سلام للحلوات
نوف انتي ماقلتي لنا انتي من اي بلد
بسم الله
احنا عندنا باليمن يوم ترجع الولدة من المستشفى يسوون لها قهوة الوالدة اللي هي مكونة من قشر القهوة - قرفة - شمار - ينسون - عناب - برير - سكر نبات واذا مافي عناب يحطون بدالة تمر ((هذي القهوة تنضف الرحم وتنزل الكرشة)) ويسوون لها مفحوسة بالعسل ((كل يوم لازم الافطار حق الوالدة مفحوسة )) وطبعا قبل الفطور بساعة يجيبو لها كاس حليب على سمن بلدي وشوية تمر
وعلى الغدا الاسبوع الاول من النفاس يشترون لها دجاج لساتة فرخ صغير موو صغير لذيك الدرجة بعني نص نص مع الفتة والسلطة والارز ومن بعد الاسبوع الاول لازم كل يوم لحم غنمي على شان المرق ((تشرب النفاس المرق لانة ينضف وعلى قولهم يرد العظم ))
وبالعصر تاكل تمر مع القهوة
وبالعشا يقدمون لها لحم مع المرق وفتة تمر
وللمنطقة اللي خبري خبركم تتشطف بماء فاتر وديتول وتقعد بين ماء فاتر وملح على الاقل ثلاث مرات غير قشر الرمان نطحنة ونخلية بعلبة تتشطف بية كل ماتدخل الحمام اعزكم الله ويوم تخرج من الحمام تجلس على كرسي خاص وتتبخر بالمرة
وللجسم ثالث يوم يعني يوم ويومين لا تدهن الام جسم بنتها الوالدة بشوية زيت زيتون وهرد وملح مطحون على شان يشيل السواد ويرطب الجسم وتقعد بية الوالدة ربع ساعة او عشر دقائق وتتغسل وتخرج تدهن جسمها بزيت اللوز او اي لوشن مرطب للجسم
وللكروشة زي عندكم ياام شما نحمي حجر تكون ملساء او اجور ونلفها بورق جرايد وقطعة قماش ونحطها على البطن ووحدة بالظهر واللي تحب تربط بطنها بالحزاام تربط واللي ماودها خلاص
وعندنا بالنفاس لبس معين للوالدة بالعصر تستقبل بية الضيوف غير الاشياء الثانية
يالله طولت حكيت الولاد كامل
ومثل ماقالت ام شما انا مااعمم اهل اليمن لان كل منطقة لها عادات وتقاليد وهذي عادات وتقاليد عايلتي والمنطقة اللى انا فيها
يتبع......ملف كل من موعد ولادتها شهر اربعة............حياكم
متابعة النقاش، صفحة 70