الزوووووووووجه الثانيه محظوظه او تعيسه ؟؟؟؟؟؟؟؟؟؟؟؟؟؟؟

مراحب يالغوالي انا بقولكم عن تجربتي واحكموا بعدين
انا كاي فتاه احلم بانسان يكون حنون وصادق وقلبه طيب واهم شيء مو متزوج وكان عندي عقدة شيء اسمه ولد عم ماابيهم كلهم مع ان مافيهم عيب بس ربكم يعين

تخرجت من الجامعه العام شهر 2/1431 والحمد لله معدل عالي وتقدير ممتاز وكنت يارب لك الحمد سمعتي عند الكل حلوه وراعية بيت وطبخ وعلى قولتهم سناعة الله يخلي اللي مربيتنا على الطيب الوالده الله يحفظها ويحميها
والحمد لله من ناحية الجمال يارب لك الحمد


في فترة قبل تخرجي وبعد تخرجي تقدم لي ناس كثييييييييييييييير من بينهم عيال العم بس ربكم ماكتب لي النصيب
وكان عندنا بالبيت ضغوط مجنونه ومشاكل كثير كنت بحالة نفسية زفت
بها الوقت تقدم لي واحد عمره 42 سنه من كبار رجال الاعمال على مستوى المملكه من غير عايلتنا بعيييييييييد مره يعني اهو من قبيلة وانا من اخرى متزوج من بنت عمه وعنده اربع عيال ورجل طيب واخلاق وكل ماتتمناه الفتاه تجده فيه
مو معيبه غير انه كبير وعنده عيال
بس ابن ادم مايدري عن نصيبه


عاد صار النصيب وتمت الامور بخلال اربع اشهر فقط وتم الزواج بشهر 7 الماضي وكنت جدا جدا متخوفه وابكي ومو عارفه عن كل شيء بيصير بعدين
بس يارب بك الحمد يسر ربي لي كل الامور
سكنت معه بمقر عمله بجده لوحدي طبعا بفله رائعه واهلي بالرياض وزوجتة الاولى وعياله بديرتهم ويروح لهم بالاسبوع 3 ايام فقط
والحمد لله بقوه محسسني انه مو متزوج وبقوه شبابي ويارب لك الحمد بالعكس احس انه مهتم فيني كثير يحس اني بعمر بنته وقبل امس رحت للمستشفى وطلعت حامل وجاب لي هدية طقم ذهب وغير لي اثاث بالبيت كنت ابي اغيره وعندي خدامه ويارب لك الحمد


يعني الوحده ماتدري وش الخيره فيه بس يعني لازم تستخير ربي وتتوكل عليه واهم شيء ان الرجل يصلي ويخاف ربي بأذن الله بيعدل ومابيظلم احد


وامنيتي لك واحد بالسعاده بالدنيا والاخره وربي يرزق كل محرومه بزوج يحطها بعيونه ويرعاها ويخاف عليها ويلبي امورها ومتطلباتها

والله يابنات ان الستر احس من ان الوحده تجلس مطلقه ولى عانس ببيت اهلها والسبب شروطها التعجيزيه
الواحد مايدري وش ربي كاتب له سواء كانت الاولى ولى الرابعه هذا نصيب كل وحده


وآسفه على الاطاله
دعواتكم لي بالتوفيق بالدارين

وشفيكم على الثانيه بسم الله اكلتوها وبعلمكن هذا مكتوب من عند الله انها بتصير زوجه ثانيه وكل شي مقدر من عند الله ليش هالهجوم ولو بيدها ماكان اخذت متزوج والله سبحانه حلل اربعه والرسول وزوجات الرسول ابرك من وجيهنا اخذ عليهن تجن انتن تحللن وتحرمن اتقن الله وبلا كلام جارح للثانيه لانه موووووووووووووووووووذنبها

والله انا اشوف ان الاولى والثانيه والثالثه والرابعه

ومعهم زوجهم .. حظوظهم طايحه .. الله لايبلانا يارب

لان الحياة اذا صارت بطريقتهم صارت صعبه وفيها تعقيد

وانتي اقري مواضيع الزوجات الاوليات والثانيات

وشوفي المشاكل .. حتى لو كان الزوج كويس مع الثنتين

مسالة التشتت هذي متعبه للكل ..

انا مادري ليش الرجال يشقون اعمارهم بزواج ثاني وثالث

يعني هو اول المتضررين نفسيا وجسديا وماديا خخخ

الله ييسر لك الخير