نار زوجي ولانار اهلي ؟

:icon33:اهلين بنات كيف حالكم *****الله طيبين تذكرون مشكلتي مع زوجي الي بدت بسيطه وكبرت وانتهت ان زوجي ضربني وطلعت من بيتي ورحت بيت اهلي ما تتخيلون يابنات لما رحت بيت اهلي واعرفوا اني عندي مشكله مع زوجي واحد من اخواني داخل علي شايل كرسي بيضربني فيه يقول وش تبين جايه تجلسين عندنا اجلسي ولله لاصك عليك بغرفه لين تموتين ليه انا وش مسويه بالعافيه اهلي طلعوه وصكوا الباب واخوي الثاني جلس يتشمت وصار ما كنه يعرفني والثالث اتصل عليه مايرد وامي مغير تهاوش عيالي وتعصب واطنشها ما دريت الا تطردني وتقول اذا صار لك شي روحي الجمعيه ياخذون بيت لك انت وبناتك انصدمت وانا اتهاوش مع زوجي مغير اعزمهم عندي في البيت واركض واوقف جنبهم واهديهم فلوس وهدايا واخرتها بس دروا ان عندي مشكله تنكروا لي حتى امي تقول مالي دخل فيك قسم بالله يابنات كل الي يسويه زوجي مايجي شي عند الي شفته من اهلي ركبت مع سواق مشاوير وانا اقول لو زوجي ما فتح لي الباب وين اروح وانا اطق الباب وسمعت صوته جاي يفتح ماصدقت والحين وانا جالسه كل ماتذكرت اسلوبهم معي ومع بناتي يضربونهم ويسبونهم اسج كني سامعه خبر شين واحاول ما افكر فيهم وزوجي ما علمته بشي بس شي يحزن

48 تعليق 6,919 مشاهدة

شاركي في النقاش

سجلي الدخول لإضافة تعليق.

التعليقات

44
  1. @raydh2009

    اهم واهم شي زوجك لايدري نصيييييييييييييحه
    انا وانا زوجي طيوب بس لما يدري عن اهلي ومشاكلي يستقوي
    شوفي هذا درس لك
    واهلك مستحيل يطردونك لو جا الصدق بس يبون يخلونك ترجعين بيتك
    وترا ياكثر اللي مثل اهلك خليها على ربك
    اذا انت موظفه اضمني لك بيت لو تاخذيم قرض
    ولو زوجك ينفع معه الكلام واللين لا اوصيك عطيه جرعات كبيره واذا هو شد انت ارخي نصبحه
    والله يفرج عليك همك في ليلة الجمعه يارب ويرزقك ولايحوجك لاحد يارب انت وبناتك
  2. صدقينى اهلك مايبون يعطونك وجه علشان ماترغبين عندهم مو كره فيك بس يبون مصلحتك بس ماعرفو الطريقه السليمه الحين انتى هدى الامور بينك وبين زوجك واهلك عاتبيهم على خفيف وبينى لهم انك زعلانه منهم بس علشان مايكررون هالتصرف معك وبينى لهم ان زعلك من زوجك مو علشان تبين الطلاق بس تبينه يتعدل ومن هالكلام الله يسخر لك زوجك وحاولى ماتشدين معه بالكلام ان شفتيه معصب روحى عن وجه ولا تراددينه هذا الى يكبر الهوشه بين الزوجين المرادد
  3. @amp_yslm_klbh_amp

    الله يعينك حبيبتي
    موقف اهلك غريب ومانقول الا الله يهديهم
    نصيحه مني بيتك لاتفكرين تتركينه ابدآ
    وصلحي علاقتك بزوجك ابو عيالك
    ولاتعلمينه باي شي صار لك مع اهلك
    بالعكس خلي اهلك في احسن صوووره قدامه
    والله يصلح مابينك وبين اهلك ويسخر لك زوجك ويهديه
  4. @ordh_hmraaa_55

    اخواتي رائده 2009وناعمه الشمري كلام سليم جدا وانا بعد اقول كذا الله يهدي اهلك ويسخر لك زوجك ويسخر لي زوجي يارب قولوا امـــــين
  5. @oamtrt_that_syf_1

    حبيبتي :
    طالما عرفت موقف أهلك منك وأنك لا سند لك فحاولي بقدر الإمكان أن تضبطي أعصابك مع زوجك وقللي قدر الإمكان ألاّ
    تثيري أعصابه وألاّ تضعي رأسك برأسه فأنت بحاجته ،فحافظي على بيتك ومأواك ومأوى صغارك ولا تعرضي نفسك للمذلة مرة أخرى ،وصدقيني مهما حصل بينك وبين زوجك تظل سعادتك وحريتك وعزّك وعزّ أطفالك ببيت والدهم
    أتمنى أن تأخذي رأيي بعين الاعتبار ،وفقك الله وسدد خطاك.

تابعي تجارب أخرى من هذا القسم.