الموضوع مغلق

اهل زوجي وتفرقتهم بيني وبين سلفتي/ قديم

اهلين يابنات
يابنات انقذوني انا وزوجي 24 ساعه هواش بسبب اهله
انا متزوجه من 8 سنوات وانا مرت الكبير وماعندي سلايف واللحين حيتزوج اخوه الي اصغر منه بكم سنه زوجي اتزوج بدري واخوه لا كبير شوي وهو المحبوب عند امه واهل زوجي دفعو مهر اكثر مني ب15الف عادي ماهمني مع اني كان مهري قليل مره قريباتي تزوجو قريب من زواجي ومهورهم ضعفين مهري بس اهلي يشترون الرجال ومايبغون الديون له ولاهله والوالد هو زاد مهري ومع ذالك ماسلمنا منهم 24ساعه ليش ماسويتو زواج كبير وضحك علي تحملت وصبرت كنت الاقي هواش من ام زوجي قدام اولادها كنت اسكت اطلع بيتي واصبح لمين اتقطع كنت صغيره عمري 19مرت الايام وانا من طيب الى اطيب حملت وجبت بنتي ولا ريال من ابو زوجي كل المصاريف من اهلي اومن فلوس اذهبي زوجي كان ماهو موظف ومرت الايام.......................................................... الان تغير كل شي بزواج اخوه المهر صار اكثر ..الولد طلب السكن خارج عمارة اهل زوجي ......الاثاث احسن شي ....بيت اهل زوجي جددو فيه استعداد للحرمه .....صحيح الولد متوظف بس براتب قليل مو معقول كل هذا من راتبه
المهم الان انا وزوجي مضاربات 24ساعه اقوله ليش انا لي الهواش وقلة الفلوس وغيري لا
واقوله اخوك هو المضل عليك واخوك سوا كذا................. وامك سوت كذا .............. وابوك.............
المهم كل يوم ينبهني الشيطان على شي .......حياتي صارت عذاب
سؤالي هل انا مبالغه؟
اريد منكم حل سريع قبل ان تنهار حياتي....... ومشكورين يااغلى بنات على قلبي

72 تعليق 12,916 مشاهدة

شاركي في النقاش

سجلي الدخول لإضافة تعليق.

التعليقات

67
  1. @am_laryn_2

    الله يفرج همك يااختي000 ادعي الله ييسر امرك واصبري خاصة اذا زوجك طيب معاك وخلية يدور له وظيفة وان شاء الله تتيسر امور بالنسبة لاهل زوجك طنشي وعيشي حياتك كذا انت اللي بتتضرري ويجيك الضغط والسكر الله يجيرك ويعيننا وياك ويرزقنا البيت الملك المستقل
  2. وليش كل هذا مادامك مرتاحه مع زوجك وش وله المشاكل اكسبي زوجك وراحت نفسك ولاعليك من احد عيشي لنفسك ولزوجك احسن والامور هذي مالها داعي اهم شي راحتك انتي وزوجك والله يسعدك ويسخر لك زوجك
  3. @am_ryma_94

    امرك غريب تلومين زوجك وتتعبين نفسك وتحولين حياتك لجحيم لشي فات وانتهى

    اذا على المهر ما غلط نفذ طلبكم واللي قال عليه ابوك والفرح اول مرة ادري انه على اهل العروسه

    يا بنت الحلال هذا الشيطان ينزغ بينك وبين زوجك ادحريه وعيشي حياتك وخليك واثقة ان المكتوب لك هو اللي بيجيك لا ازيد ولا انقص ونصيحة حطي كل شي وراك ربي يسعدك
  4. @hmam88

    عزيزتي لاتهدمين حياتك بيدك ولو زوجك مقدرك وقايم بحقك اهم شي

    وتعوذي من الشيطان خليهم يسوون اللي يسوونه وهم اللي اختاروك

    ولاتخلين الماديات تدمر حياتكم

    نصيحه _ترى غالبية الرجال يشوفون ان اهلهم هم الصح في كل شئ ولو صرتي تقولين له تراهم كذا وكذا

    ماراح يسمع لك وبالعكس بيعاندك اكثر عيشي حياتك ولايهمك احد

    اسال الله ان يفرج عنك ويسخر لك زوجك ويسخره لك يارب
  5. @shth_alashoak

    حبيبتي اسلوبك غلظxغلط

    اعذريني على الصراحه

    اولا اصابع يدك مش سوا

    يعني الي تقولي ان اهل زوجك سو تفرقه بينك وبين سلفتك ترى الشي هذا عادي ويصير في اكثر البيوت لاتنسين انها توها عروس واكيد مكانها غير يعني انتي شوفي نفسك اذا جاك ظيف كيف تستقبلنه افضل استقبال فما بالك عروس توها داخله عليهم

    ثانيا حبيت انبهك لزوجك تراك غلطتي غلط شنيع يوم صارحتيه بكل شي لو تجاهلتي الموقف ابركلك

    لاتنسين ان الرجال يكره الزن والمشاكل يعني لاقدر الله لو صار شي انتي الخسرانه كل شي بتخسرين بيتك وزوجك في وقت الف وحده تتمنى ريحه رجال يعني الخساره الكبيره لك انتي وحدك

    اتمنى تصلحين موقفك مع زوجك ولا تبينين شي لاهل زوجك بالعكس كل ماشكرو العروس الجديده اشكريها معاهم ومع الوقت راح ترجع الامور طبيعيه

تابعي تجارب أخرى من هذا القسم.