الملف الثاني لبنات المدينه عن المستشفيات والاطباء ملف تفاعلي

السلام عليكم

بنات انا ان شاءالله ناويه اولد بخاص بمستشفى الاحمدي بس المشكله ان ابرة الفصيله مو متوفره عندهم

ودورنا عليها باالصيدليات بس ماعندهم وش السوات وكارهه مستشفى الولاده :06:
ساعدونى

بسم الله الرحمن الرحيم
كيف الحال يابنات احلا تجمع ان شاءالله بخير
الحمدلله الذي بحمده تتم النعم ........الحمدلله الذي خلصني على خير وسلمني انا وطفلي
طبعا راح ادخل في الموضوع كان عندي موعد متابعه مع الدكتوره عفت في 19/2 وكلمت المستشفى وقالوا لي اليوم دوامها يبدا في الساعه 11الى 7 الصباح وجلست امشي ببيت اهلي وسويت القرفصاء وجلست بمويا حااااااااااااااااره .....وجاء زوجي ياخذني من عند اهلي الساعه 10 ولاول مره تصر امي انها تروح معاي وقلت بالمره اخذ الولد والبنت الي هم اولادي معايا:39:قلت امشيهم خخخخخخخخخ.......استغربت من روحة امي سالتها قلت غريبه دايما اغصبك وماترضي قالت الليله احساسي غير=لما وصلت المستشفى قالوا الدكتوره عندها عمليه قالي زوجي خلاص بكره نرجعلها رفضت قلت مادام خرجت من البيت اخلص وشويه وتجي بابتسامتها الله يسعدها وتدخل العياده وكان رقمي 3 وجاء دوري ودخلت انا وامي وسلمت عليها وردت السلام قالت عندك الام قلت مقطعه تروح وتجي وبالفعل كنت بالاربعه ايام الي قبل احس بالام مااقدر اخذ نفس المهم قالت اكشف قلت اكشفي وولديني وقالت لي وهي تضحك ((ماتقيش بالمزاق ياقولز))خخخخخخخخ
جات وكشفت وطلع الرحم 4 سم ماشاءالله لاقوة الابالله قالت اطلعي فوق تخطيط وارجعي طلعت فوق بعد ماعملي زوجي الفاتوره ولقيت وحده تونسيه اخلاقها طيبه صراحه وحطت لي الجهاز وطلع طلق مو منتظم كل ربع ساعه ........ورجعت للدكتوره عفت قالت روحي البيت واشربي خروع واذا حسيتي الالم زاد كلميني ع الجوال قلت لا يادكتوره دامه اربعه اعمليلي تحريض وحليكي معاي وانا دموعي:icon33:واترجا دكتوره لاتخليني ......دكتوره مااعرف غيرك........دكتوره انا معاك من وقايه....خخخخخخخخخخخ...وهي ماسمعت منها الا ربنا ييسر....المهم عملت لي تحريض ايش سوت ماادري لكن الاكيد انها طلبت مقص وقالت لي دفي وبعدها بدا الجد خرجت لزوجي من العياده وقلت له ولاده طبعا عى طول صار وجهه الوااااااااااااان قوس قزح خخخخخخخ اخذ اولادي وامي وحطمت بنتي معنوياتي قالت ياماما مو تتاخروا تعالوا بسرعه انتي والنونو طبعا قالتها من هنا وخرجت وانا كااااااااتمه الين خرجوا وبعدين:icon33:مررره خفت اني مااشوفها بس الحمدلله طلعت فوق لنفس النيرس التونسيه الي مااعرف ايش اسمها لحد الان واخذت الحقنه الشرجيه ولبسوني الروب المهوي خخخخخخخ وركبت لي المغذي وقلت اقولها سيرتي الذاتيه احسن بدل ماتزعل او تتنرفز علي بعدين ناديتها قلت شوفي زي ماتعرفي نفسك جاوبيني انا وحده وقت الالم مااعرف امي من ابوي لساني طويل وصوتي اطول بس الحمدلله قالت لا عادي وانا بخدمتك وبالفعل كانت ذوق وشويه الا وتجي امي طبعا انا دخلت غرفة المخاض2عشان لما تولدوا تعرفوا فين ولدت والي سبق لها تعيش اللحظه معايا خخخخخخخخخ وبدات الالام الساعه 2.15والساعه 3طلعت الدكتوره عفت عشان تشرف ع الحالات وكانت وحده بجنبي بالغرفه الثانيه ولما شافتني قالت تقدري تتحملي الالم قلت شويه قالت فكيلها المغذي وقومي