محتاجه مواساااااااااه..محتاجه شي يرفع معنوياتي ... شي روحاني وبكلمات منكم :(

غاليتي بيسو.....

تذكري أن ابن آدم مسير وليس مخير...

وأدعي الله لو موضوع النقل فيه خير لكم أن ربي ييسرة ولو فيه شر يصرفه...

والتمشية لاحقين عليها.. لا تتخيلي أنك لو سافرتي وأنتي بالنفسية هذي راح تنسين.. أبداً

استقروا أولاً وبعدين تمشوا..

وألف الحمد لله على سلامتكم..

دعواتي لك بالتوفيق..

وااي كسرتي خاطري الله يفرج همك ويناسيك بالي صار صج سلامتكم كبيره انتي وجوزك وعيالك الله يحفضكم ويوفقك وتخلصين وكل الي تبيه يصير بس بالله عليك يطاوعك قلبك تخلين جوزك بروحه يدرس وانتي تنزلين السعوديه؟ ياعني اهو الاوضاع شفتيها يمكن يصير ش او شي والرجال الي متجوزين تعرفينهم حدهم يتلعوزون بروحهم حرام تتركيه بروحه استني وياه ليمن تخلصون وبعدين ردو معا بعض ان شاء الله

ياحبيبتي اعتبري النقل تغير بالنفسيه لانك راح تتعرفي على مدينه جديده وصحبات جدد وكمان البيت راح يكون جديد بالعكس احساس مره حلو وتجديد وتغير بالحياه وكمان صاحباتك راح تقدري تواصليهم تزوريهم وراح اكيد تتعرفي على بنات وتكوني علاقات جديده وتتعرفي على جيران جدد وصدقني اهم شي عندك دحين الماستر اذا اخذتيه راح تتفرغي للوناسه واكتشاف المدينه والنت ماخلا حاجه ياعمري لاتشلي هم واعتبري انك تبغين تنقلي مدينه جديده عشان حياه افضل صدقني كلها ايام وتعدي وتذكري اهم شي انك تاخذي الماستر والحاجات الثانيه مو مهمه افرحي وانبسطي وارجعي مثل ماعرفناك ولما تنقلي بيتك الجديد لاتنسي تصوري لنا صومعتك الجديده :27:

الله يهونها عليك ويفرج همك
انتي دحين مصدومه من الوضع وموقادره تستوعبي الي صار ...بس صدقيني فتره وتعدي وتصير ذكريات
لا تتأزمي وتصعبي الامور حاولي تتقبلي الوضع زي ماهو وكملي حياتك طبيعي

دايما رددي لاحول ولاقوة الابالله ..لانها تبدل من حال الى حااال افضل

اهم شئ دحين ركزي على البحث وبعد التسليم
فكري بموضوع النقل والعفش ....كأنك دوبك جايه من السعوديه وهدا اول يوم لك في الغربه
انسي بيتك والاغراض الي فقدتيها .سلامتك انتي وبناتك وزوجك اكبر نعمه ياربي لك الحمد

ولاتنسي تستخيري بكل خطوه ...بالذات في نزلة السعوديه ...زوجك خليك جنبه في الطروف الي زي كدا يكون محتاجك اكثررررر

الله يكون في عونك وتعدي الفتره على خيييير