة انتى و ان شاء الله ربنا يكرمنا جميعا يا رب

    ام اياد

    اخبارك ايه ؟ انا عندى اخبار جديدة انا عملت الكرنبة اخيرا ههههههههههه و طلعت روووووووعة الحمد لله
    ربنا يقومك بالسلامة ان شاء الله

    بندقة

    كلامك جميل اوووووى ربنا ما يحرمنى منكوا ابدا كلكوا يا رب و ان شاء الله يكرمك و يكرمنا جميعا يا رب

    رجاء الغفران

    قدر الله و ما شاء فعل ان شاء الله ربنا يكرمك بالاجنة المجمدة و تحملى فى تؤام ان شاء الله

    دودو

    وحشانى اوووووووى عارفة يا دودو انا بحس اننا شبه بعض فى حاجات كتير يا رب يعوض صبرنا خيرا ان شاء الله

    مسلمة

    اخبارك ايه ؟ و اخبار جنة ايه؟ تعالى طمنينا عليكى

    وزة

    تسلمى يا وزة الحمد لله على كل شىء بس عندى لكى خبر جوزى مش عاوز ياخد الدواء بيقولى انا عندى حساسية من الكيوى و خايف يكون فيه كيوى ههههههههه حد يرد يقولى اقوله ايه الراجل ده

    المشتاقة لمكة

    تسلمى الحمد لله و ان شاء الله الفرج قريب اخبار هدى ايه خدى بالك منها

    مسلمة امرى لله

    عندك حق و الله ان شاء الله ربنا يكرمنا بالاطفال و نمتعهم و يمتعونا اللهم امييييييييييييين و الف سلامة عليكى

    توفى

    مبروووووووووك لاخت جوزك و عقبال ما نباركلك يا رب عن قريب ان شاء الله

    مصرية

    اخبار البطة ايه ؟ هربت و الا لسه ههههههههه ربنا يكرمك و يفرح قلبك عن قريب ان شاء الله

    توتا

    وحشانى جدا اخبارك ايه ؟ ربنا يسهل و نشوف الشهر ده و ربنا كريم ان شاء الله يكرمنا كلنا

    هيا ننشر كل حاجة حلوة

    تسلمى على القصة الجميلة يا رب ارزقنا جميعا الذرية الصالحة الطيبة اللهم اميييييييين اخبار الولاد ايه ما تغبيش علينا و بصى علينا كده كل فترة و يا ريت تسلمى على رمال اوووووووووى لو عندك تليفونها

    سارة

    اخبارك ايه؟ بتوحشينا يا بنتى ربنا يفرحك باطفالك اللهم امييييييييييييييييين

    ام احمد

    اهلا بيكى معنا و ان شاء الله البنات يفيدوكى بس اظن انها تتكلف من 10 الى 15 الف جنيه



    اخر اخبارى العجيبة ان الدورة جاتلى يومين بس !!!!!!!!!!! و على الفكرة الشهر اللى فات برضه و انا طنشت هى المفروض 4 ايام !!!!!!!!! و ده طبعا غير لونها بنى غامق جدا من اول نقطة نزلت لاخر نقطة انا مش عارفة ليه كده انا ملاحظة حصلت كده مع التنشيط بس لانى اول شهر لما جوزى جه كانت عادى لانى الشهر ده ما نشطتش عموما انا رايحة للدكتور الساعة 12 ظهرا و اشوف هيقولى ايه لانى كمان بدات اخد كلوميد ربنا يستر ان شاء الله



    بحبكوا اوووووووووووووى ربنا ما يحرمنا من بعض ابدا يا رب



  4. nadanodo
    صباح الخير يا بنات طمطم تسلمى يا جميلة انتى و ان شاء الله ربنا يكرمنا جميعا يا رب ام اياد اخبارك ايه ؟ انا عندى اخبار جديدة انا عملت الكرنبة اخيرا ههههههههههه و طلعت روووووووعة الحمد لله ربنا يقومك بالسلامة ان ش…

    قطوس
    بصي يا حبيبتي هوا واضح من كلامك انه اداكي حقنة زولادكس واحدة بس وكمل العلاج بحبوب منع الحمل والكلام ده كله قبل ما تبدأي في البرنامج بتاع الحقن المجهري،
    يعني حبوب منع الحمل دلوقتي تعتبر علاج علشان بتقلل من تكون اي اكياس دموية تاني بسرعة ... وعلي فكرة البيريود مش هتيجي في ميعادها طول ما انتي بتاخدي الحبوب ، أول ما توقفيها هتيجي بعدها بيومين ثلاثة كدة ،
    ودي طريقة علاج ناس كتيير انهم بياخدو حبوب منع الحمل كذا شهر وبعدين لما يوقفو الحبوب البيريود بتنزل بعدها بيويم ثلاثة كدة وساعتها الأحسن أنك تبدأي في برنامج الحقن علطول علشان متديش فرصة لأي حاجة انها تتكون ...
    هوا الدكتور قالك تاخدي حبوب منع الحمل قد ايه ولا محددش المدة ؟؟

  5. بندقتي
    بصي يا حبيبتي موضوع تجلط الدم والكلام ده محتاج فعلا دكتور متخصص أكتر من د حسام ، يعني روحي لدكتور دم وقوليله علي اللي حصل واسأليه هل انا محتاجة كلكسان ولا لأ وكمان هوا اللي يحدد الجرعة ؟؟
    بصي د حسام مش كل الناس بتاخد كلكسان معاه بس انا بحس انه برده مش متخصص اوي في الموضوع ده ، هوا ممكن فعلا نكون محتاجين كلكسان بس الجرعة أد ايه والكلام ده هوا مش عارف فبحس انه بيقول اي حاجة والسلام لأني قعدت في كذا محاولة باخد كلكسان 60 وبعدين فجأة لقيته غيره وخلاه كلكسان 80 وفي أخر محاولة خلاه كلكسان 40
    يعني انا تقريبا جربت كل الأنواع فحسيت انه مش قادر يحدد انا محتاجة قد ايه بالضبط..

    وقبل كدة قريت قصة واحدة في منتدي تاني كانت عامله عند د حسام برده وأول مرة حصل حمل بس مكنتش بتاخد كلكسان فحصل اجهاض علطول وبعدها لما عملت تحليل التجلط د حسام قالها لازم تاخدي كلكسان ، بس هيا مقتنعتش فراحت لدكتور دم متخصص فلما قالها انها فعلا محتاجة كلكسان وقالها علي الجرعة بالضبط ايه وتاخده امته وكان متابع معاها وقت الحقن المجهري وفعلا ما شاء الله حملت وولدت وجابت 3 تؤأم ما شاء الله لا قوة الا بالله ربنا يحميهم يا رب
    وانا كمان كنت بفكر في موضوع دكتور الدم وكويس انك فقرتيني ويلا نشجع بعض ونروح نسأل علشان علي الأقل لما ننوي نعمل حقن مجهري نبقي حريصين أكتر وواخدين بالنا من اي حاجة ممكن تمنع ان شاء الله

تابعي تجارب أخرى من هذا القسم.