والله قمت اغبط البدويات على زواجاتهم مو احنا الحضر ما نعرف نسال عن المتقدم عدل

رجاء لاتعممين قولي بعض البدووو
مامر علي وحده انغصبت عالزواج من جماعتنااااا ابدا

لا يا حبيبتي مو كذا الموضوع ابدا


صحيح وجهة نظرك واحترمها


بس ترى البدو مو شرط ياخذون من نفس القبيله

عادي ياخذون من برا بس يكون قبيلي و كثير ياخذون قبيلي هم مايعرفونه ولا شي والسؤال نفس الشي ماندري وين نسأل


وشباب هالايام ماعاد يفكر في سمعتة قبيله ولا يحزنون مايهمه الا نفسه
اللي فيه خير صدقني بيتوفق بدوي ولا حضري

وغير كذا فيه قبايل من البدو مسكينه تاخذ ولد عمها لو هو ووشو عاطل ولا مدمن اللي هو

لدرجه انه مرات والله يزوجون وحده كبيره لولد عمها اللي اصغر منها لانه مافيه اولاد عم بكبرها وتعالي شوفي المعاناه


هذا غير الولد اللي يكون مجبور ياخذ بنت عمه وبعد مايعرس ويجيب عيال يروح يتزوج وحده على مزاجه


ولا الولد اللي يجبر اهله يتزوج من برا العايله وبعد مايعرس ويخلص يزعلون عليه القبيله ويرجع ياخذ زوجه ثانيه من بنات عمه

يوووووووووووووووه مشاكل لها اول مالها اخر عدي واغلطي


اذا على السؤال صدقيني الحين الدنيا كبرت وتشعبت والعوايل تفرقت وحتى ولد العم ماعاد تدرين هو صالح ولالا

واذا على الخوف من القبيله اغسلي يديك ماعاد فيه احد يخاف من قبيلته ولا يخاف على سمعتها حتى

انا مع صاحبة الموضوع احنا الحضر ما نقدر نطلع قراره

يعني الي يطله برنت لازم عنده واسطه ومو كلنا عندنا واسطات

والجيران مو مثل اول كل جار بيعرف الثاني بيقولون و الله ما نعرفه

اخواني نصهم مالهم علاقه بالجيران و النص الثاني لهم علاقه

و اصحابه غالبا بيمدحونه منو الي بيقول الصدق
وش بقى المسجد؟؟؟ افرضي يصلي بالبيت

و الشرطه و المباحث شنقول لهم تقدم لنا فلان نبي نعرف اخلاقه؟؟؟؟

فرضا جبنا واسطه و طلعو برنت

البرنت ما يطلع لك اخلاقه

بيطلع لك مسجون ولا لا له سفرات ولا لا

و كثير ما انسجنو ولا سافرو و اخلاقهم عدم

اجل كان تزوجنا من زمان كثير الي يجون بس نردهم لاننا ما نعرفهم و الله يعين

غريبه و الله انا شايفه انها حضرية من الكويت او البحرين او عمان او الامارات او قطر

مدري مره قريت ان مفهوم الحضر عند الحجازيين غير عندنا