شاركي في النقاش

سجلي الدخول لإضافة تعليق.

التعليقات

334

  2. @am_olyd_alhdrmy

    صاحبة الموضوع
    بعد ماوصلنا الشركة وارتحنا كلمني زوجي بالتليفون وقال انا جاي عندك وراح اجيبك وقتها جن جنوني انه كيف يجي ويسيب اولادي بعد ماراح عندهم يعني أولادي راح يتيتموا بدري لا ام ولا أب رجعت دقيت عليه وقلت خليك مكانك أنا أخلي أحد من الشركة يوصليني يكون معاه سيارة عالية واتفقنا ينظرني في مكان معين وانا ارحله

    في شباب من موظفي الشركة الله يحميهم قالوا احنا راح نوصلك انت وصديقتك وربنا معنا خرجنا وتوكلنا على الله حتى وصلنا تقاطع شارع الستين مع فلسطين وطبعا كان الخط مقفل ومو هذا الخط بس كانت كل شوارع جدة مقفلة في عالم ناموا برا بيوتهم ورجعوا ثاني يوم

    المهم لما شفت الوضع سيئ قلت لهم خلاص حنا ندبر نفسنا وانتوا أرجعوا الشركة فخرجنا أنا وصديقتي وحاولنا نطلع كوبري الستين مع فلسطين الرجال رجعونا وقالوا حريم صعب يمشون الموية واصلة حد الصدر فرجعنا من تحت الكوبري قلنا يمكن نلقا مكان لقينا السيل قدامنا ولسه هايج ماهدى من قوته كسر السكة كلها

    فرجعنا من فوق الكوبري لأننا مطرين ماعندنا طريق غيرة وقلنا نروح من ورا تكون السيول أخف إلا لقينا السيل كله يجري هناك قام واحد شاب الله يتسر عليه نادانا وقال فين رايحين قلت نبغى نروح بيوتنا لعيالنا قال مايمديكم هذا السيل اللي عديتوا منه ولا حاجة لاكن السيل اللي قدامكم هد جدار من قوته

    وقتها انا بكيت وقلت عيالي غرقانين وعندي طفلة رضيعة ماتعدت الثلاثة شهور فقال ماعندكم غير طريق واحد وهو شارع الستين بس المشكلة انه مليان موية واصلة لحد الصدر قلت ان شاء الله توصل حد الحلق بس مافيها سيل قال مافيها سيل

    وقتها كان همي كله اوصل لأمي وعيال فتوكلنا على أرحم الرحمين ومسينا في الموية تقريبا حوالي 5 كيول ويمكن أكثر


    تخيلوا يابنات الرعب اللي كنا عايشين فيه المكان جدا مظلم لدرجة ماتشوفين اللي قدامك غير برودة الموية وتمشي بالبركة ماندري ايش اللي تحت اقدامنا هي حفرة هي سكة مكسرة الله أعلم

    والله والله والله اللي يطيح محد يشوفه ولا يدري عنه وكنا نمشي فيها حوالي ثلاث ساعات متواصلة مانقدر حتى نرتاح حتى جانا نور الرحمن وشفنا عماير الشرفية والله كأننا شفنا الجنة قدامنا وكملنا المسيرة حتى سوق الكندرة ولقيت زوجي هناك والله لما شافني بكى قال ماتوقعت انك تخرجي حية وطرت طيران على بين أمي لقيتها ياقلبي عليها تبكي خايفة عليه لان الفترة هذي كلها كانت الاتصالات عدم

    وشفت بيت اخوية كله أتعدم بالموية وبيت خالتي والجيران والله العفش يسبح بالشوارع




    الحمد لله
    الحمد لله
    الحمد لله


    ماأقدر أكمل خلاص قلبي عورني
    :44:



    في أمان الله

تابعي تجارب أخرى من هذا القسم.