امشي وعن جد كانت النيرس مررررره متعاونه معايا وقت المشي وجلست امشي واقرا بكتيب الافاده الين جات الساعه 5الفجر بعدها بدا الصوت يطلع قالت الدكتوره عفت ارجعي للسرير وكشفت قالت 8سم وقالت تعالي للكشك ورحت مشي وهي تقولي الادعيه وانا اردد وراها وهي صوتها هاااااااادي وانا اردد وراها كاني اطوف حول الكعبه شي اكمله من عندي وشي اطنشها مااقدرمن الالم الين دخلت الكشك وعلى طول رفعت رجولي قللت خلصيني باي طريقه اعطتني الكمام الاسود وكان اكسجين وقالت لما تحسي اعملي بوش الي هو الدفع طبعا بعد مااشفط من الاكسجين والساعه 6تماما شرف يزيد باشا والحمدلله بس الي حصل ان النونو لما خرج بكي وشرق بمويا كانت بفمه رمته الدكتوره على صدري واخذته فلبينيه اخلاقها اقل من الدون مني بكل قوه وجلست تدخل بحلقه وبخشمه لي عشان تشفط المويا واخذوه للحضانه وخيطت لي الدكتوره وودوني الغرفه بعدها بساعتين جات نيرس وجهها جدا شرس كان زوجي لسى ماوصل من الدوام قالت فين بابا بيبي طبعا انا انهرت قلت ليه البيبي فيه شي قالت فين بابا بيبي من دون ماتغير جملتها طبعا انا انهرت صرت بس دموع من دون اي كلمه راحت امي واخويا ولقيوا دكتور قمممممممممممممه في التعقيد قالهم تنفس البيبي جدا سريع والبيبي شرب من الميه لازم نعمله تحاليل واشعه ولازم ناخذ الموافقه من ابوه انا ندخله حضانه جاء زوجي ووافق حطوا ولدي وي صندوق لمدة يومين ذقت فيها كل اونواع التعذيب النفسي كل مااروح اشوفه وكان الدكتور الله لايسامحه اسمه خالد بدره رحت له يوم وقلت دكتور بدل ماانتم مانعين عنه الرضاعه الطبيعيه خليني ارضعه باشراف نيرس عندي واول ماقلت كذا كاني دايسه له على طرف ايييييييييييييييييييييييه يامدام دايشرق ويموت ده لو يرضع طبيعي يموووووووووووووووت والييوم الي بعده حسيت ان ولدي فيه شي خرجت من غرفتي ورحت للحضانه طبعا لما اروح اشوفه كاني اشحت منهم ودخلت الحضانه تخيلوا لقيتهم مدخلين بحلقه مصاصه وملزقينها ببلاستر من الاذن الى الاذن والولد يصارخ ووجهه اسود من البكى ناديت النيرس وقلت لها ليه قالت لي بس يبكي عاد انا :icon33:وصلت مرحله شويا واقتلها قلت لها يبكي لانه جوعان وعلى طول كلمت زوجي واخذت قرار اني لازم اخرجه من المجزره الي هو فيها رحت ادور على دكتور نسيت اسمه بس هو استشاري اذا ماني غلطانه قداح لقبه اوشي زي كذا لما وصلت العياده قالنا ليش زعلانين وقلت له على حكاية البلاستر قام هزاء الممرضه وقال رضعوه بالرضعه من صدر امه وحطيت له حليب بالرضعه من صدري ورحت بنفسي للحضانه وكانت النيرس:mad:ورضعته ياقلبي ورضعها بدون مايشرق المهم اخذ زوجي تقاريره وطلع فيها مستشفى الولاده قالوا تقارير الطفل جدا سليمه مايحتاج يجلس بالمستشفى وحسينا ان الموضوع صار تجاره وخرجناه على مسوؤليتنا طبعا ماخرجوه الا بطلوع الروح والحمدلله يزيد باتم الصحه والعافيه الله يتمم عليه
وهاذي قصتي كامله انا الان من ولدت 12 يوم دعواتكم انو ربي يحفظ لي اولادي من كل مكروه والعقبى للبقيه

بنااااااات حبايبي انا اراجع عند الدكتوره غاده الحلبي

والشهر الي فات اعطتني دكتوره ثانيه كلوميد وقت الدوره وابره بعد الدوره ودوفاستون

واليوم نزلت الدوره وانا مسافره للخارج يوم 11-3 يمديني اخذ كلوميد عند غاده وابره بعد الدوره تكفووووووووووون ردو علي