احبه بس يقهرني

23 يناير 2011

..

..

السلام عليكم ورحمة الله وبركاته

باختصار حبيباتي زوجي جعل ربي يهديه ويخليه لي حبوب وحنون ويحبني ومو مقصر علي .. لكن المشكله انا من قبيله وهو من قبيله وانا تعودت على طبايع وعيشه مختلفه .. اهلي دينين لكن الحمد لله ماقصروا علينا بشي وتعودت معاهم على الطلعات والخرجات وخااااصه مكه والمدينه دايم نروح ونجلس فيها .. والسوق تعودت اروحه مع اخواتي وزجات اخواني وقريباتنا ونجلس نتسوق وناكل وننبسط عالآخر .. والحمد لله كل هذا باحترام وحشمه ولانتضوحك في السوق ولا نتمصخر ولا نكشف .. عشان كذا اهلي معطينا الثقه .. واكيد في بنات كثير عاشوا نفس طريقتي ..

زوجي الغالي ماعنده كل ذا الكلام .. في السوق لازم لصيقي .. ومو هنا المشكله .. المشكله كل شي اشيله يايعيب عليه ياييجلس يعلق لين يطفشني .. أو انه يجيبها من الآخر .. ويقول مافي تشترينه المفروض الكسوه مره في الصيف ومره في الشتا

صدقوني مو بخل هو مايقصر بس مدري وش دخل الفكره ذي في باله اني ما اتسوف الا كل ست :22:اشهر .. والبلا يكون معاي فلوس واقوله انا باشتري يقول لاااااااااااااا

بالنسبه للحرم والخرجات انا ابغى اجتمع فيه مع اخواتي .. هو ايضاً يرفض يبغى الحرم عمره قوام قوام واخرجي وانا تعودت اجلس في الحرم اقرى واصلي .. اخواتي يوديني زياره محدده سهر :pمافي والمشكله انا بديره وهم بديره .. يعني اسافر واتعب عشان اسلم عليهم واتقهوى وارجع

ماقدرت اتأفلم تعبت خاصه اني غريبه بديرته ولا تعرفت على احد اصلاً هم مايروحون عند بعض يعني :30:ياجماعه لي سنتين ما اعرف لاجاره ولا صديقه ولاااااا ظفر حرمه اهرج معاها ..

وش اسوي اقوله ودني ديرتنا اجلس في بيت ابوي الله يرحمه عالأقل اخواتي هناك وجماعتنا :06:وصديقاتنا يقول : وش تروحين تسوين ..

بليز لاتجيني وحده تقول اهم شي انك مبسوطه .. تحط نفسها مكاني وبس .. في سنه وحده تزوجت وتغربت ومات ابوي اغلى ناسي وامي راحت مع اخوي بديره بعييده واخواتي كل وحده بمكان .. والله احس ان صدري بينشق ..

ايش ممكن اسوي عشان اقنعه يطلعني عالأقل يوم بالأسبوع وطلعه تفتح النفس مو نطلع نتخانق ونرجع ..

مع العلم اني ماقد ناقشته الا بهدوء ولاعمري صرخت ولا تعديت الإحترام معاه .. بالعكس احاول اكون هاديه

واغلب الوقت الجأ للصمت والوحده ..

ولأني متأكده إن الشده والهواش ماتجيب نتيجه

نصيحتكم لي

..

احبه بس يقهرني

التعليقات

يوميات كدوشة احب هالشخصية فرفوشة مين يحب يتابع ؟

ما احب اشوف وحده والده والسبب

الغروب الوحيد اللي أحبه قدام البحر 🌅بحر الخبر

احبهم لكن عندي مشكله

بنات احب اعرفكم بعادات وتقاليد بلادي ليبيا🇱🇾