والله قمت اغبط البدويات على زواجاتهم مو احنا الحضر ما نعرف نسال عن المتقدم عدل

انا بدويه وزوجي كان صديق ابوي ودايم معاه في الجمعات وعلاقته قويه معه (لاتحسبون زوجي شايب خخخخ بس يحب جلسه الشيبان )

ولما زوجي خطبني ابوي سأل عنه ماشاء الله مع انه اقرب واحد له ....

الحرص واااجب وهذي حياة فيها مستقبل شخصين واطفال مو لعب


مع ان وجهه نظري ان الحضر يسألون عن الرجال قبل الزواج اكثر منا وهذا المفروض والواجب ...

من واقع تجربتي ماخذه ولد خالتي ومرتاحة وثلاث من بنات خالاتي تزوجوا من برى وتطلقوا انا اشوف انه توفيق من رب العالمين وكلامك وجهة نظر لكن مايتعمم عالجميع مشكورة

اي والله المساله مساله توفيق بيد الله

المشكله مو هذي كل شي توفيق من ربي فيه ناس اعرفهم من قبيلتنا تزوجت البنت ولد عمها والكل يمدح فيه وماله داعي السؤال ولما راحت البنت عليه اكتشفت بلاوي طلع مدمن واششياء كثيره والصدق الواحد ماتعرفينه الا لما تعاشرينه حتى لو كان اقرب قريب وانا سمعت مره برنامج فيه شيخ يقول ماينفع تسال عنه بالمسجد هذاك زمان اول اسال عنه بعمله بس لا تسال رفقاه بالعمل لانهم مابيقولو الجد اسال عنه عند المسؤال عنه واذا هو حق تغيب واهمال معناته مو قد المسؤوليه الي مو قادر يقوم بدوام بنضباط معناها مو قادر يكون اسره ويكون مسؤال عنها وكله توفيق من ربي